مساعدة نصيحتكم للحصول علي قبول دكتوراه في أمريكا؟ (للمشرفين ارجو حذف الموضوع في ملتقى القبول

نصيحتي لك لا تضيعين وقتك في البحث عن ولايه مناسبه لان قبول الدكتوراه جدا جدا صعب

اول شي تسويه انو تبحثين عن قبول لك والجامعات اللي توافق عليك بعدها سوي مقارنه بينهم بس تسوين مقارنه وبالاخير ما يجيك قبول منهم احس انو تحطيم لك

اختي .. درجة الدكتوراه من اصعب الدرجات في القبول !
مثل ماسبق وذكرت .. أنتي مجبوره على جامعات معينه ..
ممكن تقبلك جامعه في ولايه ممكن ماتعجبك .. لكن مافيه جامعه اخرى تقبلك !

بعكس البكالريوس والماستر .. الخيارات متوفره بكثره ..

فالافضل ان تمسكين اولا بالخيط من اوله .. وتبحثين عن قبول من اي جامعه ..
ولو كانت الجامعه من افضل 50 جامعه بالعالم .. راح يكون القبول فيها صعب جدا !
وكل ماقل التصنيف كل ماصار القبول اسهل !

وانا ارى بما انك عضوة في هيئة التدريس بالمملكه .. فأنا ارى ان اي جامعه تقبلك في امريكا لانهاء رسالتك .. فهي خير وبركه !
لان التعليم بالسعوديه .. مستواه ليس عالمي علشان نبحث عن جامعات قويه .!
فلو جبتي دكتواره .. راح يسمونك دكتوره سواء كنتي بهيئة التدريس اللي بالرياض او اللي بجده او اي مدينه من مدن المملكه ! يبقى المسمى والوظيفه نفسها !
يعني ماراح تفرق سواء جبتي شهاده من اقوى الجامعات بالعالم .. او من اقلها !
الفرق الوحيد هو انتي نفسك ! ممكن يشبع رغبتك الشخصيه في التعليم ! .. ولكن وظيفيا ومعيشيا داخل السعوديه ! ماراح تفرق !
لان اللي راح تاخذينه مثلا في جامعة هارفرد .. هو نفسه اللي بتاخذينه باي جامعه داخل امريكا .. لان نظام التدريس واحد ! مافيه الا فروقات بسيطه جدا !

فأنا اللي انصحك فيه .. واردد عليك كلام اختي ثبات ..
كثفي وقتك بالبحث عن الجامعه .. وركزي فقط على القبول .. واذا جاك قبول مثلا من جامعتين .. وقتها قارني بين الولايات !
واما لو جاك قبول واحد .. خلاص اتكلي على الله وكملي اجرائاتك على هذه الجامعه .. بغض النظر عن الولايه !


واخيرا ..
بالنسبه للولايات .. فماراح تلاقين كل المواصفات في ولايه وحده !
يعني ممكن تلاقين ولايه مناخها قريب من مناخ السعوديه .. جاف بالصيف وبالشتاء بارد والثلج قليل ..
ولكن ممكن مايكون فيه مواصلات .. او ممكن مناطق الترفيهه فيه قليله ! لانها غيير سياحيه !

وولايات عكس !

وبكل الاحوال .. المطارات بكل الولايات موجوده مطارات .. وحتى لو كانت الرحلات دوليه .. ستكون اول طائره من مطار الولايه اللي انتوا فيها وبعدها تروح لاحد المطارات الدوليه مثل مطار واشنطن او نيويورك او شيكاقو وغيرها .. وتكملون رحلتكم من هناك !
وحتى لو انتوا جايين من السعوديه .. ماراح توقفون الا بولايتكم ! يعني بتكون رحله دوليه ولما توصل الطياره لاحد مطارات امريكا الدوليه .. تروحون بعدها على طياره داخليه !

اما اذا كانت المسأله عن الاطفال .. فكل الولايات فيها مناطق ترفيهيه للاطفال كثيره !


واخيرا .. حاولي لاتعقدين الامور على نفسك وتفكرين بالولايات وغيرها .. لان كل شي متوفر في كل ولايه !
وركزي فقط بالقبول .. واعملي بكلام اختنا ثبات !

الله ييسر لكم اموركم ويوفقكم ويكتب لكم اللي فيه الخير ..

القبول ليس صعب واغلب الطلاب والطالبات الذين تخرجوا من الماجستير حصلوا على قبول واكملوا دراستهم


ولكن في نفس الوقت يجب ان يكون معدلك ودرجاتك وخبراتك جيده لتم قبولك

هنالك امور كثيره يجب ان تأخذيها بعين الاعتبار

1- هل ستدرسين لغة انجليزية أم لا ... اذا كنتي ستدرسين لغه انجليزية فلا يجب عليك الاهتمام بقبول جامعي الان فقط قبول لغة انجليزيه وفي امريكا تبدأين البحث عن قبول

2- اذا ستبداين دراستك مباشره فيجب القيام بالتالي :
احضار اختبار الايلتس او التوفل
اذا كانت الجامعه تطلب جي ار اي فيجب البدء في التحضير لهذا الاختبار
اعداد خطاب الغرض من الدراسه والسيره الذاتيه وهنالك العديد من المواقع او مكاتب الترجمه التي تصحح لك الاخطاء ليتم تقديم اوراق جيده
معادلة شهادة الماجستير والبكالوريوس من wes
ترجمة اوراقك الاخرى مثل التوصيات وخبراتك
بعض الجامعات او اغلبها تطلب عينه من كتاباتك الاكاديميه وعليك فقط عمل ترجمه لافضل اوراقك وبحوثاتك

ومن ثم تعبئة الابليكيشن وارسال الاوراق مع العلم ان بعض الجامعات قد تطلب طلبات اخرى ويجب الانتباه لطلبات الجامعه للحصول على قبول

كونك محاضره يعني انتي مؤهله وبقوه للقبول اكثر من غيرك

نصيحة لاتعتمدي على مكاتب القبول وخاصة في مرحلة الدكتوراه لانهم لن يقومون باي شئ اخر لن تقومي به واذا لم تحصلي على قبول من جامعه معينه فالمكتب من باب اولى لن يحصل لك على قبول في تلك الجامعه لان من يقيم ملفك في الجامعات هم لجنه ولا مجال للواسطه او العلاقات

هذي الورقه مفيده جيدا وفيها توضيح لاهم العناصر اللي تؤثر على القبول في الجامعات الامريكية

http://nlp.stanford.edu/~rkarthik/DAGAP.pdf

^^^^
أنا أختلف معك "قبول الدكتوراه صعب" في بعض التخصصات، وأكثر الطلاب يلجؤون للدراسة في جامعة فيها ماجستير ودكتوراه، وبالتالي يحاولون إثبات أنفسهم في الماجستير؛ لتتأتى لهم فرصة القبول في نفس الجامعة للدكتوراه.
أنا لا أتحدث عن التخصصات التي توجد في كل جامعة وتعتبر تخصصات أساسية كالهندسة والحاسب والعلوم، بل أتحدث عن تخصصات لا تقدمها إلا بعض جامعات، بل ولا تقدمها إلا الجامعات المشهورة في أمريكا.

كلما كان عدد الجامعات أكثر، كلما كانت فرصة القبول أكبر؛ لأن الطلاب يتوزعون على جامعات كثيرة، أما عندما تكون البرامج قليلة، يصبح عدد الطلاب المقدمين على القسم هائل وبذلك تقل فرصة الطالب في القبول
لا يمكن أن أقارن بعض الأقسام العلمية التي تضع إحصائية لعدد الأبلكيشنات التي تقدمت لها 50 طالب متقدم للدكتوراه، مقارنة ببرنامج آخر يستقبل 300 إلى 400 أبلكيشن ويقبل ما بين 6 إلى 10 طلاب

لو جئنا إلى تخصص الترجمة مثلاً، نجد جامعتين في أمريكا تقدم دكتوراه في الترجمة، ولك أن تتخيل كم طالب يقدم عليها من أنحاء العالم وكم هي فرصة القبول بالنسبة لك كمتخصص في الترجمة
أقسام اللسانيات قليلة، وعليها ضغط والقبول فيها صعب للدكتوراه، والدليل اذهب إلى تجمع اللغويات في المنتدى هنا، تجد أن التجمع وصل 144 صفحة، كلها شكاوي وتذمر من صعوبة القبول فيها

بعكس القبول في تخصص الدكتوراه في اللغة الإنجليزية، فهي أسهل بكثير من أقسام اللغويات؛ والسبب 1) كثرة برامج دكتوراه اللغة الإنجليزية 2) أن برامج دكتوراه الإنجليزية لا يدخلها إلا متخصص في الإنجليزية
أما تخصص اللغويات أو اللسانيات فيدخلها المتخصص في الإنجليزية، والإسبانية، والصينية، واليابانية، والعربية، والعبرية إلخ والمتخصص في علم الصوت، والمتخصص في مشاكل النطق والسمع وهكذا

لذلك، تعميم أن القبول صعب أو سهل ليس صحيح لا من قبلي ولا من قبلك، لكن الصحيح هو أن بعض التخصصات عليها ضعط والقبول فيها ليس بالسهل خصوصا لما تكون متخرج من خارج أمريكا
إحدى الجامعات التي تقدمت عليها للدكتوراه عام 2012 Maryland ردوا علي باعتذار مجمله: أن الأبلكيشن كان قوي وأنت مؤهل لبرنامجنا، لكن يؤسفنا أن برنامجنا لا يستطيع استيعاب عدد كبير من الطلاب

تحياتي،،،

أختي .. الولايات اللي ذكرتيها كلها ولايات جميله .. ومناسبه لكم .. لكن يبقى الأمر عائد على الاجواء اللي انتي تبينها ...
لكن الآن لاتفكرين بالولايات .. فكري فقط بالقبول بالجامعات ..
لان مسألة تحديد الولايه تعتمد على القبول من الجامعه نفسها !
مثل ماذكروا لك الاخوان سابقا ..!

اذا جاك قبول من اكثر من جامعه .. وقتها شوفي الولايات وفاضلي بينها وحددي ايش اللي يناسبك منها ..
لان من كلامك .. مو اي جامعه بعد راح يقبلون فيها لجنة القسم .. فبالتالي لابد تحطين النقطه الاولى هو القبول اهم من البقيه ...
واذا جاك القبول وقبلت فيه اللجنه .. وقتها فكري بالولايات !


أما مسألة المكاتب .. فما انصحك فيها .. ولا عليك من كلامهم اذا قالولك انهم يدخلون فيها على الجامعات وما الى ذلك من امور !
المكاتب تسجل الطلاب بنفس الطريقه اللي انتي بتسجلين فيها "عن طريق الانترنت" .. مجرد يجيهم رساله من الجامعه .. قالولك خلاص هذا القبول !

فهم اخذوا منك مبلغ وقدره .. على شيء بإمكانك تسوينه ولا راح يكلفك الا قيمة التقديم وهي قيمه رمزيه ! ماتجي اكثر من 500 ريال !

فليش تعتمدين على المكاتب بينما بإمكانك تعتمدين على نفسك .. !

وبالنسبه لشهاداتك .. مادامها مترجمه خلاص تقدرين تستخدمينها ..
وبالنسبه للمعادله .. تقدرين تعادلينها عن طريق موقع World Education Services - International Education Intelligence .. حتى يكون السكيل حقها من 4 بدل 5 ..

واما عن السيره وغرض الدراسه.. اللي عندك تكفيك .. بس احيانا تحتاجين فقط مراجعتها وتنقيحها وتجديد المعلومات فيها !

بس تأكدي تذكرين وضعك الحالي .. وانك محاضره .. لان هذا الشيء راح يدعم قبولك ان شاء الله ..

والله ييسر لك امورك ويكتب لك اللي فيه الخير ..