ماصار لي اسبوع في امريكا وملييت ابي اهلي

وعليكـــم آلسلآم ورحمـــة آلله وبركآته ..

وســـع صدركـ وأنآ أخـــوكـ أفآ عليكـ بس وأكثر من الإستغفآر تــرى حتى أنآ عندي هموم ومصآعب مع آلملحقية لدرجة يمكن مآقدر أكمل بعثـــه ..
لكــن برضو أقول .. "متوكل على ربي" ..

أللي إنت تعيـــش فيه شي طبيعي جدآ بكرهـ بس تدرس وتشوف لـكـ أصحآب وتروح وتجـــي وتشوف آلحيآهـ قدآمكـ ,,
إنت رجل ومآجيت هنــآ إلآ وإنت قدهـــآ وشـــد حيلكـ وإحمــد ربكـ .. إنكـ مبتعث بعثـــه كآملة لآ مشآكل ولآ منغصآت ولله آلحمد ..
غيركـ جآء هنــآ وحآط من جيبه آلمصآريف وتلآقيه ليل نهــآر شآيل هــم الإنضمآم وغيرهـ !!
وبعضهم تلآقي آلملحقية مآعآد صآرفين عليه أي ضمآن مآلي ..
ترى كلن بهمـــــه ينآم ..

قــوم صل ركعتين وتعــوذ من إبليـــس وروح إنت وخويكـ تمشــى شوي ..
وترى بتجي بعــد شهرين نلآقيكـ متأقلــم بس شيل هآلأفكآر من رآسكـ ولآ تفكر فيهآ كثير ..

شي طبيعي جداااااً .. ما فيه طالب جديد قابلته و ما قال ب ارجع..

فالوضع وانا اخوك بسيط و اللي تحس فيه كل المبتعثين حسوا فيه و كان بينهم وبين الرجعه شعره.. لكن الامور بعدين شهر وعليها تزين ويتأقلمون و تصير الدنيا سهالة..

وما شاء الله انت بلوس انجلوس هالمدينه كل العالم يجونها بالاجارات اقصد حلم لاي احد يجيها .. و محاكيك واحد منهم .. انتظر اقرب اجازة طويله بقضيها بلوس انجلوس .. المدينة جميله و سياحية وفله وسعة صدر .. لولا انها غالية كان درست فيها والله.

صل ع محمد و اذكر ربك .. والامور بسيطة وسهله .. وبخصوص المعهد و سالفة انك ترجه للملحقية اللي دفعته لك .. هذا مهب صحيح .. ما ترجع لهم شي ابد حتى لو تحضر يوم وتسحب .. الحمد لله هذا بفضل الله ثم بفضل حكومتنا.

وعليكم السلام ومررحبتين

اخوي لاحظت ان كل مشكلتك في الملل

ترا ماشاء الله باقي توكـ بأول الطريق وطبيعي انك تحس كذا

لان للحين مابديت روتين الدوام وتتعرف ع الناس اللي هناك وتعيش حياتكـ

يعني للحين الظاهر باقي مافكيت كل شناطكـ

بعدين راح تحتاج وقت تروق وتقول ابي اقعددد بدال الطلعه كل يوم يمكن ماتحصل

الموهيم اتمنى لك التوفيق وشوف لك شي يشغلكـ بس يكون كويس يعني

والله الشعور ذا اعرفه كويس واتوقع الاغلبيه اذا ماكان كلهم حسوا فيه : ) ..

وسع صدرك واطلع وغير جو

وان شاءالله مع الوقت تتأقلم ..

ولاتنسى انك بأمريكا مو الكل يقدر يروح لها ويعيش ويدرس هناك !!

هذي نعمة والحمدلله ان البعثات متوفره لأن اظن حتى الدول الاوروبيه مافيها نظام بعثات زي اللي عندنا ^^ !!

....... عالأقل خلص لغة وبعدها قرر ..

فلها واستانس وبتتذكر بعدين اذا خلصت الدراسة هالأيام الحلوة اللي قضيتها

الله يفرج همك ويشرح صدرك
هذا وان اخوك الصدمة الثقافية كلن مر فيها بنسب مختلفة
ان شاء الله الشباب المبتعثين يفيدونك بس انا شخصيا مريت فيها في سفرة سابقة للخارج بس والله راح تروح يس عليك بالصبر
قال تعالى
وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ(45). سورة البقرة

هههههه والله انك باين عليك انك فله من قرنبع
والله ياخليتني اضحك ضحك شوف انت باين مشاء الله اجتماااعي والله من اول اسبوع بتكون علاقات وتسير تطلع وتنبسط وتنسى الضيقه بس انتبه الفله الزايده لاتاخخذك لبعيد الله يحميك فكر انت وراك اهل يهمهم مصلحتك وحياتك وصحتك وعافيتك منت صغير بس ممكن الانفتاحيه تغرك انتبه انا اختك

طبيعي

كلللللللنا مرينا بالهمرحله وغيرك لحاااله وتمرمط

وانا لي شهوووور هنا ومالقيت موتر

ولوس انجلوس روووووعه انا جيتها كم مره بس لانك انت ما تعرف لها ولا فريتها

المهم الوضع سهلات وكون اصدقاء وتسلك امورك ان شاء الله

انت الي سرقت سيارتي الي كنت حاطه عيني عليها

الله يسامحك بس عشان تعرف اني حليوه وقلبي قوس قزح ، انا اقول فلها وربك يحلها

اول ما تبدأ الدراسه بتتحمس وتخش جو وبتنشغل

طبيعي يالغالي
كلنا مرينا بالمرحلة هذي
نصيحتي لك حاول تبعد عن الفراغ
مثلاً نام بدري واصحى سو رياضة وداوم واشغل نفسك
وترجع آخر الليل تعبان وتنام ..
بالعربي لاتعطي فرصة لخيالك يسيطر عليك