السلام عليكم, اسال الله ان يوفقكم جميعا, محتاج فزعتكم ياهل الخير(استفسار)

السلام عليكم ورحمه الله وبركاته
انا طالب في جامعه الملك فهد للبترول والمعادن, دفعه 2011 بس حاذف ترم
قررت ان شاء الله اني اطلع امريكا على حسابي ومن ثم احول للملحقيه
عندي كم استفسار:
قبل كل شي انا محتار اطلع من جامعتي او لا, السبب الي خلاني افكر بالموضوع هو ان الجامعه صعبه, واني ابي احسن لغتي
وغير كذا سمعت ان الجامعات برا اسهل ويمديني اجيب معدل مرتفع فقلت ليش لا !, ف رايكم ؟
الشي الثاني انا بحثت عن ولايات ولقيت افضل شي من ناحيه الجامعه ايضا هي فلوريدا والجامعه university of florida
المشكله اني سمعت ان القبول فيها صعب, غير كذا ما ادري اذا بتعادلي مواد ايضا او لا
وفيه ولايه بنسلفينيا الجامعه university of pennsylvania , الجامعتين كويسه من ناحيه تخصصي هندسه كهربائيه !
وسمعت عن ولايه اوريجون يمدحونها بس مدري عن جامعاتها, وهل فيه جامعه بكاليفورنا بمنطقه اقل رخصا من المناطق الاخرى ممكن اني افكر فيها؟
وش تنصحوني اكثر اي ولايه؟ من ناحيه التكلفه والمعيشه عموما من راحه امنيه وسياحه
وغير كذا مو ضامن القبول ف ياليت تنصحوني ببعض الجامعات الكويسه بولايات حلوه
يعطيكم الف عافيه مقدما !!

وعليكم السلام ورحمة الله وبركاته
اختيار الجامعه تقريباً امر راجع لك لانك اذا سافرت لامريكا وخلصت فترة اللغه راح يطلبون منك قبول نهائي سواء من الجامعه اللي انت قدمت عليها او اي جامعه ثانيه

المهم انا ابتكلم عن الجامعات اللي برا هل هي اسهل او لا
النظام تقريباً نفس نظام السعوديه
يعني جامعة البترول تعتبر صعبه لكن قويه بشهادتها
وجامعة الملك سعود تعتبر قويه لكن سهله وفيها بعض التخصصات اللي ضعيفه وقوتها مو مثل قوة جامعة البترول
وجامعة الملك سعود اقوى من الناحيه الشرعيه وفيه بعض التخصصات العليمه قوتها اقوى من جامعة الملك سعود
وعندك الجامعات اللي فتحوها قريب مثل الخرج وشقراء والمجمعه جامعات سهله جداً لكن شهاداتها ماتعتبر قويه حتى لو ان معدلك عالي

بامريكا نفس الشي
مليانه جامعات وفيه جامعات لو تخرجت منها حتى لو معدلك عالي ماراح تلقى لك وظيفه لانها جامعة من مستوى الجامعات اللي فتحوها جديده بالسعوديه
وفيه جامعات لو تخرجت منها جيد بتلقى لك وظيفه بسرعه لقوة الجامعه وشهادتها
وفيه جامعات اغلب التخصصات اللي فيها قويه لكن فيها تخصصات سهله وشهادتها مو قويه

لو تخرجت وقدمت على اعادة مثلاً ولا معك واسطه لكنك تخرجت من جامعه قويه من ناحية تخصصك ومن ناحية الجامعه نفسها ومعدلك ممتاز راح يقبلونك
لكن فيه جامعات قويه ولو تخرجت منها ماراح يقبلونك لان التخصص في الجامعه يكون ضعيف
وفيه جامعات لو تخرجت منها بأي معدل بتجيك طلبات بالتوظيف وانت على مشارف التخرج

ان شاء الله بينت لك الصوره
الجهه اللي انا طالع منها بعثه محدده لي جامعات معينه لان الجامعات هذي قويه بالتخصصات اللي مطلوب مني ادرسها
مع ان فيه جامعات اقوى منها لكن بالتخصص اللي مطلوب اني ادرسه تعتبر ضعيفه

يعطيك العافيه ماقصرت الله يجزاك خير ويوفقك يارب
طيب الجامعات الي شهادتها قويه في امريكا وشي؟, انا شفت الترتيب من ناحيه التخصص فقط ماشفت ترتيب الجامعه عموما او ترتيبها من ناحيه الهندسه عموما
مع العلم ان تخصصي هندسه كهربائيه وكان ترتيب الجامعتين الي ذكرتهم فوق 34 و36 من ناحيه التخصص ..
وعندي استفار اخر,تقديم بعض الجامعات يبدا 1 اوقست, كيف نظام التقديم هل لازم يكون معي شهاده توفل
ولا اقدم ويجيني قبول عالجامعه وبعدين يتفاهمون معي من ناحيه اللغه اني مثلا ادرس بمعهد الجامعه واخلص المستوى الفلاني او اختبر توفل عندهم؟
ولا يفرق من جامعه لاخرى ؟, ونفس اسستفساري قبل بالنسبه للولايات الي ممكن افكر فيها وفيها جامعات قويه غير الي ذكرتهم فلوريدا وبنسيلفينيا ؟

اقتباس:

---

المشاركة الأصلية كتبت بواسطة ManUnited

يعطيك العافيه ماقصرت الله يجزاك خير ويوفقك يارب
طيب الجامعات الي شهادتها قويه في امريكا وشي؟, انا شفت الترتيب من ناحيه التخصص فقط ماشفت ترتيب الجامعه عموما او ترتيبها من ناحيه الهندسه عموما
مع العلم ان تخصصي هندسه كهربائيه وكان ترتيب الجامعتين الي ذكرتهم فوق 34 و36 من ناحيه التخصص ..
وعندي استفار اخر,تقديم بعض الجامعات يبدا 1 اوقست, كيف نظام التقديم هل لازم يكون معي شهاده توفل
ولا اقدم ويجيني قبول عالجامعه وبعدين يتفاهمون معي من ناحيه اللغه اني مثلا ادرس بمعهد الجامعه واخلص المستوى الفلاني او اختبر توفل عندهم؟
ولا يفرق من جامعه لاخرى ؟, ونفس اسستفساري قبل بالنسبه للولايات الي ممكن افكر فيها وفيها جامعات قويه غير الي ذكرتهم فلوريدا وبنسيلفينيا ؟

---

الله يعافيك ماسويت الا الواجب
مقدر احدد لك وش هي اقوى الجامعات في امريكا
لان فيه جمعيات كثيره تقوم بالتحديد لكن اكتب بقوقل Uiversty ranking in US
وتطلع لك مواقع التقييم

نظام التقديم يختلف من جامعه لجامعه
يعني فيه جامعات تفتح التقديم للطلاب الاجانب لانهم يعرفون انهم بس يبغون قبول مبدئي
انت تقدم عليهم وبخيارات التقديم بتقول لهم انك طالب اجنبي وبعدها هم راح يعطونك قبول مشروط باحضار التوفل او الايلتس او انك تعدي المعهد حق الجامعه "حسب الجامعه اللي انت مقدم عليها"
واذا جبت التوفل او الايلتس او عديت المعهد راح يعطونك قبول اساسي او رسمي انك خلاص بتدخل الجامعه واستفوفيت جميع المتطلبات

بنسلفينيا جامعه تعتبر قويه وقد درسني محاضر متخرج منها ممتاز ماشاء الله عليه
اما فلوريدا الصراحه ما اعرف عنها شي

ولاية اوريقون حلوه لكن فيها كثافه من الطلاب السعوديين اللي يخلي الملحقيه دايم تقفلها وتفتحها
امس كنت اشوف المعهد حق جامعة اوريقون اللي في يوجين ابقدم لواحد من ربعي فيه 400 طالب وهو اكثر معهد فيه عدد طلاب بالقائمه حقت المعاهد
كالفورنيا فيها جامعات ممتازه لكن بالمكافأه اللي نستلمها ما اتوقع راح تكفيك لان كالفورنيا مكان وناسه اكثر من كونها مكان دراسه

ابحث في نيويورك اذا تقدر او كمل في بنسلفينيا اذا عندك الهمه اسمع عنها كثير كلام طيب

haywya
يعطيك العافيه ماقصرت , الله يوفقك ويسهل لك امووررك
الي يعرف عن جامعه فلوريدا لا يقصر ياشباب, او حتا لو جامعه اخرى او ولايات ثانيه
انا للحين محتار جدا والتقديم قررب ..

بانتظار اراء بعض الشباب الآخرين, مع العلم هالموضوع بيفيد ناس غيري لاحقا ف لا تقصرون بشي لاهنتو ..

ياشببابب انا منغبن بقووه !!
تعبت وانا ادور بهالجامعات ونظام القبول ويوم قدمت على جامعه رحت اشيك على الملحقيه لقيتهم مقفلين على كل التخصصات الي ابيها
ميكانيكل والكتركل واندستريال انجنيرنق !! , مقفلين هالتخصصات باغلب الجامعات الي كان ودي فيها, مثل اوريجون ستيت ينيفرستي
وارزونا ستيت يونيفيرستي !!, الله يسلمكم الي يعرف جامعه كويسه بتخصص الميكانيكل والالكتركل والقبول مايحتاج لاختبار SAT يقولي!

وعليكم السلام ورحمة الله وبركاته

بالتوفيق ان شاء الله

في جامعات كويسة في

ولاية ميتشغن - ولاية ميسوري - ولاية اوهايو - ولاية تينيسي

طبعا هناك جامعات كثيرة في ولاية اوهايو

اسأل الله لك ولنا التوفيق

اذا عندك اي استفسار بخصوص الجامعات راسلني على الخاص

اقتباس:

---

المشاركة الأصلية كتبت بواسطة travel2013

وعليكم السلام ورحمة الله وبركاته

بالتوفيق ان شاء الله

في جامعات كويسة في

ولاية ميتشغن - ولاية ميسوري - ولاية اوهايو - ولاية تينيسي

طبعا هناك جامعات كثيرة في ولاية اوهايو

اسأل الله لك ولنا التوفيق

اذا عندك اي استفسار بخصوص الجامعات راسلني على الخاص

---

ياهلا بك والله اخوي, كنت براسلك عالخاص بس مشاركاتك 2 والظاهر لازم توصل 10 ف مابي اتعبك
بديت ابحث ببعض الجامعات بعد ماقفلو الملحقيه الجامعات الي كانت ببالي ونصحوني بالتالي
the university of akron
kent state university
pitsburg university
scranton university
university of illinoist at urbana

انا بحثت بنفسي ولقيت جامعه washington state university وعجبني وضع الجامعه بس الولايه مو مره, قريت كلام انها مو مره كويسه ف ما ادري
ومن اللسته الي قبل شوي بحثت عن جامعه بتسبرج وسمعت عنها كلام مره كويس
وللعلم جامعه واشنطون في بولمان وبتسبرج الرانكنق حقهم مره كويس في تخصص الهندسه والهندسه الميكانيكيه بالتحديد
ف احترت بينهم واكثر شي حيرني والي خلاني اميل لبتسبرج الولايه لكن مو متاكد
ف شرايك وشرايكم ياخوان , وللحين ماشفت الجامعات الاخرى باللسته الي يعرف جامعه منهم كويسه برانكنق كويس بولايه حلوه يعطيني خبر الله يسلمكم
والمعذره عالاطاله