انا اليوم رحت للدكتور وقالي لازم اخفف بالتدريج وممكن آخذ decaf coffee نفس الطعم و الريحه لكن بدون كافيين
ولازم آخذ فيتامين بي كمبلكس وخاصتاً فيتامين بي 1 عشان نعوض قلت النشاط و التركيز الي يعتبر احد الاعراض الجانبيه للكافيين.
عرض للطباعة
انا اليوم رحت للدكتور وقالي لازم اخفف بالتدريج وممكن آخذ decaf coffee نفس الطعم و الريحه لكن بدون كافيين
ولازم آخذ فيتامين بي كمبلكس وخاصتاً فيتامين بي 1 عشان نعوض قلت النشاط و التركيز الي يعتبر احد الاعراض الجانبيه للكافيين.
وعليكم السلام ورحمة الله وبركاته
لا تترك شرب القهوة العربية قم بالتخفيف من الشرب
مقدار فنجانين يومياً ولا تشربها والمعدة خالية وعلى الريق لانها تسبب قرحة على جدار المعدة .
توجد فوائد كثيرة لها خاصة اذا أضيفت لها بعض
النكهات مثل : الزعفران والقرفة والزنجبيل وغيرها من النكهات التي تضاف للقهوة .
في كل شيء في حياة الإنسان الاعتدال بالاستخدام جيد .
( تمت المشاركة باستخدام تطبيق مبتعث )
ومن قالك ماتأثر ياغالي ..
بالعكس لها تأثير جدا سلبي على الجسم والعقل اذا أخذت بشكل مفرط ..
لو انها ماتأثر كان ماشفت جدي الله يرحمه مسوين له عمليه بدون بنج !
تدري ليش ؟ .. بس لانه كان مدمن قهوه .. وحاولوا يبنجونه ولا أثر فيه البنج ..
واخرها قال الدكتور مالنا الا نسوي العمليه بدون بنج .. وفعلا عطوه خرقه عضها وسووا العمليه ..
ولا مافكرت ليش شيبانا مايجي الواحد عمره 60 الا وهو فيه ضغط وسكر .. ومايكمل معه خمس سنوات عقبها الا هو بالمستشفى معه القلب ؟!
لان الكافيين يزيد نسبة ضغط الدم .. وهذا بسبب زيادة عدد نبضات القلب .. بالتالي يصبح الشخص عرضه لأمراض القلب والعياذ بالله ..
وهذي بنظري اخطر الامراض اللي تسببه زيادة نسبة الكافيين ..
غير أنه يقلص من امتصاص الفيتامينات بالجسم مثل الكالسيوم والمغانيسيوم ..
ويأثر على مزاجية وسلوك الشخص ويزيد من توتره < عمرك شفت شايب رايق ؟ والا دايم عصبي ومزاجي ؟!
ولا تنسى الاعراض الاخرى مثل عسر الهظم والحموضه واللي ممكن توصل الى قرحه بالمعده ..
فلذلك لاتقل أن "القهوه" أو المشروبات المنبهه بشكل عام "مثل الشاهي , المشروبات الغازيه , مشروبات الطاقه ... وغيرها " ليست مضره !
هي ليست مضره لو تم أخذها بشكل معقول .. ولكن تضر إن أكثر صاحبها من شربها ويزيد الضرر إن اصبح مفرط في شربها ..
نعود لمحور الموضوع الرئيسي ..
شخصيا أنا مالي لا بالقهوه ولا بالشاهي .. اشربها في المناسبات فقط !
واحيانا قليله تلاقيني اسوي كوب شاهي ! يعني نوع من التغيير فقط !
لكن اذا انت تبي تفك عمرك من القهوه .. فشوف لها بديل .. مثلا ...
بإمكانك تحمي لك حليب وتحط عليها كم حبة هيل وتخليها تحمي شوي وتشرب الحليب عادي ..
بيكون الحليب فيه ريحة هيل .. وهذا بيخفف عليك شوي .. لانك انت تعودت على ريحة الهيل والقهوه وكذا !
ايضا غير في مشروبات القهوه .. فمثلا بدل ماتاخذ قهوه ساده مركزه .. أخذ مثلا بدالها موكا او فريبتيشنو او غيرها من القهوه المخلوطه ..
المقصود بالامر انك تحاول قدر إمكانك إنك تخفف من نسبة الكافيين بشكل تدريجي حتى تتركه نهائيا ..
ايضا اكثر من شرب الماء .. وعمل رياضه .. واستخدام العلكه الخاليه من السكر كل ماحسيت انك تبي قهوه !
نصيحه .. لاتترك القهوه بشكل مفاجأ .. لان اعراضها ستكون مضره لك اكثر من شربها !
فلذلك اتركها بشكل تدريجي .. ضع لك جدول وامش على هالجدول .. شوف كم معدل شربك بالاسبوع .. وحاول تقلله ..
أهم شي أنك تمشي على جدول تدريجي في التخفيف .. وكل اسبوعين .. تحاول انك تمتنع عنها مثلا لمده لاتتجاوز عن اليومين !
مثلا لنفرض انك تشرب كوب كافي كل ثلاث ساعات باليوم ..
فهذا يعني انك تشرب مايقارب 4 اكواب كل 12 ساعه ..
أي 28 كوب كل اسبوع .. و 112 كوب كل شهر ..
جدولك لابد أن يتركز على عدد الاكواب باليوم .. فالاربع اكواب باليوم لابد أن تقللها الى النصف بتوزيع الوقت ..
فإذا كنت تشرب في الصباح كوب ... وبعد الغدا كوب .. وفي العصر كوب .. وفي الليل كوب ..
يصير تشرب واحد بالصباح .. وواحد يكون في العصر ويكون قبل صلاة المغرب بساعتين على الاقل ..
وفي الليل تحاول ماتشرب نهائيا .. وتستبدله بالعلكه او باي شي اخر .. وتنام بدري ..
اذا التزمت فيها لمدة اسبوع راح يتعدل عندك معدل الكافيين ويصير نسبته اقل من السابق ..
وتمشي على هالطريقه بالتقليل لحتى يصير ماتشرب كافي الا اذا انت خلاص شفت نفسك تبي خلاص !
غير هذا ايضا فيه طريقه حلوه .. الزم نفسك انك تشرب كافي من مكان معين .. لنفرض الكافي اللي بالجامعه ..
لو خلص وقت دوام الجامعه .. راح تتعيجز انك تروح الجامعه علشان كافي .. فبالتالي تنسى الفكره ..
غير ان الجامعه مثلا يكون لها دوام معين بعد هالوقت يقفلون الكافي شوب اللي بالجامعه .. فبالتالي تسكر على نفسك الطريق !
وعسا الله يبعدك من شر الكافيين ..
القهوه العربيه فيها مشكله بالنسبه لي ما ادري ليش تضرب معي القولون على طووول وعن جد تسبب لي قلق ماهو طبيعي و البركه بالهيل الي فيها
حاولت اعدل عليها بتقليل الهيل لكن ما نفع و اصلاً خير شر ما تسوي معي شي القهوه العربيه ما احس لها اي تنبيه للجسم
انا اشرب الأسبريسو بلاك او بحلييب لكن يكون دبل.
صعب تتركها مرة وحده لان جسمك اتعود عليها،قلل من شربك لها يوم عن يوم وبتحصل تغيير وتعتاد على ذلك ..
ومشروبات الطاقة مضرة أنتبه منها ..
Sent from my GT-I9500 using مبتعث mobile app
هذا هو الحل
ملف مرفق 27515
فيه قهوه خفيفه وحلوه حقت مزاج..ماصنعوها كفره ..صانعينها في جامايكا هههههه
اسمها Blue Mountain