الأعضاء الإشتراك و التسجيل

الملتقيات
ADs

والله العظيم طفشت من البعثه تكفون ساعدوني

والله العظيم طفشت من البعثه تكفون ساعدوني


NOTICE

تنبيه: هذا الموضوع قديم. تم طرحه قبل 3838 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كنوق
    كنوق

    مبتعث جديد New Member

    كنوق الولايات المتحدة الأمريكية

    كنوق , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى بكالريوس , بجامعة معهد كبستون
    • معهد كبستون
    • بكالريوس
    • ذكر
    • بروتلاند, اوريقيون
    • السعودية
    • Aug 2013
    المزيدl

    September 26th, 2013, 10:09 AM

    .. السلام عليكم ورحمة الله وبركاته .. مالي بالمقدمات بدخل للموضوع علطول ...
    .. يخوان انا طالب متخرج من الثانوية ومالي سبوع رايح بعثة لمريكا على حسابي الخاص لما اددخل الملحقية بعد 3 الى 4 اشهر انشالله
    الزبدة انا والله العظيم طفشت مادري هل كل المرحلة مر فيها المبتعثين مثلي ولا بلحالي انا انا بولاية ارويقون بروتلاند
    والله احس اني مغترب وماعندي ظهر يعني شخص سند لي وجاني كلام كثير اول ماوصلت لمريكا ابعد عن السعودين ومن هالحكي ومافيهم خير ..
    وحس ان مهب مكاني امريكا واللغة احس مافيه امل اتقنها ومراح اصبر كثير بمريكا ومن هالحكي
    وزود كل هاذا احس اني انسان مكروه في امريكا مهب هاذا مكاني وكل مابغيت اطلع من عائلتي بتمشى اطفش بلحالي لاني ماخاويت احد عقب الكلام الي جاني عن السعودين .
    ماش ماقدر اعبر كتابه والله يعالم متضايق ومهموم
    تكفووووووون عطوني نصايحكم والله يمتضايق وحالة نكد في نكد .
  2. خلك متفائل واحمد ربك رحت تدرس غير رك يدورها مالقاها لاتصير إنسان سلبي وتحسب نفسك مكرووووه محد درى عنك كلن منشغل بحياته ركز اهتمامك بدراستك وتوكل على ربك وبالعكس بتبين اللغه ويترفع راس اهلك وتنضم للبعثه لأنسي قوله تعالي ( انا عند ظن عبد بي ) ظن بالله خيرا وبيعطيك خير توكل على الله واستودعه جميع أمورك مع كل صباح وراح تحس بتفاول عظيم.


    ( تمت المشاركة باستخدام تطبيق مبتعث )
    7 "
  3. وعليكم السلام ورحمة الله وبركاته
    انا برضه ليه اسبوع وماخرجت من البيت وماخرجت من السعودية الا وانا اخذه كلام ع راسي بس خلاص تعلمت اذا بتعيش مرتاح ماعليك من رضى الناس رضى ربك ووالديك كفايه
    عموما خلي فبالك اﻷيام الحلوه تجي بعد الصبر وبالنسبه للغه الي اتقنوها ماهم عباقره بس يبغالها اجتهاد وتعب شويه في البدايه
    وماعليك من الكلام عن السعوديين جرب بنفسك والدنيا لسه بخير بس لاتثق في احد اهم شي
    مالومك الوحده شينه مايحس فيها الا الي مجربها

    Sent from my GT-N8000 using مبتعث mobile app
    7 "
  4. اول اسبوع كان اصعب الايام بحياتي ومع مرور الوقت تسهلت الامور وبدأت اتأقلم وشوي شوي اتقنت اللغه , مافي شي يجي على طول , وبعدين لاتسمع للناااس انت جرب وشوف , لاتحكم قبل تجرب تعرف على امركان وسعوديين وشوف اللي يناسبك كل واحد بيعطيك رأي لاتاخذ برأي الناس
    7 "
  5. بيه كل ذا فيك ياخوي قل الحمدلله رايح امريكا براد وطبيعه وخضار يرد الروووووح وش عليك من الناس ترى الناس لا راحوا ولا جاووووي كلهم والاصدقاء كلهم للمتعه لا اقل ولا اكثر تقدر تبدلهم زي الثوب لانه الناس زي بعض هل الايام كلن في همه امك و ابوك هم الي لازم تراضيهم ولا تقدر تبدلهم خل عنك الوسواس ترى على الناس مابتدرس الزبده انا مالي خلق اقولك كلام معيود توكل على الله ولا عليك ...
    7 "
  6. صلي ع النبي الكل مر بالمرحله هاذي لك اسبوع لاتتذمر عيش حلاوة امريكا بكره يجيك الضغط وماتقدر اطلع امشي سوي رياضه خذلك دراجه دخل روتين جديد في حياتك
    واذا ع السعوديين ترى مو نافعك الا هما لاتسمع اللي يقولك لاتختلط بالعكس شوفلك ناس كويسه وصاحبها بس المهم لاياخذو وقتك واللغه اجتهاد لااكثر ولااقل
    الله يريح بالك وموفق


    ( تمت المشاركة باستخدام تطبيق مبتعث )
    7 "
  7. وعليكم السلام ورحمة الله وبركاته

    كنوق حبيبي أول شي دام انك توك متخرج من الثانوية فلازم تعرف انه ما فيه شي بالسهل وتعلم اللغة الانجليزية يفتح لك ابواب العلم والعمل في افضل المواقع باذن الله.
    2. اصعب فترة على المغترب حسب رأي علماء النفس هي الأربع اسابيع الأولى الى الستة اسابيع وتكثر فيها عليك وساوس الشياطين ، وعشان تتجاوز هذي المرحلة بأفضل طريقة فعليك باللجوء الى الله والحرص على الصلوات في اوقاتها ولو قدرت تشوف اقرب مسجد عليك وتروح تصلي مع الجماعة فهذا خير عظيم ، وعليك بالدعاء بأن يدلك الله على اهل الخير وصحبتهم ويصرفك عن اهل الشر ويصرفهم عنك ويوفقك لكل خير .
    3- السعوديين مثل غيرهم فيهم الطيب والخبيث وسيماهم على وجوههم فاحرص انك تتعرف على اي احد ترتاح له وحاول تكتسب نصايحه واذا شفت منه ضرر حاول انك تبتعد عنه وتشوف من يدفعك لكل خير ويعينك على طاعة الله وراح تلاقي اهل الخير بكل تأكيد في المسجد بغض النظر عن الجنسية.
    4- طالما الله وفقك وطلعت تدرس اللغة ، استغل الفرصة وحاول تفتح اي موضوع مع اهل اللغة سواء كان عن الاماكن السياحية المميزة او المطاعم او طبيعة الدراسة والفرق بينها وبين السعودية واي موضوع مثل كذا.
    5. راح تلقى وقت فراغ كبير ، اذا ما ملأت هذا الفراغ بالخير راح تشغلك نفسك بالشر ، واذا ما مليته بالطاعة راح تدلك على المعصية وانت الان في غربة وفتنة عظيمة فلن تستطيع مواجهتها الا بالاستعانة بالله وبالدعاء والصلاة وقراءة القران .
    6. كل اللي ذكرته انت انا مريت فيه اول ما جيت بريطانيا مع اني كنت متلهف للبعثة ولكن لما وصلت خفت من الفتنة وصرت التزم البيت وجاتني الوساوس مثلك وبعدين صرت اروح المسجد واسوي اللي قلت لك عليه حتى فتح الله علي ولله الحمد وصرت استمتع بقراءة القران في الغربة اكثر من الدراسة ومجالسة الناس ولله الحمد رغم اني تعرفت على ناس بمختلف الجنسيات احس انهم كنز من كنوز الارض ولله الحمد.

    شوف يوم انت كتبت موضوعك بكل عفوية وشكيت همك للناس ، أنا رحمتك ، فما بالك لو شكيت همومك لله عز وجل وله المثل الأعلى سبحانه وتعالى أرحم الراحمين ،
    ربي كريم ما يرد من سأله و راح يفتح لك ابواب رحمته ويكرمك بفضله ويسخر لك خلقه ويسهل امورك من حيث لا تعلم
    اسأل الله الذي لا اله الا هو الحي القيوم الواحد الأحد الفرد الصمد الذي لم يلد ولم يولد الحنان المنان بديع السماوات والأرض نور السماوات والأرض من له مقاليد السماوات والأرض القوي العزيز الحكيم الخبير أن ينفعني واياك وكل من قرأ هذا وأمن على الدعاء يارب العالمين لك ونسأله تعالى التوفيق والسداد وصلى الله وسلم على نبينا محمد وعلى اله وصحبه أجمعين.
    7 "
  8. اخوي انا زييك في بورتلاند مالي اسبوع حتى .. وتوني متخرج من الثانوي

    وللحين ماخاويت احد لأني جاي لحالي

    وبالنسبة للي يقول لاتخاوي سعوديين ..

    انا انصحك انك تخاوي اجانب وسعوديين في نفس الوقت ..

    يعني لاتطلع مع سعوديين وبس .. لازم تخاوي اجانب

    الزبده اذا تبغى احد يطلع معك كلمني تراني للحين ماخاويت احد وانا نفسك ماابي اخاوي سعوديين بس صعبة الواحد مايخاوي سعوديين .. لازم نساعد بعض في الغربه


    خصوصاً اني للحين مااعرف شي في بورتلاند يعني اذا تبغانا نضيع مع بعض في الويكند ونستكشف المدينة

    اررسلي عالخاص اذا تبغانا نتواعد واخذ رقمك ونتقابل في الويكند ..
    7 "
  9. المشاركة الأصلية كتبت بواسطة ابن بيت آل هليلة
    إذا ما زلت تطبق قاعدة "ابعد عن السعوديين، ما فيهم خير" أعضاء المنتدى مو سعوديين وما فيهم خير؟

    وآلديكـ للجنـــــه ..
    صدقني بقتبس كلآمكـ بكـــل رد لمثل هآلموآضيع أللي يقولون إبتعد عن آلسعوديين ..
    وتلآقيهم ممتحنين آلمنتديآت كل يوم يجون يسألون عن شي .. ومين يرد عليه غير " آلسعوديين" !!
    تنآقض في تنآقض ..

    عمومآ صآحب آلموضوع .. آلله يعينكـ ويصبركـ كلهآ شهر وتتغير آلنفسيـــه بإذن آلله على مآقآل إبن بيت آل هليلة من قبل "غربة عكسية" ..
    خــذ هآلموضوع بيكفيكـ ويكفي أي شخص بيقول نفس حآلتكـ لأن آلنآس مآقصرت يعطيهم آلعآفيه 3 صفحآت كآتبين ..
    http://www.mbt3th.us/vb/forum8/thread432112.html

    بآلتوفيق ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.