استفسار شروط القروض البنكيه في امريكا

وعليكم السلام ورحمة الله وبركاته
القروض تختلف من بنك لبنك
والسوشل سكيورتي يعتمد على التاريخ حقك بالعمل
يعني اذا جيت تقدم على قرض لازم تسوي طلب وبعدها راح يشوفون التاريخ حق السوشل سكيورتي ويشوفون المبالغ اللي كانت فحسابك بالفتره الماضيه
وبعدها يقررون يعطونك القرض او لا
وايضاً الفوائد تعتمد على تاريخك المالي واالفتره اللي بتسدد فيها القرض
كل ماقلت الفتره تقل الفوائد وكل ماكان التاريخ المالي كويس كل ماقلت الفوائد
فيه واحد يدرس معي البنك اعطاه اعلى قرض على سياره 4900 دولار
وهو امريكي ويشتغل لان حسابه في البنك مايتعدى شهرياً 1200 دولار

اها يطعيك الف عافيه اخوي افدتني

انا توقعت مع وجود السسوشل سكيورتي و الضمان الاجتماعي , بيتيسر الموضوع
كان في بالي مبلغ اكبر من كده بس مو مشكله

طيب اخوي في بنك معين تشوفه افضل من غيره ؟

جا في بالي bank of america بس ما اعرف لـ اي مرحله وصلو البنوك التانيه عشان كدا حاب استفيد منك , لو تعرف من هالناحيه

بالنسبه لصاحبك اعتقد لو مددة الفتره ممكن يعطوه مبلغ اكبر , ولا غلطان ؟

هي بشكل عام تعتمد على التاريخ حق الكرديت كارد حقتك وعلى النقاط اللي انت مجمعها في السوشل سكيورتي
الاخ K10 قد تكلم عن هذا الموضوع كثير
يعني لازم تجمع نقاط اقل شي لمدة سنتين بعدها ممكن تستفيد من السوشل سكيورتي

وصاحبي لان النقاط اللي عنده بالسوشل سكيورتي قليله وتاريخ الكرديت كارد حقته عادي
وبالنسبه للقرض كل بنك وله طريقة انتبه قبل لا توقع الاوراق
ممكن الموظف يخلي عليك الامر سهل
لكن فيه بنوك اذا تأخرت عن التسديد مرتين يسوون لك استدعاء محكمه واذا ماوفرت المبلغ سجن على طول
وفيه بنوك مايعطونك القرض الا اذا سويت رهن على شي غالي
وبعض البنوك مايعطون القرض الا على سيارات
وبالنسبه للسيارات اذا سويت عليها قرض التأمين لازم يكون شامل على السياره وضد الغير مو بس ضد الغير مثل ما البعض مفكر
ولا تقدر تبيعها

القروض لازم تزور البنك بنفسك لكن انتبه قبل لا توقع الاوراق لان مشاكلها كبيره
وراح يحاولون يقفلون عليك اي محاولة تهرب حتى لو انك بتسافر خارج امريكا
وغالباً الطلاب الاجانب مايطعونهم قروض نهائياً مايعطونهم الا على السيارات او دفع تكاليف الجامعه حتى لو معك سوشل سكيورتي تاريخه قوي
وممكن يوافقون عليك مبدأياً لكن الموافقه فقط علشان يسكتونك ويبينون انهم حاولوا لكن الادراه رفضت
والسياره هم اللي يتعاملون مع المعرض مو انت وتكاليف الجامعه يتم تحويلها مباشره للجامعه والاسترداد عليه متطلبات ثانيه والبنك يجيه اخطارات على كل شي يصير

ما ذكرت لنا قيمة القرض؟

لانه بناء درجة ائتمانية جيدة لمبلغ كبير ياخذ منك سنوات ، وتذكر ايضا ان هناك فوائد ربوية اذا هذا الشي يهمك

طيب ممكن رابط موضوع اخوونا الي يتكلم عن السوشل سكيورتي , عشان بعرف نظام النقاط و كدا

و يعطيك الله الف عافيه ما قصرت بشي , الله يوفقك و يرزقك

ان شاء الله اول ما ارجع من السعوديه بشوف و ارتب مع بنك

اخوي او اختي ,, مافي مبلغ محدد , بس مبلغ شوي كبير حبتين ,
المبلغ لشراء بيت بسيط لان ان شاء الله ابوي و امي و اختي بيجو على امريكا منها يجلسون معاي و منها اختي تتعلم
و حبينا نوفر , عن طريق نشتري بيت , و ادا قررنا نرجع , بعنا البيت

بالاضافه الى ان اختي بتدرس بكالوريوس و بتكملها للـ دكتوره ان شاء الله , يعني الفتره مو قصيره ابد

بالنسبه للفوائد الربويه , ممكن تعطيني فكرة عنها ولو بسيطه , لان الصراحه مو فاهم فكرتها بشكل واضح

اهلين ماسويت الا الواجب كنت ابحذرك عن القروض لكن انت كتبت في بداية الموضوع ماتبغى تحذيرات
لكن الاخ ناسا ذكرني بشي ولازم اقوله لك
القروض جميعها ربويه ما عدا اللي مافيها فوائد وهذي نادر تلقاها لان المده حقت القرض تكون بالعاده سته وثلاثين شهر
والله سبحانه وتعالى مايطرح فيها البركه

الرابط الصراحه تعبان الحين ومواصل ماودي اخليك تنتظر لين بكرا ابقول لك عنوان الموضوع بتلقاه بالصفحات القريبه لان ماله اكثر من اسبوعين
واحد كاتب عن السوشل سكيورتي
اطلع على الصفحه رقم اثنين او ثلاثه او اوربعه وبتلاقيه ان شاء الله

امكن خانني التعبير شوي اخوي , لو في تحدي او نصيحها قولها اخوي , انا ابغه استفيد منكم
بس انا الي كنت اقصده انو ما ابغه شخص يجي يقول لي لا تضيع عمرك بالقرض و كدا , لانو الكل يكرر هالشي , حتى سماع هالنصيحه صار ممل

اما تحدرني انو الموضوع فيه لعبه من تحت لتحت ولا فيها خدعه , لا بالعكس هنا بالضبط محتاجكم يا اخوي
بالنسبه لغير الربويه , ما عندي مشكله بالمدة

ان شاء الله ببحث عن الموضوع و يعطيك الف الف عافيه , شكراً

السوشال سيكورتي نمبر Social Security Number هو نفسه رقم الضمان الإجتماعي ..
وإما عن طلبك من اخوي الغالي hayway ..
فبإمكانك قرائة ردي في هذا الموضوع :
http://www.mbt3th.us/vb/forum8/threa...post1062353290

ولي ردود كثيره في هذا الخصوص .. ولكن لا يسعنى ان اسردها كلها .. فإن كان هنالك سؤال معين بخصوص الضمان الإجتماعي إسال وباذن الله سنجيب !


وبالنسبه للقروض .. فهي لن تنفعك بقدر ما تضرك كونك طالب وليس لديك دخل شهري عالي ..
فالطالب لا يعطى اكثر من 10$ الاف دولار كقرض من البنك مهما كانت نقاطه في سجله المالي بالضمان الاجتماعي عاليه !
وهذه تفيد الطالب إما لشراء سياره او متطلبات جامعيه كالكتب والكمبيوتر وغيرها من الامور التي يحتاجها الطالب ..
ولكن لا يقدر الطالب أن يأخذ قرض لأجل شراء بيت او ماشابهه من امور !
فهي تعطى للطالب ايضا لبناء نقاطه في ضمانه الإجتماعي .. وهذي احد الاسباب ..
فهذه الامور لا يسمح للطالب بها حتى يكون موظف في احد القطاعات وله راتب شهري ثابت لا يقل عن 8000$ !
ولا تنسى ما أشار اليه اخي الغالي nasa2009 .. فالقروض هنا ربويه ..

هذه نقطه ..

أما النقطه الأهم .. فهي شراء البيت ..
اذا اشتريت بيت .. فتأكد أن نظام الضرائب سيطبق عليك ... وستكون هنالك ضرائب وخدمات لابد أن تدفع بعضها شهري وبعضها سنوي !
وستصبح عليك مسؤوليات كثيره للمحافظه على هذا البيت .. وتجاوزك لهذه المسؤوليات قد يعرضك الى دفع غرائم مالية مقدره !

فلذلك .. لو كنت تريد أن تأخذ بيت .. فأفضل حل هو أن تستأجر بيت .. حتى وإن كانت مدة الإيجار اربع سنوات أو أكثر !
وستكون لك افضل من ناحية المسؤوليات والتكاليف .. لإن مبلغ الإيجار سيعفيك عن بقية المسؤوليات وسوف تكون مسؤلياتك فقط هي دفع الفواتير كالكهرب والماء والغاز وغيرها من الأمور التي تحتاجها بالمنزل !

وإيجار المنزل أرخص من شرائه .. فلو فرضنا انك تريد شراء منزل من ثلاث غرف (غرفة لوالديك وغرفتين لك ولاختك ) .. سيكلفك مبلغ لايقل عن 250,000$ دولار .. ولو اضفت ضرائب البيع للبيت .. من الممكن أن يصل المبلغ الى الـ 300,000$ دولار ..!

أما لو اسـتأجرت بيت بنفس المواصفات .. فسيكلفك الإيجار مابين الـ 800$ الى 2000$ دولار شهريا .. ولو قمنا بحسبة المبالغ الشهريه على مدة المكوث .. لكلفتك نصف قيمة البيت نفسه !

ولا تنسى أن قيمة الإسكان في الولايات مختلفه .. فبعض الولايات تكلفتها اغلى من الاخرى .. وانا أعطيتك مجرد مثال على المعدل المتوسط لقيمة الإسكان في أمريكا بشكل عام ! ..

وايضا أحب ان اخبرك بأن قيمة إيجار البيت .. أرخص من قيمة إيجار الشقه !

فلا تجعل هذا الأمر يشتتك !

ايضا لنفترض انك اشتريت بيت .. بعد عشر سنوات قررت ان تبيعه .. فهل تعتقد أنك ستبيعه بقيمة شرائه ؟ وهل تعتقد أنك ستجد من يشتريه بسرعه ؟

البيوت من اصعب الامور في البيع والشراء .. فهي تأخذ مده طويله لان الحاله الاقتصاديه في امريكا لاتسمح للشعب بشراء بيوت جديده او بيوت مسكونة من قبل !
فسيصعب عليك بيع البيت بهذه السهوله .. وأن وجدت طريقه سريعه لبيعها او تريد بيعها على مقاول .. ستكون قد بعته بخساره !
خصوصا وضعك كطالب وانك تريد العوده الى السعوديه هذي النقطه سيتم استغلالها لصالحهم !
فيجبرونك على بيعه بقيمة اقل من قيمته المعهوده ! حتى تتخلص منه !

لذلك الشعب الأمريكي لا يشتري بيتا ملك .. إلا اذا كانت مدة المكوث اكثر من 20 سنه ! وقد قرر الإستقرار بشكل ابدي !

فالرأي يبقى اولا واخيرا رأيك .. وأحببت ان ابين لك الصوره من جوانب عده حتى يمكنك صقل قرارك ...

هذا والله اعلم ..,

اخوي الله يسعدك , لخصتلي كل الموضوع و كل الي احتاجه بهالرد
,, اقنعتني بالايجار و ان شاء الله الاقي البيت المناسب وقت العودة لامريكا
ما خليت لي مجال اسال , غطيت الموضوع بالكامل
ماشاء الله

شكراً اخوي ما قصرت انت و اخوننا الي فوق
و الله يكتب لنا الي فيه الخير