نموذج I-94 الورقي اخذوه بالمطار .. شيكت الكترونياً ماحصلته .. وش الحل ؟

السلام عليكم

امس وصلت المطار .. وعند الدخول اخذوا مني ومن الجميع نموذج I-94 اللي يتعبى بالطيارة قبل الوصول .. بالبداية وديته لواحد وبدل مااتجه للباب اللي خلفه "للخروج" .. رحت للكاونتر اللي بعده "اللي هو نفس الوظيقة بس جنبه سير الشنط" .. بدل مايوضحلي ان خلاص اقدر اطلع .. جلس يضحك هو واللي معه بلئامة وقالي جيب الورقة "المفروض مااجيبها بس ماكنت ادري .. احسب انها خطوة ثانية بعد الخطوة الاولى وان الاول نسى يرجعلي الورقة" رحت للاول طلبت الورقة وبرضو ماوضحلي وارسلني لهم "استعباط" .. بعدها جلس يسألني بأسلوب وقح واستهزائي كم سؤال .. بعدها يلا اطلع برا من هالباب < موقف وصخ كان ..

مالكم بالطويلة .. المهم رجعت الآن اشيك على اسمي عشان القى النموذج الكترونياً ماحصلته ..

https://i94.cbp.dhs.gov/I94/request.html

دخلت البيانات المطلوبة .. بس يكتبلي لا يوجد بعد مااضغط موافق ..

وش الحل لهالمشكلة ؟ .. انا مدري وش اهمية هالورقة لكن اللي اعرفه انه مطلوبة عشان فتح الملف .. فهل ضيعوها ولا هي تاخذ وقت ولا كيف الطريقة ..

انا حالياً وصلت الفندق وناوي الصبح اروح للمعهد .. بس مدري وش الخطوات الاساسية اللي المفترض اسويها غير روحة المعهد .. عشان افتح ملف وتنزل المكافأة ..

شكراً.

اذا صار معك جديد بالله بلغنا لاني انا كمان نفس الشي اخذوه مني انا والمرافق ، ومدري وش السواه

بس ترى انا فتحت ملف وتم قبولو الحمدالله وارسلو لي الضمان المالي كمان

ودحين حايسه في المرافق

اخيراً احد رد .. اتمنى تتجاوبي معاي ياغالية ونتساعد بهالايام الاولى الملخبطة شوي ..

كيف فتحتي الملف بالضبط اذا تقدري تفيديني .. دخلت على فتح ملف طالب وضمن الخيارات نموذج I-94 .. هل تركتيه فاضي ولا كيف ؟

والاسئلة الثانية اللي عاليمين في كثير منها مافهمت قصته .. هل لازم تتعبى هذي ولا بس الملفات ؟ لان اعبي بعضها وبعدين اتركه ولما ارجع ثاني مرة القاها فاضية "وزر حفظ اللي تحت الظاهر خاص بس برفع الملفات"

فـ الى الان يجيني طالب غير مدقق ولا يوجد رقم بالملحقية .. دخلت على المواضيع المثبتة اللي تشرح بس كلها مركزة عالملفات مو عالاجابات اللي عاليمين .. بعضها ماعندي اجوبة لها .. تاريخ التخرج المتوقع ..نهاية البعثة .. ولسه ماسكنت بسكن ثابت .. الى الآن بفندق فـ ماعرفت كيف اعبي عناوين الاتصال فيني بامريكا .. وحتى عناوين زميلين بالولاية ماعبيتهم لان ماعندي احد حالياً غير نفسي بعد الله -عزّ وجل- .. ماصارلي الا ثلاث ايام بالبلد والمعهد لسه مابدأ باقي عليه ست ايام .. فحتى هذي عليها نجوم حمرا فما ادري وش اكتب ..

بشكل عام ودي تفهميني وش المطلوب اسوي مني بالترتيب .. انا الآن بالفندق .. بطلع شريحة جوال .. بروح بكرة الجامعة اختبر .. ولسه مافتحت حساب ببنك لان سمعت ان لازم يكون لي عنوان ثابت .. وجلست ادور سكن حول الجامعة .. هذا بالضبط كل اللي سويته .. اتمنى توضحيلي ان كان في خطوة ناقصة غير فتح الملف اللي احتاج افهمه اكثر .. اتصلت عالملحقية باني وصلت .. لكن محد رد طبعاً ..

فـ ايش عبيتي وايش تركتي .. وان شاء الله نخدم بعض ونكسب اجر هالتعاون.

اول شي الله يسهلك امورك ياري انا ليا 10 ايام تقريبا

شوف الخيارات اللي عليها نجمة اذا ماعندك اجابة اكتب فيها رقم "1"
وبعد مايفتح الملف ان شاءالله راح تقدر تدخل وتعدلها

وبالنسبة لنهاية البعثه وتاريخ التخرج دي تلاقيها بالجدول اللي بقرار الابتعاث وفيه كمان في نهاية القرار تحت فيه تاريخ كمان

والحساب لاتفتحو الا بعد ماتستأجر شقه يصير تحط لهم العنوان عشان يرسلون لك بطاقة الصراف

وبالنسبة للخيار حق اي 94 انا خليتو فاضي , على فكره انا فتحت ملف في الملحقية نفسها اول ماجيت جيت على واشنطن دلس ونمت وثاني يوم رحت الملحقيه بعدين رحت على ريتشموند اللي فيها معهدي

وبغد كم يوم جاني على الايميل انو طلب فتح ملف مقبول وبعدها بكم ساعه جاني الضمان المالي الحمدالله

ربي يسهلك امورك

وامور المرافق اللي معايا يارب

وعليكم آلسلآم رحمـــة آلله وبركآته ..

بآلنسبـــة لفتح آلملف فــي موضوع مثبت لــــه تقريبآ سنة وثلآث شهور غريبة إنكـ مآ إنتبهت لـــه !!
تفضل هــذآ آلرآبط :

http://www.mbt3th.us/vb/forum8/thread374589.html

أمآ بآقـــي إستفسآركـ عن آلنموذج بعــد آلنظآم مآتغير إلى آلآن مآجربته بصرآحـــه ..
موفق ..

اقتباس:

---

المشاركة الأصلية كتبت بواسطة maha.ali

والحساب لاتفتحو الا بعد ماتستأجر شقه يصير تحط لهم العنوان عشان يرسلون لك بطاقة الصراف

---

جميل كلآمكـ وجزآكـ آلله غير لكـــن آلنصيحه أو آلخطوهـ أللي فوق مو بمحلهآ !!

بآلعكـــس إفتح آلحســآب وحط عنوآن آلفندق إذآ كنت بفندق أو عنوآن أي شخص قريب منكـ ..
إذآ إلى آلآن مآ إستأجرت شقـــه أو آلشقــــه موعد إستلآمهآ بعيد ..

الأيآم آلجآيه رآح تنزل آلمكآفئــــه كلهآ بـــس إسبوع ورح تنزل آلمكآفئه وآلفروقآت وإذآ طلبت آلتعويض عن آلسيفس وآلفيزآ رح تنزل على طول ..
إفتح حسآب لجل تستفيـــد مآديآ ..
آلبطآقه بآلكثير تآخذ من إسبوع إلى إسبوعين لكــن آلعآدهـ 7 أيآم عمل ..

موفق ..

اقتباس:

---

المشاركة الأصلية كتبت بواسطة حروف .. متناثره ..

جميل كلآمكـ وجزآكـ آلله غير لكـــن آلنصيحه أو آلخطوهـ أللي فوق مو بمحلهآ !!

بآلعكـــس إفتح آلحســآب وحط عنوآن آلفندق إذآ كنت بفندق أو عنوآن أي شخص قريب منكـ ..
إذآ إلى آلآن مآ إستأجرت شقـــه أو آلشقــــه موعد إستلآمهآ بعيد ..

الأيآم آلجآيه رآح تنزل آلمكآفئــــه كلهآ بـــس إسبوع ورح تنزل آلمكآفئه وآلفروقآت وإذآ طلبت آلتعويض عن آلسيفس وآلفيزآ رح تنزل على طول ..
إفتح حسآب لجل تستفيـــد مآديآ ..
آلبطآقه بآلكثير تآخذ من إسبوع إلى إسبوعين لكــن آلعآدهـ 7 أيآم عمل ..

موفق ..

---

اذا ماعنده عنوان ثابت ... فلا يحط عنوان الفندق .. بل يستخدم عنوان الجامعه او المعهد اللي يدرس فيه ..
وبالتالي اذا وصلت البطاقه للجامعه او المعهد راح يخبرونه انه في ظرف له إما عن طريق التلفون او الايميل .. فيروح ويستلمها من عندهم ...

أو .. عنده امكانيه انه يستلم البطاقه من الفرع نفسه ..
يطلب منهم انهم يرسلون البطاقه على فرع البنك نفسه (اللي فتح منه الحساب) ..
وبالتالي اذا وصلت للفرع .. يتصلون عليه ويروح ويستلمها من عندهم ..
واذا كانت البطاقه بترسل لفرع البنك .. راح يستلمها في ظرف اسبوع ..
اما لو كانت بتنرسل على بريد اخر غير الفرع .. راح تاخذ اسبوعين !


هذي الطريقه الأصح ;)