الأعضاء الإشتراك و التسجيل

الملتقيات
ADs

مساعدة اتمنى اي شخص ملم بأمور الامقريشن مايبخل علي

مساعدة اتمنى اي شخص ملم بأمور الامقريشن مايبخل علي


NOTICE

تنبيه: هذا الموضوع قديم. تم طرحه قبل 1671 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ضايع بالطوشه
    ضايع بالطوشه

    مبتعث جديد New Member

    ضايع بالطوشه الولايات المتحدة الأمريكية

    ضايع بالطوشه , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Safety Engineering , بجامعة University of Findlay
    • University of Findlay
    • Safety Engineering
    • ذكر
    • Findlay, OH
    • السعودية
    • May 2013
    المزيدl

    May 18th, 2013, 03:12 PM

    السلام عليكم ورحمة الله وبركاته

    كيف حالكم اخواني واخواتي الطلبه, انا صارت لي مشكله غريبه شوي وتسرعت في حلها واتوقع انها جت عكسيه علي وحرمتني الذهاب الى امريكا,أنا طالب كنت ادرس في بنسلفانيا ونقلت لأوهايو نقلت لانه التخصص

    اللي ابغى ادرسه متوفر هناك وعندهم معهد لغه فقلت من المعهد على الجامعه بدون توفل او ايلتس على طول المهم انا حاولت اتواصل مع الملحقيه لأجل اخلص امور الانتقال الى الولاية الجديده و كالعاده لا حياة لمن تنادي

    فقلت لنفسي مالك الا تروح واشنطن فشغلت سيارتي وتوكلت على الله, وصلت للملحقيه قبل مايفتحون وانتظرت ونزلت لهم وتكلمت مع المشرف الدراسي وشرحت له سبب النقل وتكلمت مع المديره الاقليميه وشرحت لها سبب

    النقول و وافقتني الرأي المهم قالو سوي لنا طلب تغير معهد علمآ انا للحين بفترة اللغه مالي 3 شهور من التحقت على برنامج خادم الحرمين قلت وكانت اوراقي كامله معي معاد كشف الدرجات وتكملمت معهم وقالو خلاص

    مافيه مشكله فرفعت الطلب ومشيت رحت لاخذ اغراضي وتوكلت على الله لمدينتي الجديده وصلت لمدينتي الجديده واختبرت تحديد المستوى والاسبوع اللي وراه بدت الدراسه ودرست عندهم علمآ اني بلغت المشرف

    ومديرة الاقليم انه مالي شئ بالمدينة الاولى قالو ارفع الطلب وتوكل على الله على مدينتك الجديده وفي اخر الاسبوع بعد 4 ايام رفضو الطلب قالو لازم تغير التخصص وبعدين ارفع طلب تغير المعهد قلت ان شاء الله

    سويت اللي طلبوه بالحرف الواحد وتم قبول طلب تغير التخصص بعد اسبوع والجامعه الجديده قاعدين يطلبون الضمان المالي وانا اماطل فيهم المهم رفعت طلب تغير معهد وقعد الطلب معلق اسبوع بدون رد ولما ردو الاسبوع

    اللي وراه كان الطلب مرفوض هنأ تفأجأت انا واكلمهم ماحولك احد استأذنت من الجامعه يومين عشان اروح واشنطن ورفضو وقالو حنا راح نخاطب الملحقيه قلت ممتاز ويعطيكم العافيه ولا صار شئ اكلم محد يرد اراسل محد يرد

    الى انا وقفتني الجامعة من الدراسه بعد شهرين عشان اجيب لهم الضمان المالي وما مشيت لانه كنا بأخر الشهر وانتظر الراتب عشان اروح وانا احاول يوميأ الاتصال بهم الى ان رد المشرف الدراسي وقلت له وضعي قال لي

    بالحرف الواحد من سمحلك تنقل وحنا للحين ماقبلنا الطلب قلت يا استاذي الكريم انا بلغتكم يوم كنت في الملحقيه اني من واشنطن لمدينتي الجديده وقلت توكل على الله وارفع الطلب وان شاء الله امورك في السليم

    قال اوراقك مو كامله ناقصة كشف الدراجات ولا نقدر نقبل الطلب وانت لازم ترجع لمدينتك القديمة او عطيتك هولد قلت يا ساتر هولد مره وحده قال جاك العلم قلت انا بجيكم انتظر الراتب ينزل وقال اوك, بالصدفه فتحت ايميل

    الجامعة ماني متعود عليه لاني كنت في معهد تجاري الي هو ELS فما عندي فكره عنه وكل ما افتح ايميل الجامعة القى اعلانات الجامعة وخبركم انتو عارفين المهم فتحت الايميل من بكره بعد مكالمتي مع المشرف

    ولقيت رساله بالصدفه لها يومين من الامقريشن اللي بالجامعة لهم مكتب بكل جامعة المهم رحت لهم وقال لي شئ انت غايب عندك مشاكل او شئ من هالكلام قلت انا عندي مشكلة وحده اللي هي مع SACM

    ما ارسلو الضمان المالي الى الان والجامعة عطتني اجازه اسبوع لاجل اخلص اموري مع الملحقية واجيب الضمان المالي فقال لي انا مالي شغل بالضمان المالي او غيره انت طالب وفيزتك F1*لازم انك ماتغيب الا اذا كنت مريض وعندك

    مرضيه او مراجعه حكوميه فعلى هذا انا كنسلت الاي توني وفيزتك لازم تغيرها وتخليها على الجامعه الجديده علمآ انا فيزتي على بوسطن ومدتها 5 سنوات يعني للحين جديده, وعطاني ورقه تسديد وحذف المواد قال لي تروح للادارة

    وتسدد لهم وتتخالص معاهم وتجيبها لي يوم الاثنين الصباح الساعة 9 انا كنت عنده يوم الجمعه فقلت على خير يوم الاثنين وانا عندك الحين قمت اكلم الملحقية مدري وش اسوي وش الحل ولاحياة لمن تنادي وارسل ايميلات

    ماحولك احد المهم سألت الناس القدام وقالو حبيبي احجز وتوكل على الله هم راح يخلونك تدفع للجامعة فلوسهم يضمنون حق جامعتهم وبعدها يقولون لك باي واحتمال يكون فيها حجز اذا مادفعت المبلغ يوم الاثنين

    المهم الملحقية ماترد وارقام الطوارئ محد يرد قفلت بوجهي انا بس ابي احد يوجهني من الناس الفاهمة بالملحقية هل علي خوف او شئ من هذا علمآ انه طاري الامقريشن شين عند السعوديين المهم شارو علي اكثر اللي

    بالمنطقة قالو دام ايدك سالمة للحين فحبها قالو توكل على الله من الديره وحاول تخلص كل شئ معهم وانت بديرتك السعودية وفعلآ ما جاء يوم الاحد الا وانا طاير عالسعودية اول ماوصلت وادخل البوابه ولا القى هولد هههههه

    فسويت طلب ايقاف بعثه قبلو الطلب.

    ارسلت واحد من اصحابي للامقريشن للجامعة لجل يسأل عني هل عليه مشاكل او شئ قالو الطالب هذا هارب وماندري وينه هل يعقل الامقريشن ومايدرون للحين اني سافرت المهم ما افادوه بأي شئ وقالو هذي معلومات سرية

    مانقدر نفيدك بأي شئ عنه.

    علمآ اني للحين ما كلمتهم ولا ارسلت لهم ايميل ولا شئ وش تنصحوني يأهل النصيحة وش اسوي البعثة الى الان معي لم اخسرها هل اغير دولة او اتواصل معهم اوايش......

    اخوكم: ضايع بالطوشه
  2. وعليكم السلام

    فيما يخص الامجريشن لاتخاف اذا انت خرجت من امريكا خلال 14 يوم من الغاء الاي 20 فما خوف عليك لانك التزمت بالخروج من امريكا ، وانا اصلا متسغرب كيف يقولون لصاحبك انك هربت ومن هذا الكلام لانهم مايعطون اي معلومة لشخص اخر بسبب قوانيين الخصوصية ، وثانيا اول مرة اسمع ان الامجريشن عندهم مكتب في الجامعة يمكن تقصد مكتب الطلاب الاجانب في الجامعة .
    7 "
  3. المشاركة الأصلية كتبت بواسطة nasa2009
    وعليكم السلام

    فيما يخص الامجريشن لاتخاف اذا انت خرجت من امريكا خلال 14 يوم من الغاء الاي 20 فما خوف عليك لانك التزمت بالخروج من امريكا ، وانا اصلا متسغرب كيف يقولون لصاحبك انك هربت ومن هذا الكلام لانهم مايعطون اي معلومة لشخص اخر بسبب قوانيين الخصوصية ، وثانيا اول مرة اسمع ان الامجريشن عندهم مكتب في الجامعة يمكن تقصد مكتب الطلاب الاجانب في الجامعة .
    وعليكم السلام
    الرجال اخذ نصايح غلط وفاهم الموضوع غلط والمشرف بعد ساحب عليه يعني الموضوع كله حوسه
    السبب في هروبه انه مادفع الفلوس للجامعه او المعهد ومكتب الامقريشن اللي يتكلم عنه اللي هو مكتب الطلاب الاجانب اللي انت قلت عنه
    ماعنده ححل الا انه يكلم الوزاره علشان يحلون له وضعه لانه راح تصير له مشاكل كثيره اذا رجع
    7 "
  4. السلام عليكم ورحمه الله وبركاته.
    اول شي تواصل مع محامي الملحقيه تفسر له كل شي. محامي المحلقيه يدين الملحقيه بالخطا الي عليها ويدينك بخطائك.
    ويصحح وضعك مع الجامعه و يعطيك طرق تحميك. اذا محامي الملحقيه ماتجاوب معك. علطول محامي السفاره.
    اتمنى لك التوفيق.
    7 "
  5. اسعد الله صباحكم او مساكم بكل خير اخي hayway كلامك هذا هو اللي صار اخذت نصائح من ناس ماتفهم بهالشئ وانا كنت خايف من انهم يحجزوني فأخذت بكلامهم ومشيت وسالفة مكتب الامقريشن لهم مكتب داخل مكتب الطلبه الاجانب وهو قالي انه هو من الامقريشن وسألت الطلاب السعوديين واكدو لي هالشئ
    اللي صار بيني وبينهم انهم قالو لي كنسلنا الاي توني والفيزه لازم تغيرها على الجامعه الجديده ومع العلم فيزتي جديده خمس سنوات وعلى بوسطن والجامعه الجديدة في اوهايو وعطاني ورقة اني اسدد اللي علي بالجامعه والملحقيه ماردت وسافرت قبل يوم الموعد معه كان موعدي معاه يوم الاثنين وانا سافرت الاحد صاحبي قالي يا ولد هم يدورونك و مو قادرين يتواصلون معاك استغربت هالشئ انا لانه هو شغال بالامقريشن مجرد يحط اسمي او معلومات جوازي يبين عندي اني غادرت الولايات المتحده قبل يوم الموعد معاه بيوم والملحقيه تكلمت معاهم وقالو مالنا شغل وانت نقلت بدون موافقه تتحمل الفلوس اللي عليك عندهم وتخلص وضعك معاهم وانا مدري وش اسوي الحين ويعطيكم العافيه يا شباب على الردود اللي عالاقل ريحتني شوي وسالفة الملحقيه جحدتني بسبب اني نقلت بدون موافقتهم
    واطلب من الله التوفيق لي ولكم في حياتكم ودراستكم يا رب

    وبالنسبه للامقريشن هذا ايميل من المنسق عندهم بالجامعه وهذا مسمى وظيفته غير الشخص الاول


    Coordinator of International Admissions and Immigration
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.