السلام عليكم
حبيت استفسر المعهد خذو من زميلي رسوم 100 دولار
هل الملحقية تعوض عن رسوم اارسال الايتوني بالبريد 100 دولار ؟؟ لانه تم رفض طلبه من الملحقيه وقالو اي رسوم بالبريد لايعوض
عرض للطباعة
السلام عليكم
حبيت استفسر المعهد خذو من زميلي رسوم 100 دولار
هل الملحقية تعوض عن رسوم اارسال الايتوني بالبريد 100 دولار ؟؟ لانه تم رفض طلبه من الملحقيه وقالو اي رسوم بالبريد لايعوض
100 دولار علشان ترسل ايتوني ؟
انت وش وضعك بالضبط مع ارسال الايتوني ؟
يعني هل انت بالسعوديه وجايب القبول وانت بالسعوديه ؟
والا انت في امريكا وجايب القبول وانت في امريكا ؟
لان 100 دولار ماتجي هالقيمه الا اذا كان الارسال دولي واوفر نايت ! يعني يوصل خلال خمس ايام بالضبط !
اما اذا كان عادي .. او حتى داخل امريكا .. مستحيل يوصل اكثر من 60 دولار !
على كل حال .. الملحقيه ماتعوض قيمة البريد ! مالها شغل فيه انت تتحمله !
الارسال دولي >>>
وعليكم السلام
الملحقيه ماتعوضك بالبريد
لكن من جد المبلغ مبالغ فيه
والمفروض المعهد هو اللي يدفعها مو انت
لانك دافع رسوم التسجيل
اهاا
معلومه جديده وان شاء الله ابلغ فيها اللي مايعرفون بالمستقبل
المعاهد والجامعات اللي سجلت فيها سواءً لي او لربعي ماكان فيها هذا الخيار وكانت توصل عن طريق فيديكس علشان كذا كتبت له الخيار
فيديكس عندهم نظام حلو علمني فيه واحد من الموظفين
يقول اي شحنه دوليه تاخذ ثلاث ايام سواء طلبتها سريع او عادي
التأخير بالعادي يكون في امريكا نفسها اذا وصلت للمكان اللي راح تنرسل منه دولي احسب ثلاث ايام الى خمس ايام باقصى حد وهي عندك ان شاء الله
مثال اذا انا ساكن في كالفورنيا وابي ارسل بريد عادي للسعوديه
يروح من كالفورنيا لتكساس لواشنطن لنيويورك
هنا يكون التأخير بعض المرات يقعد اسبوع حسب مسار الطرد
وبعدها للسعوديه وتقعد ثلاث ايام علشان الجمارك الامريكيه والجمارك السعوديه
واذا وصلت للسعوديه يتصلون بنفس اليوم علشان يحددون معك موعد
صحيح كلامك ياغالي ..
غالبية المعاهد .. والجامعات على وجهه اخص .. يتعاملون مع FedEx و UPS بشكل رسمي .. خصوصا للشحنات الدولية ..
وحتى راح تلاقي داخل الحرم الجامعي مقر لهم اما فيديكس او يو بي اس .. او الاثنين معا .. على حسب الجامعه ..
وفيه جامعات تعاملها الرسمي مع الـ USPS (البريد الامريكي) ... كتعامل اساسي .. ولكنهم يتعاملون مع الشركات الخاصه اعلاه للمعاملات السريعه ..
فهي تعتمد على الجامعه او المعهد .. فإذا كانت الجامعه تعتبر من الجامعات اللي مدخولها عالي .. فبالتالي راح تلاقي هالخدمات اساسيه عندهم .. اما اذا كان مدخولها قليل .. فتلاقيهم يستخدمون الـ USPS لرخصه .. وفي نفس الوقت يوفرون للطلاب خدمة الـ FedEx والـ UPS ولكن على حساب الطالب نفسه !
اما مسألة وصول الاوراق او الشحنه في فيديكس خلال ثلاث ايام .. هذا الكلام صحيح .. فالخدمه العاديه لفيديكس تاخذ 3-5 ايام ..
فإذا تم ارسالها بالخدمه العاديه .. مثل ماسبق وتفضلت .. راح توقف عند كل محطه وتطول .. والسبب أنها خدمة عاديه ..
لكن لو اخذت خدمة يومين .. راح توقف عند محطتين او ثلاثه بالكثير .. وماراح تطول عندها يعجلون باجرائاتها ..
إلى ان تصل الى المحطه الجمركيه اللي راح تكون اخر محطه لها في امريكا ومن بعدها تطلع من امريكا .. وهي الجمارك !
هنا .. سواء اخذت خدمة يومين او الخدمه العاديه او حتى الاوفر نايت .. فالشحنه توقف عند الجمارك وتعتمد على سرعة تخليص الجمارك لاوراق الشحنه .. ومجرد تنتهي وتطلع الشحنه بالطياره .. توقف مره ثانيه بالجمارك السعوديه .. وتعتمد على سرعتهم في تخليص اجرائات دخولها .. بس تنتهي خلاص ماتوقف الا بالمكان المطلوب !
فالوقت اللي توقف فيه الشحنه بين الجمركين .. هو اللي يخلي الشحنه تتاخر .. فاحيانا تاخذ يوم واحيانا يومين عند كل جمرك ..!
والمحطات الجمركيه الامريكيه .. داخل امريكا لشركات الشحن تختلف اماكنها .. فلكل إقليم محطه خاصه به .. فمثلا الاقليم اللي انا ساكن فيه .. تكون محطة الجمارك في ممفيس Memphis .. لو انا ارسلت شي للسعوديه او اي دوله خارج امريكا .. لازم تروح ممفيس اول شي تريح لها يومين زمان وبعدها تطير لبرى امريكا دايركت .. نفس الكلام في استقبال الشحنات من برى ! تمر ممفس اول شي .. بعدها توصلني !
لذلك تجد الشحنه ماتوصل للسعوديه الا خلال 7-10 ايام كحد اقصى .. ولو كانت اوفر نايت .. برضوه بتوصل خلال سبع ايام ...
لكن لو كان الشحن داخلي . . . فهنا ينطبق كلام صاحبك .. ويصير ثلاث ايام وهي عندك ولو تاخرت رابع يوم الصباح يدقون الباب عليك !