مشكلة لاحد الاشخاص ..ياليت من صار له نفس المشكلة يفيدنا

السلام عليكم ورحمة الله وبركاته...

احد المبتعثين وزوجتة سيدرسون دراسات عليا ..احضروا من الملحقية ضمان مالي مبدئي وتم احضار القبولات بعد عناء ..

الان يبون يروحون للجامعة لكن الملحقية قالت ان الولاية مقفله للتكدس ..مع ان الجامعة مفتوحة للان ...


الحلول الله يعافيكم ..

مشكورين مقدما

:cap:
any feedback

الحل هو التوجه للملحقية والدخول على العيسى والتفاهم معه وان شاء الله يحصل لهم خير لان الملحقية لا تستجيب للطالب الا بعد ان يدخل عليهم ويرفع الصوت احيانا

صااااااار معااااي بالضبططط واحضرت وقتها ثلاث قبولات وتم رفضها جميعها لاغلاق الجامعه او للتكدس
والي سويته كتبت ايميل للعيسي وسويت نسخه للسكرتير وللشكاوي ومشرفة الاقليم ومساعدها ومشرفتي وكلهم نفس الايميل وخليته مكشوف ابي كل من جاه عرف مين استقبله معاه

وكتبت شكوي طويله عريضه وحطيت قبولاتي والضمانات الي اخذتها بغرض القبول بالمرفقات وكنت وقتها علي الهولد من شهرين وجتني القبولات مع بعضها زي الفرج من ربي والملحقيه سكرتها بوجهي
وكتبت لهم سالفه صارت معاي وهي اني لما ماقدرت ادفع اجار السكن طلعت واستقبلتني عائله امريكيه عندهم لثلاث شهور وقلت تعليق علي هالموقف اني انا وعايلتي امانه عندكم لكنكم ماصنتوا هالامانه ومع الاسف المسيحي صار ارحم علي منكم واستقبلونا فبيتهم مجانا لما تنفرج علينا يرضيكم !!؟؟؟؟

وبآخر الايميل حطيت رقم البيت الي انا ساكنه عندهم وعلقت انه هذا رقمهم وان جوالاتنا مفصوله لاننا مفلسين شوفوا لي حل قبل ماتكبر المشكله

والله ثاني يوم الظهر صحتني الحرمه الامريكيه الي انا سكنت عندها علي تلفون الملحقيه ويوم رديت كان الدكتور محمد العيسي بنفسه وسلم علي وقال ايش مشكلتك وشرحت له باختصار وقال لي انا وصيت عليك الاستاذ ... مسوؤل بتكساس عندنا وهو راح يسوي الي يرضيك ماتشيلين هم وسكر الخط وطلع لي بالخط نفسه واحد ثاني وسمع مني كل المشكله والقبولات
وقال لي انتي تبين تسوين تآجيل وترجعين تدورين قبول ثاني معترف فيه وترجعين ؟

قلت ماقدر انا ابي ادرس درجاتي عاليه ومستواي عالي حرام ارجع الي بالسعوديه ماراح يصدقون سالفة انكم رفضتوا القبولات وانا يا ادرس هالترم يا افصلوني وحسيبكم ربي
قل مايصير هالكلام ومالك الا اللي يرضيك وخلاني انتظر علي الخط ودخل معانا خط ثالث وبدا يحكي بالانجليزي مع امريكيه وانا اسمع كل شي
وقال لها انه عندنا طالبه معدلها عاي ايلتس عالي وكل امورها طيبه جايبه ثلاث قبولات لكن حنا رفضنا نعتمدها للتكدس وانا ابي اطلب منك تقبلينها بجامعتكم قالت اوكي كذا ببساطه جاني قبول بالتلفون قال مامعها جيمات قالت نعطها سنه من تبدا دراسه تجيبه قال لها تبي تبدا الترم هذا !! ممكن قالت ممكن لكن خلها تجينا بكره وتجيب كل اوراقها

وحجزوا لي وسفروني ثاني يوم الصباح دخلت الجامعه لقيت قبولي عالمكتب والحمدلله الله ماضيع تعبي ودراستي وبديت دراسه بعد هالموقف بآربع ايام والحمدلله واذكروا الله ياللي تقرون خخخخخ وعقبال زملاءك يارب خلهم يتحركون ويشتكون نفس طريقتي والله ييسر امرهم يارب

اذا كانت الجامعة غير مغفله ليه الخوف .. ومن اجل التأكد من هذا الموضوع تذهب الى المدير الاقليمي وتسأل هذا السؤال

اقتباس:

---

المشاركة الأصلية كتبت بواسطة مبلش

اذا كانت الجامعة غير مغفله ليه الخوف .. ومن اجل التأكد من هذا الموضوع تذهب الى المدير الاقليمي وتسأل هذا السؤال

---

انا الي صار لي ان الجامعه اغلقت بعد ما اعطوني الملحقيه الموافقه المبدئيه عليها واعطوني ضمان مالي بغرض القبول بدون اي اعتراض او رفض وبعد ماجبت القبول بهالفتره مابين الضمان المالي بغرض القبول واحضاره اغلقت الجامعه هذا السبب نفسه الي يواجهه الاخ وزوجته بهالموضوع

الجامعة يا اخوان ليست مغلقة ولكن المغلق هو الولاية ....

طيب ممكن نعرف الجامعة لأن اعتقد ان ولاية فلوريدا هي التي اعلنت انها مقفلة في جميع المعاهد والجامعات