الأعضاء الإشتراك و التسجيل

الملتقيات
ADs

مساعدة كيف الواحد يشتري سيارى في أمريكا .. بديت أبكي و أبغى أرجع السعودية ..

مساعدة كيف الواحد يشتري سيارى في أمريكا .. بديت أبكي و أبغى أرجع السعودية ..


NOTICE

تنبيه: هذا الموضوع قديم. تم طرحه قبل 1583 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية onlyone123
    onlyone123

    مبتعث جديد New Member

    onlyone123 السعودية

    onlyone123 , ذكر. مبتعث جديد New Member. من السعودية , مبتعث فى السعودية , تخصصى طب , بجامعة الإمام
    • الإمام
    • طب
    • ذكر
    • الرياض, الرياض
    • السعودية
    • Mar 2012
    المزيدl

    August 12th, 2013, 04:19 AM

    السلام عليكم و رحمة الله و بركاتة

    يا أخواني أنا أحتاج سيارة .. بس انا ما عندي خبرة .. و لما اسأل , كل شخص يعطيني رأي غير عن الثاني ..

    ما أسمع الا "راح تندم" .. "ما تحتاج سيارة" .. و من هالكلام.

    انا طالب عايش لوحدي في انديانا لافيت 47905 *للي حاب يدور على سيارة قريبة مني هههههههه*

    أنا يبقالي أخر الشهر حول ال900 دولار أتصرف فيهم زي ما أبغى .. *مدينتي رخيصة جدا*

    نجي للهم .. الأسئلة:

    1- أنا ما جمعت شي .. وشلون اقدر أحصل سيارة أو قرض أو اي شي قريب من هذي الأشياء؟

    2-أشتري مستعمل؟ ولا جديد؟ ولا من كريقز ليست؟ ولا من وين بالظبط؟
    (انا أقدر أدفع الشهر الجاي حول ال3000 ألف دولار لو سيارة من كريقز ليست .. غير كذا , عندي مقدرة أدفع أقساط عالية .. مافيه مشكلة)

    هذا كريقز ليست مدينتي lafayette / west lafayette cars & trucks - by owner classifieds - craigslist

    الحين شوفو مواصفاتي الي أبغاها :
    1-أبغا أرخص شي و أبسط شي ممكن
    2-ما تستهلك بنزين كثير مرة
    3-أوتوماتيك
    4-مكيف

    بس .. هذا الي أبغاه ..

    الصراحه انا ماعرف شي عن السيارات أبد ..

    ياليت لو تقولولي الطلاب السعوديين هنا شلون دايم يشترو سيارات مستعملة؟

    طيب لما أدور على سيارة .. وشي الموديلات الي أدور عليها ؟ 2000-2005 مثلا؟

    المايلج Mileage حقها لازم يكون أقل من كم؟ 100000 ميل؟

    أنا عارف انو الناس مشغولة .. بس ياليت لو أحد كذا يفهم في السيارات يعطيني من وقته شوية و يراسلني على الخاص .. ايميالات أو واتس أب أو اي شي ..

    ________

    أنا أدور على أي نصيحه ممكن .. مشكور مقدما و جزاكم الله خير!
  2. وعليكم السلام

    أنصحك لا تشتري سيارة وإلا راح تندم كثير >>>> يبيه يتعقد من الموضوع بجد


    التقسيط نوع من التمويل، أو ما يسمى بالـ Financing في مصطلح المعارض هنا غالباً يشترط SSN (رقم ضمان مالي)

    لذلك، شف لك واحد تثق فيه ويثق فيك واشتر منه سيارة بالتقسيط لأن بصراحة مبلغ 3000 كاش ما راح تجيب لك شيء إلا شيء ما يسوى

    بمعنى آخر، فيه ناس عندها قدرة مالية تشتري كاش، فلو لقيت سيارة عجبتك، وسعرها 8000 مثلاً، هو يقدر يشتريها كاش وانت تشتريها منه أقساط بـ 10000

    بحيث تدفع لك كاش 3000 وتقسط له الـ 7000 على سنة مثلاً أو حسب المدة اللي تتفقون عليها

    أما بالنسبة لشراء سيارة، فأعتقد أنك بحاجة شخص يعرف السيارات يكون معك وإلا راح تضطر تشتري من المواقع الموثوقة بسعر أغلى مثل Carmax

    هناك واحد هندي في شيكاغو يبيع ويشتري سيارات مسلم ويمدحونه كثير بس شكلي ضيعت رقمه لكن أكيد كثير من الشباب يعرفونه

    وهناك واحد ثاني مسلم أيضاً باكستاني أمريكي في بفالو إذا تحب أدور لك على رقمه، عطني خبر

    وبالتوفيق لك،،،
    7 "
  3. يعطيكم العافيه

    ودي اقولك شغله يا Onlyone123 ماني معقدك ولاني معور راسك بس انتبه تشتري سياره اقصاد !!!!!

    السبب :

    يمكن يمر عليك يوم محتاج فلوس ، والمعرض يبي فلوسه ، وساعتها تقول يا ليت اني استنيت شوي وشريت كاش !!!!!

    الصبر زين بعد عمري جمع فلوسك ولا صار عندك شين زين ذيك الحزه اشترلك سياره حلوه !!!!

    انا شريت سياره من معرض يوم كنت ساكن في ولاية يوتا ،، ،، شريت سياره كامري مديل 98 ب 2000 $ وماشيه 200000 وشيت على السياره ومشاء الله ممتازه ،، صارلها معي سنه ونص والحمد لله لك يا رب .

    نصيحتي لك

    (((((((((((((( لا تبلش عمرك بأقصاد ))))))))))))) فكر فيها وانا اخوك ،،،

    شف انا ما عقدتها وقلتلك لا تشتري سياره هههههههههههه بس اصبر يا عسل


    تحياتي
    7 "
  4. الأخ عزيز،،،

    أنا برضه أتفق معك رغم أني طرحت فكرة الأقصاد كحل إذا كان مضطر لشراء سيارة
    وبصراحة في أمريكا يبي لك سيارة علشان تحس بالحياة وتقول أنا في أمريكا ههه

    فيه مشكلة ثانية مع الأقصاد وهي:
    ترى الإنسان يحب التغيير وكل يومين تعجبه سيارة ويبيها
    بصراحة أنا أعترف أني شخص من هالنوع، أشتري السيارة وأنا أقول خلاص هذي سيارتي
    وتجلس معي 6 أشهر إلى سنة بالكثير وأبي أغيرها بسيارة ثانية

    سيارتي الحالية موديل 2012 ماشية حوالي 16 ألف كيلو ومع ذلك والله أني هاليومين جالس أفكر في سيارة ثانية 2013 عجبتني
    بس كلما قلبتها يمين ويسار حسيت المبلغ شوي كثير وأرجع أهجد وأستهدي بالله هههه

    - - - مشاركة محدثة - - -

    المشاركة الأصلية كتبت بواسطة Miss Hayfa
    مدينتك في ولايه ميزوري ؟؟ صح ؟
    سات لويس ؟؟
    هههه لا والله
    باقي لك محاولتين وبعدها ما راح أرد عليك حتى لو كان صح
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.