ابي اطلع ادرس بامريكا ولاهنتوا ابي مواقع معاهد تقبلني او جامعات او مكاتب تجيب قبول
السسلامم عليككم ورحممة الله وبركاته
مبارك عليكم الشهر وعساكم من عواده
بداية الموضوع انا ما كنت حاط براسي شي اسمه ابتعاث او اني ادرس برا بس ما قبلتني جامعات السعودية مع ان نسبتي 96 وقدرات 81 وتحصيلي 65 :( لكن خيرة ان شاء الله
طبعا انا ما كنت اعرف شي عن الابتعاث ولا عن الدراسة بالخارج لكني تعلمت بعض الاشياء وكل الشكر لموقعكم وللقائمين عليه
الللي ابيه منكم (فضلا لا امرا) اسماء المعاهد اللي اقدر اجيب منها قبول للغة الانجليزية ولا لازم اجيب قبول جامعة اول شي لأني ماني عارف وش اجيب بالبداية او مكاتب موثوقة تجيب قبول معاهد وجامعات معتمدة من وزارة التعليم العالي
ويليت يكون معهد متصل بالجامعة يعني اخلص من المعهد وادخل الجامعة على طول وتكون المدينة حلوة (يفضل كاليفورنيا لكن لا اعلم هل الابتعاث لهذه الولاية مفتوح ولا مغلق) انا بصراحة ودي بمدينة ما ابي قرية
واذا على الانقليزي مستواي متوسط يعني اعرف اقرا واعرف معاني بعض الكلمات لكن تحدث مستواي ضعيف فيه يعني ما اقدر اشبك جملة كاملة
وهل اذا قبلني المعهد ان شاء الله ورحتله كم يبيله عشان انضم للابتعاث ومتى لازم اسافر وابدا دراستي بالمعهد وكم يبيلي سنة او شهر على ما اخلص منه
والتخصص كان ودي بالطب بس ما فيه بامريكا او انها صعبة يجيني قبول فيه وان شاء الله النية هندسة ميكانيكية
والله اني طولت الموضوع عليكم لكن الحيرة وضيق الوقت جبرني
اعتذر لكم على الاطالة
رد: ابي اطلع ادرس بامريكا ولاهنتوا ابي مواقع معاهد تقبلني او جامعات او مكاتب تجيب قبو
شيك علي ذا المكتب
المستقل : مكتب خدمات طلاب لي امريكا وكندا زور حسابهم و موقعهم StudentsHelper futureeducation- @[/url] يتكفلون في جميع الخدمات الأزمة الي ان تبتعث
1-مكتبهم في جده بجانب الصيرفي مول
2-وات ساب 0555221865 للاستفسارات
رد: ابي اطلع ادرس بامريكا ولاهنتوا ابي مواقع معاهد تقبلني او جامعات او مكاتب تجيب قبو
اشكرك على المشاركة واعتذر على الرد المتأخر
المشكلة جدة 1000 كيلو لو ما عليك امر لو فيه بالرياض او بالدمام ويجيب قبول في معهد يتبع جامعة مو تجاري
ويليت لو تكرمتو تعطوني موقع معهد بالانترنت يتبع لجامعة وما تقصرون انا ان شاء الله بحاول ادبر نفسي
رد: ابي اطلع ادرس بامريكا ولاهنتوا ابي مواقع معاهد تقبلني او جامعات او مكاتب تجيب قبو
السلام عليكم
اذا تبي الصراحه اذا شفت موضوع عن قبول وواحد كاتب ابي احد يقدم لي او مكتب ممتاز ما ارد عليه
لكن انت ماشاء الله باين عليك تبي تقدم لنفسك
وتراها ماتسوى انك تدفع للمكتب الفين ريال علشان يجيب لك قبول معهد او قبول جامعه
وانت تقدر تسوي القبول بنفسك
شف هذا رابط فيه المعاهد اللي مقفله من الملحقيه
http://www.sacm.org/pdf/ApprovedESL1112.pdf
فيه معاهد كثيره اللي تابعه لجامعه او معاهد خاصه
المعهد اللي تابع لجامعه بتلاقي فيه كلمة Universty او Univ
والمعهد اللي مكتوب فيه تحت قائمة Allowed for Batch 8
Oversaturated
او
Closed
او
Hold
هذي معاهد مقفله من الملحقيه
رد: ابي اطلع ادرس بامريكا ولاهنتوا ابي مواقع معاهد تقبلني او جامعات او مكاتب تجيب قبو
اشكرك اخي هاي واي
وما قصرت الله يعطيك العافية
وجتني رسايل بالخاص ما قصروا اللي ارسلو لي لكني للاسف ما اقدر اشوف الرسالة ولا اقدر ارسل يقولي النظام لا يسمح لك واعتذر عن عدم الرد اليهم الى اقرب وقت ان شاء الله