الأعضاء الإشتراك و التسجيل

الملتقيات
ADs

مساعدة ممكن تساعدوني باختيار الولاية ..رجاء خاص

مساعدة ممكن تساعدوني باختيار الولاية ..رجاء خاص


NOTICE

تنبيه: هذا الموضوع قديم. تم طرحه قبل 1584 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mo7md5352
    mo7md5352

    مبتعث مستجد Freshman Member

    mo7md5352 الولايات المتحدة الأمريكية

    mo7md5352 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى MD , بجامعة لم يحدد بعد
    • لم يحدد بعد
    • MD
    • ذكر
    • سان دييغو, لم يحدد بعد
    • السعودية
    • Feb 2013
    المزيدl

    August 14th, 2013, 12:28 AM

    السلام عليكم
    انا طالب بالمملكة لكن للاسف مامشيت وسحبت ملفي من الجامعة والنية-بأذن الله-الدراسة بأمريكا بكالريوس لاحدى التخصصات التالية : 1-طب بشري . 2-صيدلة أكلينيكية . 3-هندسة بيئية صحية . المشكلة هي اني لي اكثر من شهر وانا احوس بالنت ابحث عن ولاية تناسبني ولم اجد .. أتمنى منكم المشورة بأحدى الولايات التي يكون مافيها سعوديين كثير - ادري ان السعوديين بكل مكان بس نبي الاقل-
    والي يقدر يجيب لي قبول جامعه مشروط بمعهد لغه اكون شاكر له . وجزاكم الله كل خير
  2. بسم الله الرحمن الرحيم
    أنا ماعندي أجوبة لأسئلتك بس حبيت أوضح لك بعض النقاط بما أنك سبق ودرست في السعودية ومامشت أمورك:
    _ فيه انطباع عند الكثير أنه الدراسة في الخارج (سياحة)--< (هذا كان انطباعي أيضاً قبل ماابتعث)، بس عقب ماتبتعث تختلف عليك الأمور خاصة الشهور الأربعة الأولى، فحاول أنك تستعد نفسياً. بما أنك مامشت بالسعودية هذا مايعني أنك راح تمشي هنا وأيضا مايعني العكس (بالعربي إذا مادرست وشديت حيلك هنا ماراح تمشي أيضاً، فإذا كنت مستعد وناوي تشد حيلك فالله يوفقك.
    _بالنسبة لقلة عدد السعوديين:
    1-لبى قلبهم السعوديين بكل مكان، الله لايحرمنا منهم (الواحد مايعرف قيمتهم إلا إذا فقدهم).
    2_ ترى مايزبطك بهالديرة ويعضد لك وهو مايعرفك ولا يرجي من وراك منفعة إلا السعودي.
    3_ أنت داخل منتدى معظمهم إذا مو كلهم سعوديين تسأل عن ولاية مناسبة، فأي نصيحة تأخذها بتصير من (سعودي)--> بمعنى آخر بتصير الولاية المقترحة مليانة سعوديين.
    4_ أنا ماأدري وش هالطفة اللي الواحد قبل حتى مايبتعث يدور الفكة من السعوديين، كنهم يطلبونه (عموماً إذا همك اللغة ترى مايأثرون على اللغة لأن أغلب المعاهد تطبق سياسة أنه غير مسموح لأي طالب التحدث بغير الإنجليزية أثناء المحاضرات، أما اذا همك خارج المعهد لاتخاف مهب ملاحقينك برى المعهد)
    بالتوفيق يابطل،،
    7 "
  3. يعني افهم منك

    ان فقط بهمك في الولاية ان السعوديين اقل غير هذا مثل الاسعار والأمان وقوة الجامعة وتوفر وسائل المواصلات وحالة الجو وتوفر مطاعم وبقالات عربية اسلامية ما تهمك!!

    عجيب

    عموما

    ادخل على هذا الرابط

    http://www.sacm.org/pdf/ApprovedESL1112.pdf

    وبتحصل نسبة السعوديين في كل معهد

    تحياتي
    7 "
  4. المشاركة الأصلية كتبت بواسطة mo7md5352
    حياك الله اخوي
    كان همي اللغه بحيث لو تكلمنا عربي بنضيع اللغه
    ثانيا ان شاء الله بمشي بامريكا وابشد حيلي
    ثالثا ما اقترحت علي ولاية
    أولاً،لاتخاف مهب مخربين عليك اللغة ((للمعلومية ترى أفضل طلاب تستفيد منهم باللغة خاصةً إذا كانت لغتك مش ولابد هم السعوديين: لأنهم أصلا بيساعدونك في شرح اللغة (بدائيات اللغة وقواعدها وخلافه) بدون ماتسألهم لأن فيه بعض الناس مايفهمون ع المحاضرين بسهولة)).
    ثانياً، مادامك بتشد حيلك، الله يوفقك ("على قدر أهل العزم تأتي العزائم").
    ثالثاً ، أنا زي ماذكرت فوق ماعندي انحياز أو تفضيل لديرة معينة بالنسبة لك، لأنك انت المسؤول عن هذا (ماأحد يقدر يعطيك اجابة كافية)، لازم ياطويل العمر تحدد أولوياتك (بمعنى وش المعايير اللي أنت تبيها : مثلاً هل يهمك غلاء المعيشة أو لا، هل تخصصك موجود بهالديرة (أنا أشوف أنه أغلب الشباب يركزون ع هالنقطتين)، هل الجو مناسب لك أو لا؟ (على سبيل المثال أنا أفضل العيش في مدينة باردة، يمكن أنصحك بهالمدينة همن لاجيت هنا بالشتاءوشفت درجة الحرارة 18 تحت الصفر دعيت علي).
    الحل:
    اقعد مع نفسك وحط الأولويات همن تصفح هالانترنت وشف وجهات النظر المختلفة ومميزات المدن والجامعات وخلافه (بالنسبة لي قعدت ابحث لمدة فوق الخمسة اشهر (ههههههه أدري أنها مدة طويله) بس السبب لأنه كان لي بعض الزملاء طلعو على وجيههم وتورطو بمدن تجيب الهم لأنه التحويل من الولايةاذا وصلت مهب سهل (مع استثناء حالة حصولك ع قبول اكاديمي) فحط هذا ببالك)همن توكل على الله واختر المدينه.
    تحياتي،،
    7 "
  5. انا راي من راي رايهم حط اولوياتك ثم ابحث ترى انا ولسه باقي ماطلعت لكن كل ماقريت وبحثت دورت بنات بلدي فديتهم مع العلم اني اعرف بنات اجنبيات
    بس محد يفهم علي غيرهم حتى لو تكلمت انجليزي حقنا اللي كلمه صح وعشره غلط يفهمونك
    الله يوفقك عاد بسعوديين ولا بدون اللغه والدراسه ترجع لك
    انا درست بكالوريس بمدينه ثانيه وكنت ساكنه بسكن كل طالبات خدها قاعده طالع تتعلم عندك هدف ماراح يتغير هالشي لو وين كنت وايش ماكان الجو
    ولا تحسب الانتقال سهل الا انه اصعب شي ان تجاوزت شعور الغربه بتركيزك على الدراسه بيمشي حالك
    وبكون صريحه وخلي اولوياتك باختيار الولايه هو التخصص او الجامعه الكويسه اللي تقبلك مع مراعاة الامان والتكيف مع الجو وتوفر اسلوب معيشه كريم
    ابحث وبتلاقي خياراتك تقل كل بين يوم ويوم
    اسفه على الاطاله والله يوفق الجميع واعدروني
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.