سؤال ضروري للمبتعثين على حسابهم الخاص
السلام عليكم ورحمة الله وبركاتة
في بداية الأمر أحب أعرف بنفسي وكيف جيت لأمريكا بعد عنا طويل للبحث عن الطموح وللهروب من الواقع المرير اللى كنت عايشة فى الرياض والوظايف والخرابيط. انا متزوج وعند ثلاث أطفال وعمرى 25 سنة من سكان الرياض كنت موظف فى مستشفي الملك فهد للحرس الوطني بوظيفة رجل أطفاء وكنت أستلم راتب 8700 ريال. تركت العمل وقررت أكمل دراسه مع العلم انى أحد خريجي معهد الأدراة العامة بالرياض. المهم طلبت قبول من الجامعه الأمريكية وجانى القبول وطلعت فيزا وسافرت فى تاريخ 22-02-2013 ودرست لغه وخلصت بأربع شهور ولله الحمد وكان من شروط الملحقية بخصوص الطلبة على حسابهم الخاص بأنه يكمل 4 شهور بعدين يرفع كل الأوراق اللى يطلبونهم مثل الدرجات وترانس سكربت من الجامعه وشوية حوايس. المهم ولله الحمد صدر لى قرار ابتعاث بتاريخ 07-07-2013 وانا الان لا ازال فى الولايات.
نمرة واحد: أبي أجيب زوجتي وعيالي الثلاثة وعندي بنت تحت السنة هل الملحقية يدفعون التذاكر لهم أو لازم انا ادفع بعدين أرفع تعويض للمحلقية ( وحتي لو رفعت تعويض يمكن يردون بالرد التالى (لازم يكونون عيالك على حساب الدولة عشان نعوض تذاكرهم) ؟ [/B]
نمرة اتنين: صدر قرار الأبتعاث فى تاريخ 07-07-2013 وباقي على دراستي شهر ونص يعني بتاريخ 04-09-2013 هل أستطيع السفر للسعودية الأن أم أن هنالك ضوابط خاصة؟ وهل هنالك مشكلة من قبل الملحقية اذا سافرت السعودية بدون علمهم ؟[/B]
رد: سؤال ضروري للمبتعثين على حسابهم الخاص
لا أملك اجابة للسؤال الاول. اما السؤال الثاني فبإمكانك العودة للمملكة بمجرد حصولك على الاي توني الجديد المصدر من الجامعة
رد: سؤال ضروري للمبتعثين على حسابهم الخاص
اخوي احييك على طموحك وعسى الله يوفقك
بالنسبة للملحقية فهي ما تصرف لك تذاكر الا بعد 9 شهور من ابتعاثك
رد: سؤال ضروري للمبتعثين على حسابهم الخاص
كلمنى واحد من الشباب قبل شوي يشتغل فى وزارة التعليم العالى يقول بعد ما تجيب قبول لزوجتك وعيالك تقدم على فيزا F-2 بعدين تاخذ الفيز وتروح فيها على وزارة التعليم ويعطونك تذاكر بموجب أنى انا مبتعث وهذولى عيالى
رد: سؤال ضروري للمبتعثين على حسابهم الخاص
مثل ماقالولك الأخوان ...
الملحقيه ماتصرف لك تذاكر الا بعد تسع شهور من تاريخ بداية البعثه .. وحتى لو اخذت تذاكر على حسابك الخاص ماراح تقدر تعوضها .. !
هذي من ناحية ..
اما من ناحية زوجتك وأولادك .. فمثل ماقالك صاحبك .. تجيب قبول لزوجتك وعيالك .. وتقدم لهم على فيزا مرافقين F2 وبعدها تاخذ الفيزا وتروح لوزارة التعليم ويعطونك تذاكر سفر .. !
أما من ناحية السفر ..
لابد أنك تكلم المشرف الخاص فيك .. وتعلمه بوضعك .. وتسأله عن ما اذا كان هنالك ضوابط او شروط لابد تعملها قبل سفرك !
أو بإمكانك رفع طلب استفسار عبر البوابه الالكترونيه .. وراح يجاوبك عليها المشرف !
وقتها تحدد ايش بتسوي ..
هذا والله اعلم ..,