استفسار هل الوكالة ضرورية لقبول الدراسة على الحساب الخاص+التقرير الطبي/ الموافقة قبل السفر

وعليكم السلام ورحمة الله وبركاته

يجب عليك التقديم على طلب الدراسه على حساب الخاص قبل السفر .. واخذ الموافقه بذلك ..
وهذا يترتب عليه اخذ كشف تقرير طبي ..
هنالك نموذج لهم بشروط الدراسه على الحساب الخاص .. اقرأي الشروط وستجدين النموذج الطبي من بينهم ..

اما عن المحرم ..
وقت الالحاق لابد أن يكون متواجد حتى يتم اضافته كمرافق !
بدون محرم لن تستطيعين فتح ملف الحاق بالبعثه !
واعتقد ايضا ان هذا الامر طبق على طلب الدراسه على الحساب الخاص ! ولكن بإمكانك التأكد من ذلك من خلال شروطهم ..
فإذا كان المحرم احد الشروط .. فأعلمي انه لن يتم الموافقه حتى يتم تطبيق هذا الشرط ..

اما عن الوكاله .. فلا أعرف ...!

جزاك الله خير .. شكراً

عندي مشكلة انو للحين ماقدمت للحصول على قبول مشروط من الجامعة التابعه لمعهد اللغة اللي قدمت عليه لأني حابه ادرس جرافيكس
فسجلت بمعهد فنون رح ادرسه مع اللغه قبل ما اقدم ع التخصص عشان اطور محفظتي الفنيه و أضمن القبول .. كيف ممكن اقدم طلب الدراسه على
حسابي الخاص قبل السفر وانا لسى ما حصلت على قبول مشروط من نفس الجامعة اللي انا ناويه اكمل فيها ؟

الشي الثاني .. انا حصلت على قبول مشروط من جامعة أخرى بمدينة أخرى بتخصص فني آخر لا ارغب فيه و انا مش مخططه نهائياً اني ادرس فيها
ينفع اقدم فيها بطلب القبول و بعدين لاخلصت اللغة اغير واختار القبول التابع لجامعة معهد اللغة الحالي ؟

آخر حاجة .. بالعادة كم الوقت على بال ما احصل قبول لطلب الدراسة على حسابي الخاص ؟

آسفة على الإطاله .. شكراً مرة أخرى

لابد تقدمين الطلب مع قبول جامعي سواء مشروط او نهائي ! هذا امر ..

الامر الاخر .. دراستك لمعهد فنون راح تكون خساره على الفاضي ! <مجرد نصيحه !


اما بالنسبه للقبول المشروط الي عندك .. فبإمكانك التقديم فيه .. اذا كان القبول مشروط باللغه بحيث تدرسين بمعهد الجامعه ..
فهذا القبول يكفيك .. ومايحتاج تحطين قبول معهد .. لان هذا القبول شامل للمعهد والجامعه ..

اما الوقت اللي ياخذ لحتى قبول الطلب .. فهذا يعتمد على سرعة تجاوب الموظفين بذلك !
احيانا تاخذ اقل من اسبوعين .. واحيانا تكون اكثر من شهر !
انتي وحظك !


نصيحتي لك .. ابحثي عن قبول مشروط لجامعه تبين تدرسين فيها .. تخصص بكالريوس الجرافيكس ديزاين متوفر فيه قبول مشروط بغالب الجامعات على حسب معلوماتي بمجال الحاسب ...
اذا تبين تدخلين بمعهد خاص .. ابحثي عن معاهد ELS .. وشوفي الجامعات اللي تقبل شهادات معاهد الـ ELS عن طريق موقعهم ..
وهذا راح يعفيك عن مسألة الايلتس IELTS و التوفل TOEFL..

طيب الفتره المسموح لي الدخول فيها بالآي تونتي الحالي باقي عليها تقريباً اقل من اسبوعين
وانا رحلتي الاسبوع الجاي ! .. هل ممكن اقدم هنا واسافر ومتى ما ردوا ردوا ..؟

الشي الثاني بعد الموافقه .. هل لازم افعل طلبي على طول ؟ طيب لو فعلت بوقت متأخر يضر الطلب او لا ؟

و عن تخصص الجرافيك ديزاين .. اللي فهمته من كلامك بمجرد اني بدرس ب نفس المعهد التابع للجامعة اللي انا رايحه ادرس فيها الحين
اقدر احصل فيها على قبول مشروط بتخصص الجرافيك ديزاين بدون حفلة المحافظ الفنية وتقييمها .. صحيح ؟


آسفه لو عذبتك معي .. الله يعطيك العافيه
شكراً

ممكن تقدمين إذا كانت اوراقك كامله ... قدمي وسافري .. ولا تنتظرين !

اكيد لابد تفعيل الطلب باقرب فرصه .. كل ماصار التفعيل اقرب كل ماصار الالحاق اسرع !

انا مادري عن اي محافظ فنيه تتكلمين عنها .. لاني ما اذكر بهالتخصص شي من هالقبيل ..
فالجرافيك ديزاين .. تخصص مثله مثل بقية التخصصات ..
اذا اخذتي بالجامعه قبول مشروط باللغه تكملين شرط اللغه وتلحقين بالجامعه دايركت .. وتدرسين متطلبات التخصص المطلوبه عليك !
وماراح يكون فيه اي شروط اضافيه بعد انتهائك من معهد الجامعه ليتم الحاقك بالجامعه !

أجلت سفرتي ..

و عن المحافظ الفنية .. بعض الجامعات تشترط محفظة فنية لقييمها وللمفاضلة قبل القبول ..
و هالشي جربته بجامعات بريطانيا و قد حصلت قبول مشروط باللغة بجامعة لندن للفنون بس كان الوقت متأخر ولا عديت !
انا عارفة انو فيه فرق بين الجامعات الامريكية والبريطانية .. بس برضو في جامعات تشترط هالشي و انا ابي اضمن نفسي قبل ما اقدم

جزاك الله خير .. شاكرة لك وقتك وجهدك