طالب البكالوريوس لو رجع فيك الزمن تطلع بعثه ولا تدرس هنا ؟

السلا م عليكم ورحمه الله وبركاته


طالب البكالوريوس لو رجع فيك الزمن تطلع بعثه ولا تدرس هنا ؟

وايش السبب هل الجامعه لها دور ؟ اما بسبب الوظايف ؟

ادرس في امريكا أو كندا في جامعة مرموقة
أولا الجامعات اللي عندنا مستواها متفاوت منها القوي ومنها الضعيف لكن تشترك في التعقيد والصعوبة..
الدعم الحكومي للإبتعاث أكبر بكثير..
دعم المتزوجين وهذا غير موجود في جامعاتنا مع الأسف..
مستوى الدكاترة العلمي والشراكة مع سوق العمل برا أفضل.. وسترى أثره في المواد التي ستدرسها..
هذا بشكل عاام.. ويعتمد أيضا على الشخص نفسه وكفائته..

^

اخوي انت جربت البعثه في مرحله البكالوريوس ولا الماستر ؟

لاني اشوف الجامعه kfupm

وعليكم آلسلآم ورحمة آلله وبركآته ..

بآلسعودية فقط لو تحصل لكـ جآمعــة آلملكـ فهد للبترول وآلمعآدن أدرس فيهـــآ لأني أعرف نآس مآقدروآ يكملوآ من صعوبتهآ ..
لأنهآ تطلع نآس فآهمين في تخصصهم مو مثل بآقي آلجآمعآت ..

إستخير, هآلسؤآل كلن بيجآوب عليه على حسب وضعه .. يمكن أنآ وضعي آلحآلي جدآ ينآسبني لكن لو إنت تطلع وتعيش حيآتي مآتنآسبكـ !!!
لجل كذآ إستخير آلله كثير ..

بآلتوفيق ..

مشكوررين على الردود

موضوع ممتـاز .. ياريت باقي الاعضاء الي يدرسون البكالوريوس في الخارج يجابون .. ترى نستفيد من تجاربكم ونصائحكم

نصيحه لوجه الله انا كنت موظف وكان راتبي اكثر من 9000 ومتزوج وعندي اطفال تركت الوظيفة والان ادرس بكالوريوس ولم ولن اندم بإذن الله...

اي شخص عمره 32 وتحت يطلع يدرس ولا يشااااااااااااااااور احد البعثة فرصة تاااااااااااااريخية لن تتكرر...

سلاااااااااااااااااااااااااااااااااام...

احس اللي كتب الموضوع توهق انه طلع بعثه وقال انا وش جابني هنا ما كنت هناك شحلاتي ههههههههههه

الدنيا كذا لا بد من الخطوات الجريئه عشان تجرب الزين والشين

الله يوفقكم وين ما كنتو يا رب ....

اقتباس:

---

المشاركة الأصلية كتبت بواسطة حروف .. متناثره ..

بآلسعودية فقط لو تحصل لكـ جآمعــة آلملكـ فهد للبترول وآلمعآدن أدرس فيهـــآ لأني أعرف نآس مآقدروآ يكملوآ من صعوبتهآ ..
لأنهآ تطلع نآس فآهمين في تخصصهم مو مثل بآقي آلجآمعآت ..
بآلتوفيق ..

---

صعوبة الجامعة لاتعكس بالضرورة جودة مخرجاتها.
(فقط ؟) وين راحت جامعة الملك سعود المتميزة بالعديد من التخصصات القوية؟ ترى حتى جامعة الامام فيها عدد من التخصصات القوية. (توضيح: بما أني عملت في عدد من الوظائف لفترة من الزمن قبل ابتعاثي، فيه العديد من القطاعات تفضل الخريجين من الجامعتين المذكورتين أعلاه في (((بعض التخصصات))) على المتخرجين من المبتعثين (بإستثناء المتخرجين من الجامعات القوية واللي عددهم أصلاً قليل)، لتميز بعض التخصصات بهذه الجامعات.
بالنسبة لوضعي:
درست البكالوريوس بالسعودية مع العلم أنه كان من الممكن أني ابتعث في ذلك الوقت والآن في أمريكا لإكمال الماستر والحمدالله راضي كل الرضى، ولو رجع الوقت بدرس البكالوريوس بالسعودية مرة ثانية ^.^ .

بالتوفيق،،

حالياخلصت بكالوريوس في السعودية ومقدمة ماستر ابتعاث

كان ودي اطلع بعثة لعده اسباب بس محرمي كان صغير :"(

بس الحمدلله خيره ...!