المشاركة الأصلية كتبت بواسطة ابو الجوهرة التميمي
بيض الله وجهك السياره ابيها عاديه ولأثاث كنب وتلفزيون وغرفه نوم واغراض مطبخ بس ياليت تبين لي افضل منطقه سكن أمان وفيها حركه ولك تحياتي
ووجهك يالطيب
انا من سكان نيويورك فماعندي خبره عن واشنطن ان شاء الله اصحاب واشنطن يعلمونك
نيويورك معروفه انها اغلا من واشنطن نسبياً فأتوقع الاثاث بيكلفك لانك لحالك حدود 7 الاف اذا بتدور لك شي كويس ويفتح النفس
التفزيون اذا بتاخذ نوع حلو بيكلفك ك700 دولار كبير ودقة عاليه 42 بوصه
الكنب بياخذ عليك من800 ل 1800 دولار اذا مايهمك من وين مصنوع او وش اسم الشركه اللي صنعته
السرير وغرفة النوم يختلف انواعه كثيره جدا لكن اتوقع راح تكلفك مع المرتبه او الماترس 1600 دولار
واغراض المطبخ اذا كنت تبي كل شي ما اتوقع يكلفك فوق 1000 دولار
باقي المبلغ للأشياء الزايده مثل طاولة التلفزيون وطاولات الصاله والكماليات الثانيه مثل الابجورات
اتوقع لو تدخل على موقع ايكيا الامريكي وتختار الاثاث اللي ممكن يناسبك
وتشوف الاسعار اذا كانت تناسبك او لا
مع العلم ان اييكيا اسعارها بالغالب اغلى من اسعار السوق
لكن افضل شي عندهم بضاعه كويسه وتلاقي كل اللي تبي بدون تعب تدوير وعندهم بعد اشياء رخيصه واشياء غاليه
تقدر تختار الاثاث كامل مع اغراض المطبخ ويعلمونك كم بيكلفك مع الشحن او بدون الشحن
واسعارهم اتوقع راح تناسبك
انت شف ايكيا اذا ماناسبك اسعارهم فيه عندك walmart هذا سوبر ماركت عنده كل شي وتقريباً له فروع في جميع امريكا
ومعروف انه من ارخص السوبر ماركت لكن جودتهم نص ونص
وله موقع بالانترنت اكتب اسمه بقوقل ويطلع لك وتختار كل شي تبغاه وتحطه بالسله ويعلمونك كم بيكلفك مع الشحن او بدون الشحن اذا خلصت
وايضاً اذا ماناسبك علمني وابحث لك عن مواقع ثانيه تبيع الاثاث
السياره اذا تبي مثل المبتعثين اغلبهم يشتري كامري 2002 تلقاها ب5 الاف نظيفة بعد البحث طبعاً
باقي المبلغ تخليه لاشياء ثانيه مثل اشتراك انترنت وقنوات وتأمين شقه وتأمين كهرب ومويه
انا جيت معي اقل من المبلغ اللي معك واثثت شقتي كامله والاثاث متعوب عليه واشتريت لي سياره امشي فيها حالي لين اشتريت سياره ثانيه بعد ماضبطت اوضاعي
hayway July 29th, 2013, 02:48 AM
July 27th, 2013, 11:54 PM
السلام عليكمانا بأذن الله جاي واشنطن العاصمة بعد العيد ب ٢٠ يوم للعمل بالملحق العسكري وابي استفسر عن السكن والمعيشة وراح يكون معي مبلغ ١٥ الف دولار هل هي كافيه لايجار سكن مع تأثيثه وسياره مع العلم اني بمفردي وماذا تنصحوني بافضل منطقه للسكن وتكون قريبه من عملي ولكم شكري وامتناني