رد: إلى طلبة أمريكا ،،،،،
وعليكم السلام ورحمة الله وبركاته
سؤالك الصراحه صعب الاجابه عنه
يعني اذا ولاية كالفورنيا حلوه الاماكن الحلوه اللي فيها تكون غاليه جداً
اذا ولاية اوريقون رخيصه فهي مليانه سعوديين بشكل كبير جداً
اذا ولاية واشنطن للبعض رايقه فهي مدينه كأيبه نوعاً ما ونسبة الانتحار فيها عاليه علشان محد يقول لي مو كأيبه لاني ما ارتحت فيها ابداً
اذا ولاية بنسلفينيا حلوه فيها بعض المدن اللي ما تصلح للعيش
اذا ولاية ميتشقن فيها مدن من احلا المدن في امريكا لكن فيها بعض المدن اللي تعتبر من اخطر المدن في امريكا
اذا تكساس جوها يعتبر جو خليجي نوعاً ما ففيها جامعات ومعاهد كثيره مغلطه للتكدس
اذا نيويورك تعتبر المدينه اللي سكانها ماينامون تعتبر غاليه
اذا مينيسوتا فيها مجمعات وانهار كثيره ففترة الشتاء والثلوج عندهم طويله جداً بعض المرات تمتد الى سبع اشهر
غير كذا الجامعه اللي تبحثين عنها تعتمد عليك فيه جامعات صعبه وجامعات سهله وجامعات متوسطه
وايضاً التخصص اذا احياء او علوم حاسب فتقريباً اغلب الجامعات فيها هالتخصصات بشكل سهل وخطه واضحه
اذا التخصص طب او علوم صحيه فهو يفرق
بعض الجامعات عندهم خطه غير واضحه للعلوم الصحيه وبعض الجامعات تقدم تخصصات صحيه او طبيه تأهل للطب
والطب ايضاً يختلف عن السعوديه فلازم تبحثين عن جامعات معينه تلقين فيها تحضيري او تخصص يأهلك للطب
يعني هي تعتمد عليك انتي ادخلي الملتقى الامريكي وفيه اقسام الولايات الشرقيه والغربيه والشماليه فيه مواضيع كثيره عن المدن بشكل عام
رد: إلى طلبة أمريكا ،،،،،
و عليكم السلام ورحمة الله وبركاته
أهلاً بك
- من تجربة و سفري لأكثر من ولاية في الشرق ولاية ماساتشوستس - بوسطن أضعها رقم 1 في أمريكا في نسبة الأمان من تجربة الحمدلله
- في بوسطن غلاء نسبي ولكن اذا وجدتي السكن بسعر مناسب او زهيـد راح ترتاحين كثير لأنه أهم شي في المصروف
- موضوع الدراسة أكثر شئ شدني للرد مدينة بوسطن الرائدة في العلاج وكليات الطب ( Harvard - Tufts medical - Boston university - ) هذي الجامعات و جامعات ناسي اسمها لكثرتها جداً قوية في تخصصات الطب والعلوم الصحية و ( الأحياء خصوصاً و قد اقترح أكثر من كلية لدراستها ) و العلوم الحاسوبية و الهندسة و بشكل عام التخصصات جميعها هناك .
- الشمال الشرقي لأمريكا و في بوسطن تحديداً الصيف جميل جدا و الشتاء بارد جداً و تصل درجات الحرارة بعض الاسابيع 15- او أكثر و نزول الثلوج في الشتاء
- المدينة يوجد فيها العرب المهاجرين و جميع جنسيات العاالم موجودين فيها , والسعوديين أيضاً ولا ارى وجود السعوديين عائق أو عثرة و إنما تفشت العدوى النفسية بينهم الكل يحاذر و يبحثون عن ولاية لا يوجد بها سعوديين
- بإمكانك التحويل بين الولايات مرة واحده و يشترط حصولك على قبول جامعي بنفس الولاية اللي حابه تنقلين لها ,,, أتمنى التوفيق لك ,,, اطرحي سؤالك واستفساركـ
رد: إلى طلبة أمريكا ،،،،،
رد: إلى طلبة أمريكا ،،،،،
:D على طاري عدد السعوديين، ترى وجودهم ميزة
وماراح تعرفين قيمتهم الا اذا درستي مع الآسيويين