تم الحاقي بالبعثة قبل ماينزل الراتب بيوم
هل استحق مكافأة ؟
عرض للطباعة
تم الحاقي بالبعثة قبل ماينزل الراتب بيوم
هل استحق مكافأة ؟
نعم ,
اذا تم إلحاقك قبل موعد المكافأه بيوم , فتستحق مكافأة 11 يوم ,
اعطيك مثال ,
مكافأة شهر صفر 1435 هـ , تم صرفها في تاريخ 20 صفر 1435 هـ ,
إذا تم إلحاقك في تاريخ 19 صفر 1435 هـ ,
فهذا يعني انك تحتاج الى طلب صرف فروقات من تاريخ "19 صفر 1435 هـ وحتى تاريخ 29 صفر 1435 هـ " ..
وهو الجزء الذي تستحقه من مكافأة شهر صفر 1435 هـ .
طيب انا قرار انتقال كاتبين يبدا الصرف علي بتاريخ ٧ جانوري ولكن دخلت امريكا بتاريخ ١٧ ديسمبر هل يحق لي طلب فروقات
شكرا لكم
باذن الله لي عوده وطرح تجربتي
بس الي قهرني سالت المشرف وقلي مايحقلك واخذت علي كلامه
لكن بجرب وارد عليكم
صراحه كانت عندي تجربه مع المشرفين في كندا
انا انهيت مرحله اللغه السنتين وباقيلي شهر عشان انتقل من كندا لامريكا وبصراحه ماحبيت ارجع السعوديه لانه تعب علي
المهم ارسلت استفسار للمشرف اني ما ابغا ارجع السعوديه وابغا اجلس في كندا ويفتح لي الصرف لمده شهر طبعا كان رد المشرف بالرفض وانه ليس من حقوقي
المهم ربي الهمني ياجماعه اني ارسل رساله للملحق واطلب منه فتح الصرف والله والذي لا اله الا هو انه الملحق طلع تقرير كامل عني من اول يوم دخلت الي اخر شهر
وكان الحمد لله تقرير يشرف حظور بنسبه ١٠٠ ٪ وكمان درجاتي عاليه ولله الحمد (ما شاء الله)
وارسل الملحق رساله للمسئول واخبره بناء علي التقرير يفتح الصرف لها لمده شهر بدون تغير او تعديل نهايه البعثه
فالواحد ما ياخذ علي كلام المشرفين
الحمد لله هذا كله توفيقا من الله ودعوات الوالدين وكذلك الجديه في البعثه لاني اتوقع اول سبب خلاه يتعامل معي كذا هو تقريري الدراسي
حبيت انكم تستفيدو من تجربتي
آلله يزيدكـ من فضله آلكريم ..
فعلآ ..
دآئمآ أقول, ترى آلمشرفين بعضهم أسآسآ جــآي تعآقد مآيعرف إيش آلنظآم .. وآلله إن آلطلآب يعرفوآ أكثر من آلمشرفين ..
وَ أللي يجي يسأل ..
أقوله أرفع طلب " إستفسآر " عن طريق آلبوآبة آلإلكترونية ..
آلمشرف غصب عنه يقفل آلإستفسآر إمآ بآلإيجآب أو آلرفض .. وَ بيكون كٌل شي موثق أكثر من آلإتصآل أو آلإيميل آلشخصي ..
وَ إذآ مآفيه تفآعل من آلمشرف .. على طول إيميل للمدير آلإقليمي ..
وّ إذآ مآنفع للملحق آلثقآفي ..
وانآ عندي قصه مشآبهه لقصتكـ ..
إضطريت أروح للملحق .. وَ آلمرهـ أللي بعدهآ كلمته بإتصآل ,, وَ ضبط أموري وَ لله آلحمد ..
وَ شكرآ .. على شرحكـ للتجربة أللي كتبتيهآ ..
بآلتوفيق ..
قبل قليل حاولت ارسال طلب فروقات وطبعا النظام رفض ولم يسمح لي بارسال الطلب
وكاتب لا يحق لك طلب فروقات في المده الاقل من تاريخ بدايه الصرف
لانهم كاتبين في صفحتي بدايه الصرف ٧ جانوري وانا طلبت للمده الي قبل الي هيا اول مادخلت امريكا
يالله الحمد لله تتيسر
محمد فهد
تسلم اخوي
رحم الله والدايك ماقصرت
أنت محول من كندا لأمريكا .. هل انت عملت تأجيل او حولت مباشرة ؟
أذا عملت تأجيل بعثه ثم حولت , مايحق لك تطلب صرف فروقات لفترة التأجيل .. بس يحق لك تضيف مدة التأجيل في البعثه عن طريق رفع طلب تعديل تاريخ نهاية بعثة ..
اما اذا عملت تحويل بدون تأجيل .. فلابد تشوف متى بداية دراستك .. في امريكا ..
اذا كانت بداية الدراسه هي 7 جانوري .. وانت جيت قبلها ... فهذا يعني ان المده اللي قبلها بتكون محجوزة .. ولا راح تقدر تطلبها الا لما تفك الحجز عنها ..
وطريقة فك الحجز لمثل وضعك ما عندي علم فيها صراحه .. لكن تأكد انك ماراح تقدر تطلبها طالما انها محجوزه .. موظفي المالية مايقدرون يسوون شي اذا المدة محجوزة ..
فلذلك انت مشكلتك حلها مع ادارة الاقليم نفسه .. اما من المشرف او مدير الاقليم بنفسه ..
تفك الحجز من عندهم .. وبعدها تقدر تطلبها ..
وعلى حد علمي وتجربتي السابقة في مسائل الحجز , ان اذا كان الحجز في وقت اجازة , ماتقدر تفك الحجز ولا تقدر تطلبها خلاص !
حلك الوحيد فيها انك تضيفها في مدة البعثة , وتكتب انها مدة مادرستها ..
بس انت ماعليك من تجربتي .. لان ممكن يكون وضعك مختلف ..
لكن شوف وضعك وحاول تضبط امورك ووافنا بالتفاصيل عل وعسا امور تتيسر بإذن الله ..