ماهي المدن البحرية والشتاء ثلوج..

فيه اوهايوووووو

رخيصه وعلى البحر وبالشتا ثللللللجج

أنا في اوريغون مدينة بورتلاند المدينة جدا الطبيعة فيها خلابه و جدا جميلة من ناحيه الطبيعة مرة أخرى لكن الترفيه فيها مو كثير لكنها خيار جدا جميل

و لكن ما عندنا ثلج بتاتا طول العام على " ما أعتقد " و لكن وقت الاجازة استأجر اقرب سيارة و تحتنا كاليفورنيا على طوووول و فوقنا سياتل

و الله يوفقك في قراراتك ركعتين استخارة و بتشوف الخير

مشكورة على الرد وفعلا بحثت عنها ولاية جميلة وتتميز بما أريد بإذن الله تكون من ضمن خياراتي بالاضافة الى بورتلاند وسياتل.

في سوال هل مدينة دنفر لان من خلال بحثي عنها انها فيها ثلوج بالشتاء بالاضافة انها مدينة طبيعية فيها انهار وبحيرة.

ايش رايك بمدينة دنفر وشكرا ...

ماشاء الله عليك ههههه والله صراحة نفس تفكيري لان دائم اقول مدينة بورتلاند تتميز انها بدون ظرائب اضافة الى انها ممطرة اغلب الموسم وباردة وهي خياري الاول بالاضافة الى نفس فكرتك قريبة من ولاية كالفرونيا أقدر اروح لها في الاجازة وخاصة كالفرونيا مدنها في الترفيه ممتاز.
بإذن الله راح أستخير وربك يكتب اللي فيه الخير..

شكرا أخي زياد..

دنفر مافيها بحر ، فيها بحيرات لكن ماتتقارن بجمال البحر والنشاطات الي تتسوى بالبحر مثل الدباب البحري وكذا
هي بالصيف حرررر حررر يالطيف من عز الظهر لأول العصر الشمس تصفق في رأسك
مره طلعت مشوار واضطريت امشي تحت الشمس تقريبا ساعه ، وجهي احترق ( خدودي) طلعت حمررررررااااا مووولعه وثاني يوم سودت ، يبيلك واقي شمس

باقي الأوقات وخصوصا بالليل الجو معتدل لطيف

وبالشتا ثلوج ، ودنفر ترا تبدأ السياحه فيها في الشتا
فيه أماكن مخصصه للتزلج من فوق الجبال وفيه كذا منتزه فيه بحيرات لما تتجمد بالبرد يتزلجون فيها الناس

عيبها الصراحة الجفاف
لانها منطقه مرتفعة

عموما الجو بدنفر على قولتهم ماله أمان
يعني تصحى من النوم الشمس قوووويه تقوم تلبس وتنزل فجاه يجي غيم ومطر ، عاااادي تحصل كثير
وبالشتا نفس الشي فجاه ممكن تضرب عاصفه ثلجية

الربيع والخريف نوعا ما الجو يميل للبرودة

معلومات مهمة ووافية... جزيت كل خير أختي الكريمة

شكل بورتلاند الخيار الانسب بس باقي نبحث ونشوف يمكن نلقى الأفضل.

شكرا Miss Hyafa

- - - مشاركة محدثة - - -

شباب أحتاجكم أي شخص لديه معلومات لا يبخل للفائدة لي ولغيري من اعضاء في المستقبل ...

مدن تتميز بالبحر وشتائها ثلووووووووج

فرجينيا مدينة نورفلوك

على البحر
الشتاء يجيها ثلوج
قريبة من الملحقية

صدقني الرغبة الشديدة في شيء في البداية تتحول في النهاية إلى قرار خاطئ في أغلب الأحيان.
الثلوج في الشتاء طفش يطلعك عن طورك، أنا اعيش في مدينة ثلجية، والله إني شايل هم الشتاء خلاص قرّب.

الشيء الأول: استئجار البيوت
في المناطق الثلجية ما تستطيع تستأجر بيت، وغالباً ما تلجأ لشقة حتى لو لقيت بيت حلو بسعر حلو
السبب: أنك في الشتاء مطالب بإزالة الثلوج من أمام بيتك، ومسؤول عن أي مشكلة تقع بسبب الثلج المتراكم أمام بيتك
فلو طاح أحد عند بيتك أو راح بنفسه يطيح هناك، أنت مسؤول عنه وعن علاجه
ولذلك ما فيه حل إلا تستأجر شقة، وتكون العمارة هي مسؤولة عن إزالة الثلج.

الشيء الثاني: المواقف
في الشتاء، الثلج يتراكم لك فوق السيارة تجي الصاح تبي تطلع سيارتك تجلس تشيل الثلوج، وأحياناً سيارتك تغرز في الثلج
هذا بالإضافة إلى برودة السيارة، تدخل السيارة كأنك طاب في فريزر الثلاجة حقتكم

الشيء الثالث: المواقف أيضاً
في الشتاء، كثير من المواقف على الشارع ممنوع تخلي سيارتك إذا كانت راح تنزل ثلوج
لأنهم على وقت الفجر راح يجون يشيلون الثلوج من الشوارع، وسيارتك يا صديقي لازم تشيلها وإلا تأخذ مخالفة.

الشيء الرابع: القيادة
إذا كانت الجامعة تبعد عنك ربع ساعة، ففي الشتاء تأكد أنك تحتاج حوالي ساعة للوصول لها
جامعتي تبعد عني يمكن خمس دقائق بالسيارة في الأيام العادية، بس في الثلج ممكن يأخذ مني ربع إلى ثلث ساعة
لأنك تحتاج تمشي 5 ميل في الساعة، ولو تدوس شوي وتضطر تدوس فرامل، أنواع الزحلقة والتزلج في الشارع.

الشيء الخامس: غثاء الملابس الثقيلة
في الشتاء يا أخي تجلس تلبس نصف ما في الدولاب، وما ينشاف منك إلا عيونك كأنك تبي تسرق شيء
ويا زين أيام الصيف خذ تي شيرت كتف، وبرمودا واطلع، شغلة دقيقة.

الشيء السادس: الزكام اللي يزورك كل يومين
تدخل مكان حار، تطلع ثلج، سيارتك تشغل مكيفها الحار... شوي وأنت مريض
الأطفال أيضاً يتعبون كثير في هالجو.

الشيء السابع: النوووووووووووووم
يا أخي تجي من الجامعة، تبي بس تناااااااااام.

الشيء الثامن: انتظار الباص إذا ما عندك سيارة
والله يا خمس دقائق في الثلج تخليك تراجع حياتك كلها هههه

صراحة شروطك شوي صعبة

بورتلاند ليست على البحر لكنها قريبة من المحيط الهادي لكن فيها ثلوج

المدينة المثالية في امريكا ذات الطقس المعتدل هل سانت ديجو لكن ليس فيها ثلوج