الأعضاء الإشتراك و التسجيل

الملتقيات
ADs

مساعدة استفسسسار بخصوص المرافق والمبتعثه

مساعدة استفسسسار بخصوص المرافق والمبتعثه


NOTICE

تنبيه: هذا الموضوع قديم. تم طرحه قبل 1642 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية bma4004
    bma4004

    مبتعث مبدع Amazing Member

    bma4004 الولايات المتحدة الأمريكية

    bma4004 , ذكر. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى محاسبه , بجامعة قريبا أن شاءالله
    • قريبا أن شاءالله
    • محاسبه
    • ذكر
    • ،،،،،،, ،،،،،،
    • السعودية
    • Aug 2011
    المزيدl

    July 20th, 2013, 02:38 AM

    السلام عليكم ورحمه الله وبركاته...

    اخواني المبتعثين والمبتعثات...الاعضاء..
    لايخفى عليكم مدى القلق والشعور باللخبطه حيال موضوع الابتعاث.....للمبتعث والمرافق...وانا تنقصني بعض المعلومات واريد الافاده بارك الله فيكم...
    انا كمرافق لزوجتي ان شاءالله للمرحله التاسعه...اريد ان اكمل دراستي في اللغه...تمام.....متى اجيب القبول هل من السعوديه ولا لمن اوصل؟ او باختصار ياريت احد يشرحلي كيف اسجل في معهد وادرس اللغه وهل لازم اجيب ضمان بنكي من حسابي الشخصي ولا كيف...؟
    على حسب مافهمت من بعض الاخوان انو انا كمرافق لازم اجيب ضمان بنكي ا كشف حساب من بنكي وبعد كذا لمن اوصل امريكا اروح اجيب ضمان مالي من الملحقيه...
    انا اريد ان ادرس انا وزوجتي بمعهد واحد.

    الشي التاني الله يجزاكم خير....نريد ان ندرس بمعهد جامعه....ماهي متطلبات معهد الجامعه بالنسبه للمرافق....هل يطلبو معدل الجامعه او اي بيانات اكاديميه....ولا طلباتهم زي اي معهد...لانو معدلي انا منخفض...

    اتمنى الافاده منكم...ودمتم بود...
  2. عزيزي .. القبول لابد يكون مع زوجتك .. يعني زوجتك تجيب قبول من الجامعه لها ولك ! حتى تعطى زوجتك فيزة طالبه F1 وانت تعطى F2 فيزة مرافق ..

    اذا مازوجتك ماقدرت توفر لك قبول معها .. معناته راح تطلع من السعوديه بفيزا سياحية B1/B2 ... وهذا يعني تقعد مع زوجتك بامريكا وكل ست شهور تجدد الفيزا !

    فالافضل انك تطلب من زوجتك تراسل نفس الجامعه اللي عندها القبول منه .. وتكلمهم على اساس يعطونك قبول .. تقولهم انها تبي تطلع قبول لزوجها لانها بيكون مرافق معها .. وراح يطلعون لك قبول على السريع حتى تكون معها ..

    اما معهد الجامعه عادي مثله مثل بقية المعاهد .. الفرق انك لما تخلص المعهد تلحق بالجامعه بدون اختبارات اضافيه ! .. بس !
    وطلباتهم مثل بقية المعاهد .. اللهم ياخذون منك بعض الاوراق لمتطلبات الجامعه بس !
    يعني الشهاده وغيرها من متطلبات الجامعه ..

    ان شاء الله فهمت اللي اقصد ..
    لاني ماعرف اشرح وانا صايم هههه
    باقي ساعه على الفطور .. والوضع بدون تركيز !

    7 "
  3. حبيبي الله يسعدك

    اللى فهمته لمن زوجتي تراسل المعهد للقبول تجبلي قبول معاها عشان نطلع فيزه طالب F1 ليا ولها....
    طيب تمام حلو الكلام
    الضمان المالي للمرافق متى اخذه...؟من السعوديه ولا اذا وصلت.؟
    الشي التاني اذا انا رغبان اكمل دراستي الجامعيه...للماستر..سمعت انو لازم اجيب ظرف مختوم من جامعتي الاساسيه وارسله لهم...ايش وضع الظرف ولا انا فاهم غلط...

    وفطور العافيه يارب...
    7 "
  4. ويسعدك ياغالي ...
    مدري ههه قريت ردي حسيت انه ملخبط .. لاتلومني كنت صايم والمخ لك عليه بالتركيز !

    لكن الحمد لله انك مركز ميه ميه هههه

    شوف ياغالي .. انا مادري هل زوجتك مبتعثه على برنامج الابتعاث .. او انكم بتروحون على حسابكم الخاص وبعدين بتلتحقون !؟

    اذا هي مبتعثه من الاساس .. فاعتقد أن وزارة التعليم العالي يعطونها الضمان المالي .. وبما انك مرافق .. فالضمان يشملكم ..
    غير هذا .. مادري هل انتوا طلعتوا فيزا والا باقي ؟ اذا باقي فلابد تجيب قبول انت حتى تطلع لك فيزة مرافق مع زوجتك ..

    اذا كان على الضمان المالي .. فبإمكان زوجتك استخدام نفس الضمان المالي على نفس الجامعه بس مثل ماقلت لك تطلب منهم أنهم يرسلون اوراق قبول لك بمعهد الجامعه لانك زوجها وبتكون مرافق معها ! وهم راح يتساعدون بهالامر ! حتى تقدر تخلص اجرائات الفيزا وتطلع مع زوجتك ..
    وحتى لو ماكان يشملك .. شوفلك اي ضمان تعريف براتب او شي يضمن انك قادر على تكاليف الدراسه بمبلغ لايقل عن 70$ الف دولار .. حتى لو كان كشف حساب بنكي يبين بالحساب ان فيه هذا المبلغ ! حتى تقدر تجيب قبول بس !

    طبعا هذا كله تسويه من السعوديه ... قبل الفيزا وقبل كل شي ..

    اما بالنسبه للماستر .. فنظام الظرف هذا المختوم هو "التوصيه" .. تجيبها من الجامعه اللي انت تخرجت منها .. تطلب منهم توصية لإكمال درجة الماجستير .. وتطلب منهم عدة ظروف ..
    ويعطونك توصيه بكذا نسخه مختومه .. لاجل تقدر تقدم فيها بالجامعه ..


    وبقية الامور مسألتها بسيطه باذن الله ..

    هذا والله اعلم .,
    7 "
  5. وعليكم السلام ورحمة الله وبركاته

    إذا كنت بتدرس فل تايم يعني ناوي إن شاء الله تكمل دراستك الأكاديمية بعد اللغة ، فهذا يعني تطلع بفيزا F1 وتدرس نفس عدد الساعات الي تدرسها زوجتك ، وبالتالي لا بد من شهادة بنكية طبعاً تسأل المعهد كم المبلغ بالضبط ؟
    ويصير إذا وصلتوا بحول الله بلد الإبتعاث تفتح زوجتك ملف في الملحقية وبيرسلون لها ضمانها المالي
    وفيه خانة تضيفك كمرافق معها والملحقية ترسل لك ضمان مالي عشان تدرس على حساب البرنامج
    بعدها تقدمون هذي الضمانات للمعهد وبيعفيكم عن الدفع ..!

    أما لو تبي تدرس بارت تايم يعني ما تتأهل للدخول للجامعة ، فَـ تطلع بفيزا F2 وما تحتاج شهادة بنكية
    وبتدرس عدد ساعات اقل في المعهد وإذا ما تبي تدرس خير شر براحتك محد بيحاسبك أو يعرضك لمسائلة
    على فكرة F2 فقط للزوج والأبناء

    هذا كلامي من خلال تجربتي

    الله يوفقك ويسهل أموركم ، في أمان الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.