فزعتكم ..... استفسار عن دراسة الماجستير بامريكا

السلام عليكم ورحمة الله وبركاته

اسعد الله جميع اوقاتكم

اخواني وخواتي عندي كم استفسار وابي فزعتكم لاني تهت صراحه بالنت بكثرة المواضيع وكثرة القيل والقال وتغير الانظمة كل فتره

انا ابي اطلع على حسابي ان شاء الله للدراسة بأمريكا لان برنامج خادم الحرمين التاسع لايشملني متجاوز ال27 عام فلا بد اطلع على حسابي وبعدين التحق

استفساري :
- كيف احصل على قبول معهد و جامعة (ايش الاوراق المطلوبة وهل يطلب مني معادلة شهادة البكالوريوس).
- ابي اكمل ان شاء الله اندستريل مانجمينت ( Industrial Management ).
- ماهي افضل الولايات معيشة من ناحية الناس و التكلفه تكون متوسطه او اقل من المتوسط .
- ماهي افضل المعاهد كون مستواي بالانجليزي سيء .

علماً ان المؤهلات : دبلوم كلية تقنية تخصص انتاج معدل 4.4 من 5 , وبكالوريوس كليه تقنية تخصص هندسة الانتاج ( Production Ingineering ) بمعدل 4.25 من 5

ابي كل التفاصيل اذا امكن الي تقدرون تفيدونا فيها لاني صراحه تعبت بالبحث وبيني وبينكم رحت لاكثر من مكتب الي يجيبون القبولات بس احسهم نصابين مع مرتبة الشرف (من ناحية وقت و مبالغ).
اتمنى ماحد يحط لي روابط ويقول شوف هذا الموضوع بيفيدك , ابي فائدة مباشرة لاني ماكتبت هالموضوع الا بعد بحث وتعب وحصلت متناقضات .

اللي فهمته من كلامك انك ناوي تطلع تكمل ماجستير .. اذا هذا الكلام صحيح ..

فالاشياء اللي تحتاج تسويها هي انك تروح للجهات المصدره للشهادات اللي عندك .. وتخليهم يطبعون لك شهادات مترجمة "انجليزي". .
وتروح للجامعه اللي انت اخذت منها بكالريوس .. وتطلب منهم توصيه لدرجة الماجستير .. ولما تستلم التوصيات ..
تروح وتقدم بالنت على المعاهد اللي تبيها .. ولما تجيب القبول تطلع على امريكا وتعادل شهاداتك من شركة WES ..
وبعدها يبتدي شغل التقديم على الجامعات للتخصص اللي تبيه ..

كل هالامور ماتحتاج الى مكاتب ولا شي .. الان كل المعاهد والجامعات التقديم فيها عن طريق النت ..
تقدر تقدم على النت وتجيب القبول بنفسك !
واحتمال بعد تحتاج بطاقة فيزا او ماستركارد .. حتى تقدر تدفع تكاليف التقديم عن طريق النت .. لان بعض الجامعات تشترط مبلغ رمزي للتقديم بالجامعه .!


اما عن الولايات والمعاهد .. ماقدر افيدك ياغالي ..
اللي اقدر افيدك فيه أنك تجيب قبول اي معهد .. وبس تضمن الفيزا وتطلع امريكا .. خلاص وقتها فكر بالولايات والجامعات .. لانك بتقدم على عشرين جامعه وممكن ماتقبلك الا اثنين منها .. وقتها تقدر تحدد وتفاضل بينها !

فلا تربط نفسك بالولايات .. بل اربط نفسك بأي قبول يجيك ! ..


هذا والله اعلم .,

مبدئياً يلزمك موافقة الوزارة للدراسة على حسابك الخاص
و قبول معهد ، و لما تنضم للبعثة إن شاء الله ذيك الساعة فكر بالجامعات

الله يعطيك العافيه يا OK

نعم صحيح انوي اطلع اكمل ماجستير .

ولكن حسب فهمي من كلامك اان الهدف من ذهابي للكلية عشان ترجمة الشهادات بالانجليزي و التزكيات , طيب يابعدي انا شهاداتي كلها مترجمة و التزكيات اخذت من دكتورين من الي درسوني تزكيات للدراسات العليا
بالاضافه الى اني طالب من مديرين من الي عملت معهم بالشركة تزكية بما اني موظف بالقطاع الخاص .

الشغله الثانيه انا رحت لوزارة الابتعاث الي في الرياض وقالولي لازم تفتح ملف ابتعاث على الحساب الخاص قبل تسافر ومن شروطها اني اجيب قبول معهد و جامعه مشروط , وفيه ناس قالولي انه مايحتاج قبول الجامعه فقط معهد وهذا الي متوهني ابي احد يفيدني واذا فيه احد يقدر يساعدني اكون له من الشاكرين .

انا كنت مفكر اني فقط اجيب قبول معهد اللغه وبعدين لارحت هناك اثناء دراستي اللغه ابحث عن التخصص والجامعات لكن ما ادري هل هذا يخدم الظروف والالتحاق او لا ؟؟؟

اختي بنت حصه

الله يعطيك العافيه على مشاركتك .

انتي تقصدين الموافقه على فتح ملف الابتعاث على الحساب الخاص ؟
اذا هذا قصدك فهذا الي انا ابي احد يفيدني فيه , لاني رحت لهم وقالي احد موظفينهم من شروط فتح الملف حرفياً :
- صورة بطاقة الاحوال.
- صورة جواز السفر.
- صورة من المؤهل الدراسي (بكالوريوس).
- صورة من قبول اللغه.
- صورة من قبول الجامعة من الموصى بها.
- صورة من التأشيرة الدراسية.
- صورة من نموذج (I-20) .
- نتيجة الفحص الطبي .

انا الي محتار فيه التقديم على الجامعات وهل البكالوريوس تعادل او لا بالاضافة الى بقية الاستفسارات التي طرحت بالموضوع الاساسي .

السلام عليكم
قبول الجامعه اللي تعطيهم اياه مايهتمون فيه لانه يصير قبول مبدئي
فاذا انت اعطيتهم اي قبول ووافقوا لك
بتسافر لامريكا تدرس بالمعهد خلال دراستك بالمعهد تبحث عن الجامعه اللي تناسبك
لان اذا انتهيت من المعهد المشرف راح يطلب منك قبول جامعه سواء الجامعه اللي قدمت عليها اول مره او جامعه ثانيه
يبغون قبول نهائى يعني انت خلصت من اللغه وصرت طالب اكاديمي

اقتباس:

---

المشاركة الأصلية كتبت بواسطة fdulaygan

الله يعطيك العافيه يا OK

نعم صحيح انوي اطلع اكمل ماجستير .

ولكن حسب فهمي من كلامك اان الهدف من ذهابي للكلية عشان ترجمة الشهادات بالانجليزي و التزكيات , طيب يابعدي انا شهاداتي كلها مترجمة و التزكيات اخذت من دكتورين من الي درسوني تزكيات للدراسات العليا
بالاضافه الى اني طالب من مديرين من الي عملت معهم بالشركة تزكية بما اني موظف بالقطاع الخاص .

الشغله الثانيه انا رحت لوزارة الابتعاث الي في الرياض وقالولي لازم تفتح ملف ابتعاث على الحساب الخاص قبل تسافر ومن شروطها اني اجيب قبول معهد و جامعه مشروط , وفيه ناس قالولي انه مايحتاج قبول الجامعه فقط معهد وهذا الي متوهني ابي احد يفيدني واذا فيه احد يقدر يساعدني اكون له من الشاكرين .

انا كنت مفكر اني فقط اجيب قبول معهد اللغه وبعدين لارحت هناك اثناء دراستي اللغه ابحث عن التخصص والجامعات لكن ما ادري هل هذا يخدم الظروف والالتحاق او لا ؟؟؟

---

رح طلع القبول اللي يعجبك .. ولاتفتح ملف ابتعاث على الحساب الخاص ..
ولما توصل امريكا ان شاء الله افتح ملف بالملحقيه طلب الحاق بالبعثه ..

وان شاء الله راح تلحق باذن الله ...

ملف ابتعاث على الحساب الخاص .. ماتفك ولا تربط بموضوعك .!
يعني يأخرونك ويقعدونك بالسعوديه على الفاضي .. ليش .. لان النظام هذا فقط تشييك على الاوراق ليس إلا ..!
لا يساعدك على الانظمام بسرعه ولا شي !