التحويل من الراجحي لبنك chase ماوصلني شي !
السلام عليكم
اخواني الوالد ارسل لي فلوس من حسابه بالراجحي لحسابي الامريكي في بنك chase والمعلومات صحيحه وكل شي صحيح
ومر فتره ماوصلتني وش الحل بنك الراجحي يقولون المفترض انها واصله لي. بس ماجاني شي صراحه
مرسلها لي من تاريخ 10/07/2013 وكاتبين بالفاتوره حقت التحويل بعد يوم المفروض استلمها
واليوم حنا 14/07/2013
مر اربع ايام !!
ياليت اللي له خبره بالموضوع يعلمني يحتاج اراجع شي او وش اسوي.
رد: التحويل من الراجحي لبنك chase ماوصلني شي !
وعليكم السلام
التحويل بعض المرات يطول يقعد لين خمس ايام
ماقد حولت من حساب بالراجحي لكن قد حولت من فرعهم حق الحوالات
لا تنسى اذا كان ويك اند التحويل يبدا بعد الويك اند سواء في امريكا او السعوديه
وبالعاده ياخذ يومين او ثلاث ايام
رد: التحويل من الراجحي لبنك chase ماوصلني شي !
الحوالات الدولية تاخذ عادة من 3-5 ايام عمل .. هذا يعني أن ايام نهاية الاسبوع غير محسوبه في كلتا الدولتين ..
.. يعني انت والدك الله يحفظه حولها لك يوم الأربعاء بتاريخ 7/10/2013
معناته راح توصلك باذن الله مابين تاريخ 7/15/2013 و 7/18/2013 ...
وسبب التأخير هو أن يومي السبت والأحد غير محسوبه وتعتبر عطله رسميه للبنوك داخل امريكا ..
وايضا الخميس والجمعه تعتبر ايضا عطله رسميه للبنوك السعودية .. (وحتى لو كانت العطله على النظام الجديد بالسعوديه "جمعه وسبت" ..)
الحوالات الجايه ان شاء الله .. حاول تخليها اما يوم الأحد أو الأثنين "الصباح بتوقيت السعودية".. حتى توصلك يوم الخميس أو الجمعه كحد اقصى ..
أو .. اذا كان والدك يحول عن طريق النت .. خله يحولها من يوم السبت اي وقت يعجبه .. وانت احسبها من يوم الأحد .. لان السبت بيكون عطله .. والمعامله ماراح تمشي لحتى يعتمد البنك الراجحي الحواله .. وهذا ماراح يسويها البنك الا في اوقات العمل ..
يصير والدك يحولها السبت والاحد يعتمدونها في الصباح .. ويصير يوم الخميس هي عندك واحتمال الاربعاء بعد .!
لان اول حواله تتأخر .. والثانيه تاخذ بوقتها الطبيعي 3-5 ايام عمل ..
واما بقية الحوالات فتعتمد على الوقت ... اذا كانت مثلا الاحد الصباح بتوقيت السعودية .. تستلمها الأربعاء المساء بتوقيت امريكا !
يعني يصير الوقت اقصر .. واحيانا ممكن تستلمها قبل وقتها .. والسبب أن البنوك أخذت على الحوالات المتكرره وصارت الحوالات بين حساب الوالد وحسابك معروف وغير مشبوهه فيمشونها بسرعه !
انا كنت احول من حسابي السعودي من البنك العربي الى بنك Regions في امريكا ..
اول حواله أخذت معي اسبوع تقريبا على ماوصلت .. والسبب أني حولتها يوم الخميس .. ووقتها الخميس والجمعه عطله رسميه للبنوك السعودية ..
وصادفت بعدها عطلة امريكا الرسميه بعد السبت والاحد ..
وبعدها صرت أحول يوم السبت .. واستلمها الثلاثاء المساء ..!
واذا مره تأخرت يوم الأربعاء الصباح "مابين الساعه 9 و 11 الصباح" الاقيها بحسابي !
هذا والله اعلم ..,
رد: التحويل من الراجحي لبنك chase ماوصلني شي !
+
إذا كانت أول تحويلة لك، فهي تطول، والتحويلات بعدها ما تتأخر.