هل يحق لي آخذ أقل من 12 ساعة

نعم تقدرين ..
واما بالنسبه لمدة فصل الصيف فهي تقريباً ثلاثة أشهر .. تبتدي في شهر May وتنتهي في شهر August ..
شهر May تبتدي فيه من منتصفه (يعني مابين تاريخ 6 الى تاريخ 15 من شهر 5 ) ...
وتنتهي في شهر August ايضاً من منتصفه (يعني مابين 5 الى تاريخ 15 من شهر 8 ) ..

عاد شوفي هالشهور الميلاديه ايش توافق بالعربي ..

بحثت لقيتها توافق رجب شعبان رمضان شوال
بالله عليكم أسألكم بالله كل سنه اقدر انزل عند أهلي هذي الشهور عادي محد يقول لي شيء ابدا

ايه عادي اختي .. اهم شي تمشين بالميلادي مو بالهجري !
من مجرد ماتخلصين من فصل الـ Spring .. بيكون عندك اجازة الصيف كامله .. إلى فصل الـ Fall ..

الله يبشرك بالجنه يارب جداً خبر مفرح لي
وأيضاً الله يسعد الكويكبي على طرح هذا الموضوع المفرح للنفس شكراً لكم .

السؤال المهم أو بالأحرى المشكلة

الترم الجاي أنا سجلت ٦ ساعات بسسس 😪
الجامعة مو لاقين لي مادة ثالثة وصعب انك تدرس مادة لحالك مافيه غير أنت والدكتور
يقولون أذا مالقينا لك بنخليك تبدأ برسالة الماجستير وهذي مصيبة ثانية

وانا من جنبها لحد الآن ومو مستعد أبداااا حتى طرق البحث بينزل لي الترم الجاي 😨


وش الدبره .... بكره اجتماعي مع العميدة ( العنيدة )

رح لمكتب الانترناشونال .. وعلمهم .. علشان يعطونك الاذن بانك تاخذ 6 ساعات !
وبالتالي يكون وضعك سليم مع الامقريشن ولا تحتاج انك تبدأ برسالة الماجستير ..

وفي نفس الوقت تاخذ ورقة الموافقه منهم , وتاخذ ورقه ثانيه من الادفايزر تبرر سالفة الـ 6 ساعات للملحقيه ..
وبالتالي , ترفع اوراقك للمحلقيه .. علشان مايوقفون الصرف عليك ..

وكذا يكون وضعك بالجهتين سليم بإذن الله ..

المشرف ارسلت له طلب تسجيل مواد ورفض بحجة انها اقل من ٩ ساعات

والانترنشونال ماهم فاهمين شي اذا يقولون لي لازم تاخذ مواد في الصيف
ومن طلعت من امريكا في الصيف لخبطوا لي الاي توني وقالوا مالك دخول لأمريكا الا لين يتعدل وضعك ( سالفه ثانية بقصها لك في مجلس المبتعثين )
والعميدة تقول عادي لو ماخلصت الرسالك تقدر تمددها للترم اللي بعده وتسوي لها تكميل

المشرف طبعاً بيرفض , لكن لو ارفقت له الاوراق اللي قلت لك وكتبت الأسباب راح يقبل ..

اما مكتب الانترناشونال .. حتى لو ماهم فاهمين .. انت علمهم .. قلهم ابي تعطوني الموافقه من الامقريشن اني اخذ 6 ساعات للاسباب الفلانيه !
وتعطيهم ورقه من الادفايزر حقك مفادها ان الطالب مجبور انه ياخذ 6 ساعات ولا فيه امكانيه انه ياخذ 9 ساعات لسبب ان مافيه كلاسات متاحه في تخصصه !
وبالتالي هم يكلمون الامقريشن ويعطونك الموافقه ..

وانت تكمل الباقي مع الملحقيه ...

بشوف طبختهم بكره
واذا ماقدروا بتبع طريقتك
وأطبخها لهم