عرض للطباعة
السلام عليكم ورحم الله وبركاته
أخواني
محتاج مساعدتكم بخصوص الفيزا الله يرضى عليكم
انا رايح ادرس ومعايا زوجتي وطفلي
انا فيزتي راح تكون F-1
طيب بالنسبة لزوجتي وطفلي ؟؟
وهل اعبي ليا نموذج ولزوجتي نموذج ولطفلي نموذج ؟؟ ولا كلنا في نموذج واحد؟
ولو كل واحد في نموذج .. كيف آخد موعد واحد لنا ؟
ياريت تفيدوني الله يخليكم
بالنسبة لزوجتك اذا تبغى تدرس هيا كمان عبي لها نموذج فيزا f-1
واذا لا تعتبر هيا و الطفل مرافقين وفيزتهم تكون f-2
طبعا كل واحد يكون له نموذج الحال حتى الطفل.... وبالنسبة للموعد تحجز لك موعد لك انت و زوجتك
اظن الولد اذا كان اقل من 12او 14 سنوات ناسية كم العمر بالزبط المهم انو ما يروح موعد المقابلة بس تاخد معاك ورقة نموذج الفيزا حقته و جوازه
بالنسبة لطرقة حجز موعد لك انت و زوجتك ادخل على هذا الموضوع و راح يساعدك
http://www.mbt3th.us/vb/forum16/thread3264.html
بالتوفيق
الله يجزاكي كل خير اختي
بالنسبة لزوجتي لا ماراح تدرس
فالفيزا للزوجة والطفل حتكون زي ماتفضلتي F-2
كل واحد له نموذج لحاله صح؟
طيب الزوجة والطفل ايش اكتبلهم؟
قصدي اكتب انهم رايحين يدرسو؟؟
لانو ماتقدر تحط F-1ولا F-2
واكتب نفس بيانات المعهد اللي أنا كتبتها؟؟
يعني معقول طفل عمره سنتين اكتبلو نفس بيانات المعهد اللي أنا كتبتها؟؟
يا ريت تنوريني الله يجزاكي خير
ترى اخوكي حاااااااااايس*
انت لمن تحط خيار f-2 حتكون لهم اسئلة مختلفة عشان هما مرافقين لك هذا اللي اعرفه ... اكتب انو هما مرافقين لك عائلتك وجايين معاك
يب وكل واحد تعبي له نموذج الحاله
واذا في اي معلومات انا ما اعرفها ... اتمنى احد الاعضاء يساعدك
بالتوفيق
الله يعطيكي العافية اختي
ماقصرتي