الله يوفق من يجيب على استفساري ويدلني على الطريق الصحيح ....!

السلام عليكممم جميعاً

خلوني أتكلم عن وضعي بإمريكا وراح أطرح عليكم أستفسار أتنمى من الجميع الوقوف معي ومساعدتي لأني في حيره مع الوزارة والملحقية :(


طبعا أنا الأن في كاليفورنيا تقريبا لي شهرين
أدرس بمعهد خاص وحصلت على قبول مشروط من جامعة كاليفورنيا ستيت - لوس انجلوس

الطامة الكبرى اني قبل اقدم اوراقي عليهم ... ماعليها ملاحظات لا من ناحية ( اوفر - هولد - كلوز )

المهم اجراءات القبول طالت شوي وانصدمت بالتحديث الاخير ان الجامعة عليها oversaturated والمعهد التابع لها وضعه بالسليم

وعلى فكرة حاولت اكثر من 3 مرات اراسل جامعات واجيب قبول منهم وانصدمممممممم بالملحقية

قسممم بالله طفشوووني
وانا الان في حيرة

كلمت الجامعة بخصوص الفاينل اكسبتنس قالواا لي لازم تحضر عندنا قبل الديد لاين وكونك تدرس بمعهد الان بنسوي لك ترانسفير وبنفس الوقت الاي توني الجديد عندهم يعني ما اقدر اخذه لين اسوي ترانسفير

نفرض سويت ترانسفير وعطوني القبول النهائي وقدمت على الوزارة هل تتوقعون يوافقون اني ادرس فيها او يرفضون الطلب ؟

من جد احباططططططططططططط اذا فيه شخص حصل له نفس الموقف تكفوووون خبروني والله مدري وش اسوي
هل انقل للجامعة او اجلس بالمعهد لين يجيني قبول السنة الجاية تهئ تهئ تهئ :(

وعليكم السلام
انت بتدخل الجامعه ولا المعهد حق الجامعه
ماستر ولا بكالوريوس

راح اسوي ترانسفير للمعهد التابع للجامعة بس ماراح اطول فيه وبعدها بختبر توفل وبدخل الجامعة بس انا مقدر اسوي شي لين اقدم طلب موافقة من الوزارة طلب( دارسة على حسابي الخاص وانا خايف يرفضون الطلب كون الجامعة oversaturated

اقتباس:

---

المشاركة الأصلية كتبت بواسطة Mr.J

راح اسوي ترانسفير للمعهد التابع للجامعة بس ماراح اطول فيه وبعدها بختبر توفل وبدخل الجامعة بس انا مقدر اسوي شي لين اقدم طلب موافقة من الوزارة طلب( دارسة على حسابي الخاص وانا خايف يرفضون الطلب كون الجامعة oversaturated

---

سألتك علشان ارد عليك برد ان شاء الله يفيدك
اذا انت بامريكا ومعك الموافقه من السعوديه بيقبلونك ان شاء الله
انت بتطلع على حسابك الخاص ان شاء وبيضمونك للبعثه

ابقول لك وش ابسوي لو اني طالع على حسابي الخاص علشان تشوف اذا تنفع معك او لا
ابقدم على المعهد اللي انا ابغاه والجامعه ابقدم على اي جامعه لكن بتخصص معين انا ابغاه
خلال فترة اللغه اللي انا قاعد ادرسها على حساب الملحقيه اببحث عن الجامعه اللي تناسبني
ليش؟
لان الملحقيه اذا خلصت فترة اللغه راح يطلبون مني قبول جامعه نهائي سواء من الجامعه اللي انا قدمت عليها عندهم او من جامعه ثانيه
ماتفرق معاهم دام انك جبت لهم قبول نهائي اني خلاص ابدخل الجامعه

يعني بحالتك عطهم اي قبول لانك لو قدمت عليهم الحين بجامعة مقفله بيجيك رد انه لازم تجيب قبول من جامعه ثانيه
اهم شي ماتغير التخصص حقك لان نظام تغيير التخصصات من تخصص مرتفع لتخصص نازل مايقبلونه الملحقيه
وعندهم طريقة معينه بحساب قوة التخصص محد يعرفها غيرهم خخ

واذا اعطيتهم اي قبول ثاني وبعد فتره اختبرت ايلتس وجبت درجه كويسه وفتحوا الجامعه اللي انت فيها تقدر تعطيهم القبول اللي كان معك وانت تبغاه
واذا مافتحوه قدم على اي جامعه ثانيه ممكن تناسبك

جزاك الله خير اخوي على الافادة

وبالنسبة لدراسي راح اكمل ماستر بس لازم ادرس معهد على الاقل فترة وجيزه

طبعا انا قدمت على وزارة التعليم العالي قبل فترة وارفقت لهم قبول مبدئي (معهد وجامعة )
California State University -LA
وللاسف تم رفض طلبي والسبب
ان القبول صادر من معهد لغة
طيب وش التعقيد ذا
واذا صادر من معهد لغة
هم ذاكرين في القبول المشروط لازم اخلص المعهد وبعدها اخش الماستر بمعنى اصح قبول معهد وجامعة .


المهم كلمت الجامعة قالوا لي تعال لمنا قبل الديد لاين وراح تكمل باقي اوراقك عشان نعطيك الاي توني .

طيب لو عطوني الاي توني
هل تتوقع لو اقدم على الوزارة يرفضون طلبي ومن المحتمل راح يكون الرفض

- الجامعة اوفر
-او خرابيطهم اللي قبل الى الان مازال القبول صادر من معهد ؟

ياليت تزودنا بمعرفتك واعتذر ع ازعاجكك

وياك ان شاء الله لا ازعاج ولا شي
اللي اعرفه ابقول لك اياه واللي ما اعرفه الاعضاء ان شاء الله يقولون لك

نفس اللي حصل لك حصل لواحد مقدم له عندي بالجامعه لكن بكالوريوس
اعطى التعليم العالي الورقه اللي فيها انك مقبول بالتخصص الفلاني لكن لازم تعدي اللغه

ورفضوه لان الورقه صادره من المعهد
كلمت المعهد اعطوني ورقه ثانيه مكتوب فيها انها من الجامعه صادره مو من المعهد
المشكله التوقيع والكلام نفسه ماتغير

المهم الاي توني ماراح يشوفونه اذا ما معك ورقة القبول اللي خاصه بالجامعه
لان صديقي اللي قلت لك عنه بالاي توني مكتوب انه بيدخل جامعه مو مكتوب فيه انه بيدرس معهد او اي شي ثاني والمستشار اللي بالتعليم العالي رفضه مع انه مبتعث بالاساس لكنه مسوي طلب تأجيل بعثه
فيه بعضهم متساهلين من المشرفين لكن اللي مسوي نفسه يمشي على النظام بيردك لان مامعك قبول من الجامعه

راسل قسم القبول بالجامعه وقل لهم ان السكولر شب حقتي طالبين ورقه من الجامعه تثبت انكم قابليني oficial admission letter
وبيرسلون لك ان شاء الله الورقه بنفس اليوم او من بكرا لانهم يعرفون وضع المبتعثين السعوديين

الله يجزاك الف خير ويسهل امركك يارب
اشكررك يالغالي وعسى ربي يوفقك وين ماكنت