الأعضاء الإشتراك و التسجيل

الملتقيات
ADs

أحد يساعدني باختيار سياره مناسبه

أحد يساعدني باختيار سياره مناسبه


NOTICE

تنبيه: هذا الموضوع قديم. تم طرحه قبل 1591 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Miss Hayfa
    Miss Hayfa

    مبتعث مميز Characteristical Member

    Miss Hayfa الولايات المتحدة الأمريكية

    Miss Hayfa , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى IS , بجامعة -
    • -
    • IS
    • أنثى
    • Moon township, PA
    • السعودية
    • Dec 2011
    المزيدl

    August 11th, 2013, 04:31 AM



    السلام عليكم والرحمه

    كيفكم ان شاء الله بخير.

    انا كلها شهرين وانقل لمدينه المواصلات فيها مش ولا بد ومضطره استخدم سياره علما بأني غشيمه درجه أولى.

    وغشيمه برضو بالسيارات مافهم فيها شي ولا اعرف شي ولا اعرف وش الزين من الشين.
    :
    ابيكم تساعدوني الله يخليكم
    :
    :
    المواصفات:

    يعني سياره عاديه جدا جدا مابي فخمه ولا بعد مبهذله ابي شي وسط
    حدي بالسعر بين 8000 الى 10000 دولار فقط
    ابيها باب واحد ( مدري ليه اخترت باب واحد بس احس حلو باب واحد ولا ماعندي سالفه؟؟ )
    ابي لونها كحلي غاامق
    ابيها عمليه ومستخدمه استخدام نظيف مب مقربعه تمشي مره وتوقف عشرين مره
    ابيها اتوماتيك وعساني اسوقها زين.
    ابي فيها حساسات وكاميرا لاني كمخه ماشوف ورا زين والاشياء ذي تعرفون انها تساعد
    :
    مدري وش ابي بعد، ابي سياره تناسبني كوني مبتدئه واحتمال اجيب العيد فيها بعيد الشر عني وعن جميع المسلمين.
    ماتهمني ماركه السياره ايش ، ان شاء الله شاص بس لا تصير مقربعه
    :
    وابي تدلوني كيف اعرف انقي سياره وايش المواقع الي اقدر اشيك فيها , يعني الله لا يهينكم لو واحد بس يتحملني ويتفرغ لي يعلمني من الآلف الى الياء وبدعي له من صميم صميم قلبي
    :
    خلاص معد بقى شي العد التنازلي بدا ولازم ارتب اموري من الحين



    انتظر استشاراتكم حبايبي.

    سلام

  2. ما تبينها تمشي لحالها هههههههههههه
    خذي لك هوندا اكووورد او هوندا سفك عمليه وحلوه لك كبنت باب واحد كويسه ورخيصه وعمليه او هوندا سفك على قدك حلوه والله وان كان على الكاميرا تقدرين تروحين محل تشترين منه كاميرا وتركبينها واذا على المواقع في ابلكيشن اسمه cars.com او دخلي موقع cars.com هم نفس الشي
    7 "
  3. ضحكتيني لما قلتي كحلي غامق ههههههههه , انتي اختاري سياره وروحي للمعارض وشوفي اذا اللون موجود أو لا


    غير كذا 10000 ما تجيب سياره فيها كاميرا (على الأغلب) , أنا اقول سجلي في مدرسة تعليم قياده وتعلمي عدل بدال ما تسبسبين في نفسك في المنتدى
    7 "
  4. زودي اللفين واخذي سياره مره مناسبه ونايس
    شوفي هذي السياره

    2012 Nissan Altima 2.5 S, $12,000 - Cars.com


    سعرها مناسب وما مشت كثير

    اسم السياره
    2012 Nissan Altima 2.5 S


    وهذي السياره

    2012 Ford Fusion SE, $11,999 - Cars.com


    اسم السياره
    2012 Ford Fusion SE


    وانصحك بهذي

    http://www.cars.com/go/search/detail...nal&listType=1

    اسم السياره
    2006 Ford Mustang V6

    -------
    ميزة هالموقع انه تقدرين تسوين تست درايف قبل الشراء ويعرض لك الكارفاكس ( الفحص )

    بس اذا في فوائد مادري لازم تتواصلين مع البائع
    7 "
  5. على هذي المواصفات .. اتوقع هذي بتنفعلك :


    هههههه .. كذا مضغوطه وتصلح للتعليم ههه وماتاخذ مساحه كبيره بالمواقف

    المشكله المواصفات ماهي على كيفك .. يعني ممكن تلاقين سياره كويسه وعلى نفس اللي تبين .. لكن يكون لونها مثلا احمر ! وانتي تبين كحلي ..
    هذي شغله .. الشغله الثانيه السيارات الكوبيه Coupe (باب واحد) أغلى من السيارات السيدان Sedan (اربع ابواب) ..

    اهم شي بالسياره انها تكون نظيفه ويكون المايلج Mileage مايتعدى الـ 100 ميل ..
    الـ Mileage هو عداد السياره .. يعني السياره الجديده يكون المايلج حقها 0 .. ومع الاستخدام يزيد عدد المايلج .. (يعني كم مشت السياره من يوم شراها راعيها لحتى باعها) ...
    طريقة حسبة المايلج بسيطه .. تعتمد على موديل السياره والسنه اللي راح تنباع فيها ..
    فمثلا لو قلنا ان السياره موديلها 2008 وانتي تبين تشترينها في سنة 2013 .. معناته ان عمر السياره 6 سنوات .. وقولي انك لقيتي المايلج حقها حول الـ 120 ميل ..
    تاخذين المايلج حقها وتقسمينه على عمر السياره .. بيصير (100 ميل) تقسيم (6 سنوات) .. بيطلع 20 ميل كل سنه !
    فهذا يعني ان السياره ماتمشي كثير .. معناته ان صاحبها مايستخدمها كثير او مايطلع فيها كثير بمعنى اصح !
    فبالتالي يتضح لنا ان السياره في حاله ممتازه جدا .. وكأنها جديده ! لان صاحبها محافظ عليها ..!

    وهذي الطريقه تستخدمينها مع كل السيارات المستعمله .. اي سياره تشوفينها نظيفه وفيها المواصفات اللي تبينها ...
    تشوفين موديلها والمايلج .. وتشوفين كم الفرق بينهم .. وبالتالي تعرفين اذا كانت السياره استخدام مفرط او حشمه مثل مايقولون !

    علما بأن المايلج الاعتيادي للسياره يكون مابين الـ 20 الى 60 الف ميل سنويا !
    فإذا كانت النتيجه بين هالرقمين فمعناتها ان السياره تستخدم استخدام داخل الولايه او المدينه ! (يعني ماهو راعي فراره ولا سفريات) ..!

    اما اذا كان اكثر .. فمعناته السياره مستهلكه بزياده .. وهذي ماراح تنفعك كثير لانها ممكن يصير فيها خرابات بسبب الاستهلاك الزايد .. وممكن كل شهرين ثلاثه انتي مسيره على الورشه !


    اما مسألة صرفية البانزين .. فهي تعتمد على امور كثيره ... لكن اهمها كثرة المشاوير !
    فسواء اخذتي امريكي او ياباني .. طول ما المشوار واحد راح تصرف نفس الصرفيه مع فارق بسيط جدا !
    لان الصرفيه تحسب بالسفر مو داخل البلد !

    فما دام انتي تبين السياره داخل المدينه .. وماراح تسافرين عليها .. فمايحتاج تفكرين بالصرفيه !
    اهم شي تكون بحاله ممتازه ! وتكون مناسبه لك !

    عموما .. السيارات كثيره ..
    تقدرين تدخلين موقع cars.com وتحطين بالخيارات مدينتك وتبحثين بالسيارات على الموديل اللي تبينه ..

    مثلا اذا كنتي تبين سياره ماتتعدى الـ 10 الاف دولار .. حطي الماكس برايس 13 الاف دولار !
    يعني زيديها ثلاث الاف دولار .. لانك ممكن تلاقين سياره تناسبك بقيمة 10 الاف دولار ..
    ومع البحث تطلعلك سياره افضل من اللي اخترتيها واحدث موديل .. لكن قيمتها 12 الف دولار !
    فلو تحطين زيادة الفين تاخذين افضل واضمن !
    يعني مادامك شاريه شاريه .. فدايم حاولي تجيبين الافضل !

    شوفي انا لقيت سيارتين ..
    2008 Ford Fusion SE, $8,600 - Cars.com

    Cars for Sale: 2009 Kia Optima LX in Denver, CO 80210: Sedan Details - 349087878 - AutoTrader.com
    7 "
  6. المشاركة الأصلية كتبت بواسطة msb2012
    ضحكتيني لما قلتي كحلي غامق ههههههههه , انتي اختاري سياره وروحي للمعارض وشوفي اذا اللون موجود أو لا


    غير كذا 10000 ما تجيب سياره فيها كاميرا (على الأغلب) , أنا اقول سجلي في مدرسة تعليم قياده وتعلمي عدل بدال ما تسبسبين في نفسك في المنتدى
    سجلت بس الواقع غير صراحه

    - - - مشاركة محدثة - - -

    المشاركة الأصلية كتبت بواسطة زايد الحبابي
    انصحك في الكامري بنزين واذا تبين تبيعينا تنباع علي طول
    لا لا مابي كأمري ماحب ذا الاسم احسه حق مهايطيين
    7 "
  7. المشاركة الأصلية كتبت بواسطة MoH9ALi
    شوفي هذي السياره

    2012 Nissan Altima 2.5 S, $12,000 - Cars.com


    سعرها مناسب وما مشت كثير

    اسم السياره
    2012 Nissan Altima 2.5 S


    وهذي السياره

    2012 Ford Fusion SE, $11,999 - Cars.com


    اسم السياره
    2012 Ford Fusion SE


    وانصحك بهذي

    2006 Ford Mustang V6, $11,800 - Cars.com

    اسم السياره
    2006 Ford Mustang V6

    -------
    ميزة هالموقع انه تقدرين تسوين تست درايف قبل الشراء ويعرض لك الكارفاكس ( الفحص )

    بس اذا في فوئاد مادري لازم تتواصلين مع البائع
    والله الالتيما لقققققققطه .. مامشت شي ابد .. شكل راعيها شراها وتحسف انه شراها وركنها بالكراج !
    بس اللي مجنني الموستنج اللي مامشت الا 15 ميل !؟
    موديلها 2006 ! مادري هل هو فعلا 15 ميل والا غلط مطبعي يقصدون 150 الف !؟
    اما لو فعلا 15 ميل .. ياشيخ والله اقول انها وكاله الا 15 ميل هههههه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.