الأعضاء الإشتراك و التسجيل

الملتقيات
ADs

مشكله في طلب صرف الفروقات

مشكله في طلب صرف الفروقات


NOTICE

تنبيه: هذا الموضوع قديم. تم طرحه قبل 1588 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محمد فهد ..
    محمد فهد ..

    المراقب العام

    محمد فهد .. الولايات المتحدة الأمريكية

    محمد فهد .. , ذكر. المراقب العام. من السعودية , مبتعث فى الولايات المتحدة الأمريكية , تخصصى Information Science , بجامعة UALR
    • UALR
    • Information Science
    • ذكر
    • Little Rock, Arkansas
    • السعودية
    • Mar 2009
    المزيدl

    August 12th, 2013, 11:20 PM

    السلام عليكم ورحمة الله وبركاته ..

    اخواني انا عندي مشكله وصارلها اشهر معي .. وابي اخذ شوركم فيها ..
    السالفه طويله شوي لكن معليه انا ابيكم تكونون معي بالصوره لحتى تعطوني شوركم !

    المشكله ومافيها إن في تاريخ 20-11-2012 تم إيقاف الصرف علي بسبب حذفي للفصل الدراسي ..
    اللي حصل اني حذفت الفصل الدراسي في شهر 9 ونزلت السعوديه ورجعت في شهر 10 ..
    بعدها كلمت المشرفه وعلمتها بظروفي وليش حذفت الفصل وقالت ارسلي الترانسكربت وارسلتها لها .. (سبب الحذف وفاة جدي الله يرحمه) ..
    وصكتني هولد في تاريخ 20/11/2012 ... قعدت انا وياهم ثلاث شهور موقفين الصرف علي ...
    وفي تاريخ 3/12/2012 نزلي راتب حق 5 ايام بس !
    الموهم انه ردوا فكوا عني الهولد في تاريخ 14-01-2013 .. ومشت الامور عادي ولانزلي ولا راتب ..
    وقالت لي انتظر لحتى تخلص الطلبات حقتك .. لاني رافع اكثر من طلب لاكثر من شغله كان فيها الترانسكربت والاوراق حقت بداية الدراسه وطالب تعديل تاريخ البعثه .. الخ (طلبات مشرفتي ماتخلص) ..
    خلصت طلباتي عقب شهر ..وقالت لي اللحين ارفع طلب صرف فروقات .. وفعلا رفعت طلب صرف فروقات بتاريخ 10-02-2013 .. وحطيت بداية صرف الفروقات في 20-11-2012 ..
    يعني 84 يوم مدة الايام اللي ماصرف لي فيها شي ..
    فاللي حصل انها عدلت الطلب من عندها وصار تاريخ بداية صرف الفروقات في 14-01-2013 ونهايته في 10-02-2013 ...
    وقبلوا الطلب وصرفولي فقط 29 يوم من اصل 84 يوم !

    واما اللي من تاريخ 20-11-2012 الى تاريخ 14-01-2013 .. فلم تصرف لي !

    فحاولت اني اتواصل مع المشرفه لكن بدون جدوى ! ماحولك احد ! وراح وقتي كل يوم ويومين ادق عليها ولا ترد .. وارسل لها رسايل ولا ترد ..
    كلمت ادارة الماليه وقالولي تواصل مع مشرفتك .. وعلمتهم وقالولي لازم تتواصل معها ..
    رحت وحاولت امسك احد من ادارة الاقليم لكن لاحياة لمن تنادي !
    وتعبت من المطارد وراهم والواجبات تراكمت علي بسبب اهتمامي في هالموضوع فقلت خلاص خلني اركز بدراستي ولما اخلص ان شاء الله راح اتفاهم معهم ..

    ومرت الايام ونسيت الموضوع لاني انشغلت بالدراسه .. واموري سليمه لله الحمد والراتب ينزل !

    اللي حصل اني قبل اسبوع تذكرت السالفه وقلت خلني ارفع طلب صرف فروقات بالتاريخ اللي ماصرفولي شي فيه !
    ورفعت طلب صرف فروقات من تاريخ 20-11-2012 الى تاريخ 14-01-2013 ...

    وتم رفض الطلب .. وكانت الرساله من موظف الماليه كالتالي :
    لا يمكن صرف المخصصات الواقعه ضمن الحجز - الرجاء مراجعه المشرف الدراسي بخصوص تاريخ اعاده الصرف حيث تم تحويل المخصص حتى تاريخ الحجز في 6 محرم 1434 وحولت المخصصات مجددا من تاريخ اعاده الصرف في 2 ربيع 1 1434 حسب الانظمه


    واللي فهمته من كلام موظف الماليه .. أنه تم صرف الفروقات اساسا من تاريخ 20-11-2012 الى تاريخ 14/1/2013 ! ( 6 محرم 1434 = 20/11/2012 - و - 2 ربيع الاول 1434 = 14/1/2013) ...
    يعني حسب فهمي من هالكلام انه فعليا تم صرف الـ 55 يوم من قبل !
    وانا اساسا ماجاني غير اللي ذكرته.. لا حسابي بالبنك ولا بالبوابه ولا حتى صرف الفروقات مافيها اي شي يبين انهم صرفولي المبلغ لهالتاريخ !


    رحت ارسلت رساله الى المشرف مرفق معها كلام موظف الماليه .. وشرحت كل الوضع ! وليومك مافيه رد !

    الموضوع مفتوح .. وابي مشورتكم بهالموضوع .. وش السواه ؟
  2. وعليكم السلام ورحمة الله وبركاتة

    الله يكون بعونك تبي الشور اماا كلم العيسى بنفسه ولا اركب اقرب طيارة ورحلهم وتفاهم معهم من قريب اذا تبي موضوعك يمشي الدعوه ماعاد فيها اميل ولا اتصال

    عسى الله يسر امورك وامور جيمع المسلمين يارب ياكريم

    تحياتي لك
    7 "
  3. الله يسهل عليك مشكلتك

    تبي الكلام الاكيد ! مشرفك/ مشرفتك اخذت الفلوس صدقني

    انا حصلت لي ، وقفو علي البعثة لمدة 3 اشهر بسبب بدايتي الدراسة الجامعية !! معني احتجت الى 8 اشهر ونصف من يوم ابتعاثي الى ان حصلت على قبولي الجامعي النهائي

    المهم، طاردت وراهم ولا حياة لمن تنادي

    نصيحة لوجه الله اخوي محمد، اي وقت تشوف نفسك تقدر تروح واشنطن روح،! موضوعك يحتاج العيسى يشرف عليه ويعرف التلاعب الي يصير من وراه !!

    والله هذي مصيبة اذا مشرفي يسرقني بدل مايعطيني من جيبه اذا احتجت !!؟

    الله يكون بالعون بس ، لاااااااتسكت عن حقك عشان مايستقبون طلاب آخرين

    موفق
    7 "
  4. يؤ يؤ !!!!!

    معقووووووووله ؟؟؟؟
    ياساتر

    معقووول ؟؟ ياشيخ لو انا محلك والله لا أدق خيمه عند باب مكتب العيسى ولا أتحرك شبر لما احاكيه وجها لوجه
    المسألة انتقلت من موضوع صرف وما صرف الى موضوع سرقه وانتهاك حقووووق

    والساكت عن الحق شيطان اخرس
    اطبع كلام الشخص الي جاك من الماليه واطبع كل ايميلاتك مع المشرفه وتوكل والقلب داااااعيلك

    حسبي الله على كل من تسول له نفسه يسرق حقوق مبتعث
    حسبي الله قسم بالله انقهرت
    7 "
  5. اما سرقتني !
    والله ماهوب ازين لها تسرقني !
    والله لو كلامك يابوعبدالله طلع صحيح .... ماهوب العيسى الا الوزير بنفسه اوصله !
    حتى لو وصلت اني أأجل البعثه لمدة اربع اشهر وارجع السعوديه علشانها !
    اما تسرقني عيني عينك ! وش هالحتسي .. لهدرجه وصل التلاعب علني !

    مابي اتعجل بالامور يمكن فيه غلط والا شي .. انا معطي هالسالفه مهله لاخر هالاسبوع .. اذا مالقيت رد شافي .. وقتها اشوف وش باسوي !
    7 "
  6. المشاركة الأصلية كتبت بواسطة Miss Hayfa
    ايه والله تكفى الله يخليك برد حرتي فيهاااا
    خش على العيسى ولا عندك في أطلق لحيه ووره الاثباتات

    بس وش نوع الرد الي تنتظره منها لآخر الأسبوع ؟؟؟؟
    المشكله انها اللحين في اجازه وفيه مشرف مناوب اللحين عنها ..
    توني ادري انها باجازه .. ولاراح ترجع الا بعد اسبوعين ..
    لكن بكره باكلم المشرف المناوب وباشوف وش الموضوع .. وان شاء الله خير ..
    لو ما انحل الموضوع .. وقتها راح اوجهه المعامله للعيسى !
    7 "
  7. المشاركة الأصلية كتبت بواسطة 1OK
    اما سرقتني !
    والله ماهوب ازين لها تسرقني !
    والله لو كلامك يابوعبدالله طلع صحيح .... ماهوب العيسى الا الوزير بنفسه اوصله !
    حتى لو وصلت اني أأجل البعثه لمدة اربع اشهر وارجع السعوديه علشانها !
    اما تسرقني عيني عينك ! وش هالحتسي .. لهدرجه وصل التلاعب علني !

    مابي اتعجل بالامور يمكن فيه غلط والا شي .. انا معطي هالسالفه مهله لاخر هالاسبوع .. اذا مالقيت رد شافي .. وقتها اشوف وش باسوي !
    انا بقولك وش صار معي باختصار بس لا تتشاءم وان شاء الله يرجع لك حقك

    قبل مانتقل من كندا تم ايقاف الصرف علي لمدة تتجاوز 3 اشهر ! كلمت الملحق الثقافي في كندا د فيصل ابا الخيل، قالي تستحق صرف فروقات لاكن اذا رحت امريكا وبديت الدراسة الجامعية تواصل مع المشرف وارفع طلب صرف فروقات وراح يعوضونك!
    انا اخذت الموضوع بحسن نية! جيت امريكا وبديت الدراسة ورفعت الطلب وجلني رفض لاسباب غير مقنعه! تعبت وانا احاول فيهم ! بعدها بفترة جا د محمد العيسى بنفس مدينتي يقابل الطلاب! رحت له وتكلمت معه وعطيته مشكلتي وقلت له يحق لي طلب صرف فروقات ولا !؟ قال يحق لك بس من كندا مو امريكا !!؟

    كل واحد يحذفني على الثاني! وكلت امري لله ودعيت على الي ظلمني وسرقني

    وانا متاكد ان المبلغ انسرق مني اذا مو من المشرف من الموظف المالي !

    اهم شي لاتسكت عن حقك وربي يسهل عليك

    موفق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.