اللي والدها متوفي ارجووو الدخول للضروره وللي عنده معلومه عن الاعاله والولايه تكفوون:(

السلام عليكم ورحمةً الله وبركاته

اخواني واخواتي تكفووووون اللي عنده معلومه يعلمني

والله راسلت تقريباً 5 اشخاص بالملحقيه محد فيهم رد و 2 منهم قالوا راسلي هالجهه حنا ما ندري مع ان اسألتي جدا بسيطه ما يحتاج يحولوني
بس حسبي الله ونعم الوكيل تعامل عجيب ولا فيه تفاعل

انا بعد 5 شهور رايحه ادرس على حسابي الخاص (ماستر) وبطلب انضمام للبعثه
تقريباً عندي معلومات عن كل شي ولللللللكن

الولايه والاعاله هذي مدري وش سالفتها
وابغى اعرف عنهافي نقطتين لكن بشرح لكم وضعي قبل

انا منفصله عن زوجي وعندي ولد عمره 16 سنه وراح اخذه معي متى ما ضموني لو ما ضموني ما راح اخذه
السؤال هنا هل انا احتاج ورقة اعاله!!
او مجرد موافقة الاب بسفره معي تكفي او ما يحتاج موافقة الاب خير شر لاني انا امه
مع العلم ولدي سفرته هالصيف بريطانيا يدرس
ولا طلبت مني السفاره شي من ناحية ابوه ابدا
انا بما اني امه وقعت عالاوراق
ولكن هل الملحقية تطلب اوراق !! علشان يضمونه كمرافق !!

الشي الثاني بالنسبة لي
انا عمري 32 سنه ووالدي متوفي
هل يلزمني ورقة ولاية مدري اعاله مدري وشي
اللي تكون من اخوي!!
مع العلم حنا الان ما عندنا اي ورقة ولايه

مجرد ورقة حصر الارث و توكيل لاخوي بالبيع والشراء وامور الجوازات ونقل كفالات العمال ... الخ

مع العلم ان اخوي المحرم اللي بيسافر معي مو هو نفسه اللي معاه التوكيل


ادري ان سالفتي حوسه

ولكن والله محتاجه اجابه لو معلومه بسيطة

وزي ما قلت لكم لا التعليم العالي يرد علي ولا الملحقيه يردون :(

سؤالي ببساطه
( ماهي الاوراق التي احتاجها لضم ابني كمرافق)
(ماهي الاوراق التي احتاجها من المحكمه لضمي للبعثه ) !!!

شاكره لكم مسبقاً :(

الله يوووفقك ويسهل امرك

ماحبيت امررر بدون مارفع الموضوع :rolleyes2:


انشاءالله ،، احد يفيدك

السلام عليكم عزيزتي ..
الله يسهل أمرك خاصة وأمر المسلمين عامة ..
سالفتك لا هي معقدة ولا شئ !! الله يصلحك إنت مشبكة الأمور..

طيب بجاوبك بالي أعرفه ..
بالنسبة لورقة الإعالة ... يسمونها صك الوكالة
هذي ولي أمرك إذا كان غير الأب أو الزوج.. .
طالما ولي أمرك الآن أخوك .. يصير يروح للمحكمة ويصدرها ويوافق لك بالسفر ..

بالنسبة لولدك _ الله يحفظه لك _ ينضم كمرافق إذا انضميتي للبعثة
يعني اذا ضموك ان شاء الله الابتعاث لبرنامج الملك عبد الله راح يسألونك ويخلونك تعبين أبليكيشن جديد عشان الانضمام
ومن ضمن الأسئلة : اسم المحرم وهويته وجوازه .. وكل إثباتات المحرم
أيضاً أسماء المرافقين الي هم : ( أبناء المبتعثة ) فقط
يصير تضيفين ولدك من ضمن المرافقين ويطلبون برضه إثباته وجوازه والفيزا ... إلخ الأشياء هذي المعروفة
وتنزلكم مكافئات كلكم انت والمحرم والمرافق
..
إن شاء الله إنك ارتحتي شوي 😊
لا تشيلين هم إذا ضموك للبعثة هم بيعلمونك وش تسوين بالضبط وإيش الأشياء المطلوبة
حبة حبة ..!

الله يوفقك ويستر عليك ، في أمان الله عزيزتي

صك الوكاله غير عن صك الاعاله
الوكاله للي ابوهها موجود ويوكل اخوها
الاعاله للي ابوها متوفي ويكون الصك باخوها الكبير وتكفي عنها ورقه حصر الارث>>>.تاكدي من هالنقطه
المرافق يجب ان يكون عمره 18+
استصعب عليك الامر فقط يلزمك دخول محرم لك ل امريكا لكي يسجل بالمحلقيه مرافق وممكن يجلس كم يوم ويرجع ولا تخبرين انه راجع


بالتوفيق

ممكن تقدرين تضمين ولدك كمرافق لكن ضروري تاخذين من المحكمه انه العائل الوحيد لك >>>>تاكدي من هالنقطه
لاني انا قستها على الشباب لما ياخذون امهاتهم