مساعدة كيف الواحد يشتري سيارى في أمريكا .. بديت أبكي و أبغى أرجع السعودية ..

لا لا اقصد بلومنقتون ؟؟؟؟

هههه علينا؟
انتهت فرصتك للمحاولة
لا هذي ولا تلك، مع أنك قريبة.

أما كلهم غلط ؟؟ كل الاثنين غلط ؟؟؟

تبا

اخر اخر محاوله بالله هههههههههههههههههههههههه

الصراحه ردودكم ضحكتني .. و شكرا على هذا الشي ..

بس خلونا نحاول نتذكر الموضوع الأساسي .. الي هو أني أحتاج سيارة لسا هههههههههههههههههههه ..

ايه صح
اااسفه

والله انا اشوف ان السياره ماهي مهمه الا اذا كانت المدينه اللي انت فيها منقطعه مافيها مواصلات ابدا !
بالنسبه لي من يوم جيت امريكا وانا اقول باشتري سياره .. وكل مره أاجل الفكره ..
مع العلم أن فلوسها كانت موجوده معي .. بس كل مره أأجل الموضوع .. كل مره يكون عندي سبب للتأجيل ..
لحتى مرت سنتين وانا أأجل في هالموضوع .. في النهايه قررت اني ابقى على التكاسي لاني اساسا ماحتاج السياره ..
ماطلع كثير .. اللهم بالعطل بس! وما اخفيك اني لازلت افكر بالسياره .. لكن مثل ماقلت لك ماحس اني بحاجتها فعليا !
ساكن قريب من الجامعه وكل شي حولي وغير هذا ماطلع كثير .. طلعاتي تنعد بالاصابع !
الفلوس اللي تروح بالتكسي هي نفسها بتروح على بانزين السياره لو كان عندي سياره !
يعني ماتفرق ! ولا يمكن بعد اقل !

حتى التكسي تلفون ادق عليه يجيني في اي وقت ابيه وقريب مني خمس دقايق وهو عندي !

في العطل .. تمسك معي اخذ ايجار واطلع اتمشى واتمردح بين الولايات ..!

فليش احط عشر الاف دولار في سياره ممكن تكلفني اكثر بالتصليح وخرابيطها !


اما عن سالفة المايلج .. فهي لها حسبه خاصه .. اذا تبي تعرف ممشى السياره هل هي كويسه او لا ..
تقدر تعرفها من المايلج نفسه ..
مثلا لقيت كامري نظيفه موديل 2005 .. والمايلج حقها 150 الف ميل ..
تحسب عمر السياره .. ثم تاخذ المايلج وتقسمه على عمر السياره ..
فالكامري موديلها 2005 وحنا في 2013 .. يعني السياره عمرها 8 سنوات !
يصير تقسم 150 على 8 .. بيطلع الناتج تقريبا 18 الف ميل لكل سنه ..
معناته ان السياره كويسه وصاحبها معتني فيها ويستخدمها داخل البلد فقط ! يعني ماهو حق سفريات !

يعني تشوف المايلج السنوي للسياره وعن طريقه تعرف اذا كانت مكروفه والا استخدام حشمه مثل مايقولون ..
اذا كان المايلج مابين 20 الى 60 الف للسنه الواحده .. فمعناته هذا استخدامه داخل البلد ..
اما اذا كان اكثر ... فمعناته ان السياره مكروفه خطوط !

وعموما حاول دائما تاخذ المايلج الاقل من 150 الف ميل .. للسيارات القديمه اكثر من ثلاث سنوات !
اما اللي من 2010 وطالع .. فهذي دور اللي تكون اقل من 80 الف ميل !
وكل ماصار موديل السياره اقرب للعام الحالي كل ماصار المايلج اقل ..

هذي هي الفكره !

1OK

أنا أول ما جيت أستخدم الباص
وقلت بأشتري سيارة للمشاوير اللي ما أقدر أستعمل فيها الباص
وعلى أن الباصات عندنا مجانا للطلاب، سبحان الله من يوم شريت السيارة عجزت أرجع للباصات
لدرجة أني أول ما شريت السيارة ما كان عندي رخصة أمريكية ومسكوني مرة البوليس وعطوني إنذار بعدم سياقة السيارة ومع ذلك ما قدرت أتوقف عن استخدام السيارة لين حصلت على الرخصة


يا أخي ما في أحلى من أنك تنزل تأخذ سيارتك من القراج اللي تحت العمارة والسيارة داااااااااافئة وتخرج تقودها بين الثلوج
ولا انتظار الباص والبرد يلسعك ويقرص أذانيك

اول شي انت معك الرخصة للسواقة ؟؟

عموما السيارة المستخدمة يبي لك حول 4 او 5 الاف هذا عشان تلقى سيارة مريحة مضمونة نظيفة يعني ماتوجع راسك بالخرابات والمشاكل ...
شوف اسعار الكامري ... هي الاسهل اذا كانت نظيفة بدون خرابات تكون حلووه وماتصرف بنزين
كامري أو كورولا مع ان سعرهم مثل بعض تقريبا بالسوق لكن اكيد الكامري أكشخ ...... سوناتا .. النترا .. او ابحث عن اكسبلورر أو اكسبدشن موديل ال98 مثلا او الاقدم انت ابحث عنهم اسعارهم رخيصة واحيانا يكونون نظااف وحلوين للاستخدام عن تتتجربه شخصية مع اكسبدشن 1995 كان ماشي حول 140 الف وهذا الممشى يقدر لسيارة عام 2003 ... كانت نظيفة ومظهرها عادي خذيتها ب 2000 دولار هههههههه اوول ماكنت بأمريكا والبنزين عادي مش اقتصادية مثل الكامري بس هم حلوه ماتصرف كثير مثل الماركيز او الموستنق v8 ... ههههههه

والتشييك على السيارة شوف انها كلين تايتل يعني مش مصدومة واسال عن زيت المكينة والقير اذا فيه تسريب زيت مثلا ... والقماشات يعني البريك ... وحاجات ثانية تحت السيارة ماكو صدأ ووقفة السيارة والبوية والكفرات والبواجي والشمبر وو وو وو مدري بعد بس لما تكون السيارة قدامك بتعرف لها شنو تشيك عليه ههههههههههه

بالتوفيق

انا ماحب الباصات .. لان فيها انتظار هههه
وفعلا هي السياره افضل تكون عندك .. لكن على حسب حاجتك ..
انا التكسي اللي عندي تقول كانه باسمي ههه كل ما ابيه اي وقت ادق عليه .. وكلها دقايق وهو عندي .. بيته قريب من عندي وماعنده مشكله حتى لو ادق عليه الساعه 3 الفجر !
فما احتجت السياره علشان هالشي .. يعني حتى لما تعبت مره كان معي حمى ولا كنت اقدر اشيل نفسي .. دقيت عليه وجاني ودخل علي بالشقه وساعدني ليما ركبت السياره ووداني المستشفى وقعد معي لحتى خلصنا من المستشفى ورجعني للشقه !
هههه وش ابي اكثر من كذا دلع

آمن التاكسي بامريكا؟
ماعمري ركبته تصدقون؟

ما يخطفون ولا يسوون حركات ؟
وكم ياخذ على مشوار تقريبا مدته ١٠ الى ١٥ دقيقه؟