استفسار مبتعث جديد وابغى ارجع السعودية اتزوج

مشكور على المرور واذا فيه حل اخر افيدونا ياشباب

ألف مبروك مقدما

بس الرجال يقول بيكون مخلص 5 شهور بالمعهد
اشلون مابياخذ علامات ولا بيوثقون له شي؟؟؟

مافهمت عليك وش الفترة المحددة وبرضو غير مستقر بالمعهد

احس المعهد نصاب فية شي غلط

اول شي احسب حسابك ان الملحقية احتمال ماتعطيك تذكرة (يعني 70 بالمية ماراح تعطيك) الا تطيح بواحد عاقل وتشرح له ظرفك ويوافق هذا شي ثاني)
ثاني شي الفيزا تبع زوجتك هل هي جاهزة؟؟؟
اذا لا فاحسب حسابها لانك ماتقدر تحجز وتسوي اي شي الا بعد صدور الفيزا (اقصد عشان تاريخ السفر وزي كذا)
اضافتها بالتعليم العالي كم بباخذ عشان تطلع تذكرة وباقي الاوراق

انت فكر وشوف
ولو انا منك صراحة راح أجل زواجي لين اجازة طويلة لا تقل عن شهر

سؤال: معهدكم شغال حتى بشهر 12 الي هو ديسمبر؟؟؟
فركة عندكم اجازة زي الباقين يعني وتقدر تروح وتجي

لا نصاب ولا شي ..
الرجال قال "انا مبتعث جديد في مدينة سان انتونيو وفي اجازة رأس السنة القادمة بكون خلصت 5 اشهر "
يعني توه بادي صارله مدة اقل من شهر في المعهد !
ولذلك مافيه درجات ترصد له لحتى يخلص اول فصل له ! ..
فلو طلع من اول شهر .. معناته انه اساسا مادرس ! فبالتالي ماراح يكون له شي عندهم .. إلا اذا طلب من المعهد تأجل بداية دراسته الى الفصل الجديد وجدد تاريخ الايتوني !
وقتها يكون وضعه بالسليم !

لان فيه معاهد تكون مداومه حتى شهر جانويري ..
وهذي المعاهد غالبا تكون نظامها دورات sessions .. يعني كل شهر او شهرين في مستوى جديد !
وتعطل فقط في العطل مع الشركات .. وتشتغل معها ..
يعني مثلا عطلة الكريسميس .. الجامعات تكون عطلتها من شهر نوفمبر الى بعد راس السنه وهذا يكون شهرين تقريبا ..
بينما الشركات لا .. تعطل تقريبا قبل 25 ديسمبر باسبوع .. وبعده بكم يوم ترجع لدواماتها .. وتكمل دوام لحتى عطلة راس السنه ..
ونفس الشي عطلة راس السنه تعطل قبلها بكم يوم وبعدها بكم يوم وترد تكمل دواماتها !
وعلى هالحال .. ماتوقف ..
وهذا نظام بعض المعاهد الخاصه اللي تشتغل بالمواسم على حسب ماشفت .. تستخدم نفس نظام العطل تبع الشركات ..
اما العطل الاكاديميه .. فهي مخصصه فقط للمدارس والجامعات .. وبعض المعاهد تمشي عليها !

لاني اذكر الشباب لما رحت عندهم هذاك الوقت .. زرت اصحابي في ولايه ثانيه .. وكانت عطلة الكريسميس ..
انا جيتهم في اول ديسمبر .. وهم لازالوا في المعهد يدرسون .. وكان معهدهم نظام دورات sessions ...
وكانوا يدرسون اعتقد كل اسبوعين او ثلاثه يدخلون في مستوى جديد .. ومكملين .. ولا عطلوا الا قبل 25/12(يوم الكريسميس) بكم يوم!
وكملوا العطله لحتى راس السنه .. وبعد راس السنه تقريبا رجعوا يكملون دراسه قبل بداية الدراسه بالجامعات !
يعني تقدر تقول عطلتهم تقريبا اسبوعين مو اكثر !
وانا عطلتي كانت قبلهم وقعدت عندهم الفتره هذي كلها لحتى 14 جانويري .. ورجعت على الفصل الجديد !

لان العطل اللي عندهم كلها بالايام على ما اذكر .. ماتتعدى اسبوعين كاعلى عطله ..
أو .. تكون عطل بسبب الاجواء بالشتاء .. لما يكون الثلج زايد بالمدينه يوقفون الدراسه مع الشركات والجامعات !
مثل اصحابي ههه كل يومين معطلين والسبب هالثلوج اللي عليهم ههه مستانسين يدرسون يوم ويعطلون يومين ثلاثه لحتى تخف الثلوج ويرجعون يدرسون يوم ويومين ويعطلون بعدها يوم او اثنين وعلى هالحال !
نظام خفاره هههه



لذلك الرجال تقريبا نفس النظام .. خصوصا انه قال اجازته عشر ايام .. فانا قلت انه المعهد اللي فيه نظام دورات ..
والدورات لازم يكمل معهم مده معينه حتى يقدر يسافر بدون مشاكل .. وهذي لازم هو يسأل المعهد ويعرف منهم متى وكم المده المشروطه حتى يسمح له بالسفر او النقل !
اتمنى أن الفكره وضحت ..

السلام عليكم
انا رجعت السعودية لمدة اسبوع بعد اول ثلاثة شهور ليا في امريكا وما احتجت أغير الإيتوني زي ما قلت
الظاهر معهدك ما يبغاك تنزل...

اولا بالتوفيق في الزواج وربنا يسهلك امرك والف مبروك
ثانيا انا بتكلم بالنقطة حقت رقم السفيس اذا السيفس غير اللي موجود في الاي تويني لازم تطلع فيزا جديدة وتدفع رسوم السيفس الجديد انا توني مسويها ...
ثالثا: اذا انت باقي بالمعهد ونازل اجازة عادية بلغ المعهد انك نازل عشان يحدثوا بياناتك وتاخذ الاي تويني معاك وتاكد انه هو نفسه مسجل بالفيزا وانزل براحتك ولا يحتاج اي تويني جديد ولا شي

بس الرجال ماقال بطلع الايام هذي ولا شي
كلامة كان واضح انه بيخلص 5 شهور اذا جا الكرسمس الجاي يعني بيكون درس وانهى ترم او اكثر وبيكون له درجات وكل شي
ع العموم المعهد ماله حق يقول لطالب ماترجع ومن هيك كلام
هذا الي اعرفة


كتبت لتوضيح فقط

كلام الشباب بخصوص الاجازة صحيح انت راح تسوي لك مشاكل وتمر في دواهي انت في غنى عنها ...
خل البنت تجيك امريكا انبسطو واقرب اجازة انزلو اثنينكم سو لكم عرس !!

)))) نايف صحيح كلامك المعهد ماله حق يمنع الطالب لكن ككل شي بقوانين وهم راح يسمحون له لكن راح يلغون الايتوني حقه !!! انا مادري عن نظام المعهد هذا لكن اذا كان ابو شهر فـ بعد 3 شهور دراسة تستحق شهر اجازة , واذا كان يعتمد بالترم يعني 3 شهور متتالية ... تستحق الاجازة بعد 3 اترام دراسة

بالتوفيق