دبلوم برمجيات بمعد 3.23 من 5 .. وأريد إكمال البكالريوس

السلام عليكم ورحمة الله وبركاته

أرجو من اللي عنده خلفيه مساعدتي

أنا طالب متخرج من الكلية التقنية بمعدل 3.23 و تقدير جيد
بتخصص برمجيات ( صارت لي مشاكل خاصه ما خلتني أهتم للدراسه بالكلية .. بس بأخر ترم جبت معدل فصلي 4.75

بس ما قدرت أرفع المعدل لأنه طايح ... بس الحمد لله

بس أنا حبيت أسأل هل أقدر أكمل دراستي بأمريكا لأن بالدبلوم ما راح أتوظف يا ليت لو أحد يساعدني لأني حاب أكمل الدراسة
رحت لأكثر من كلية في السعودية وقالوا نقدر تدرس من جديد و فيه سنه تحضيريه .. يعني ضاعت السنين

الله لا يهينكم اللي يعرف طريقه أقدر أبتعث وأكمل دراستي فيها لا يبخل علينا

تقدر تكمل بامريكا بكالريوس .. ماعندك مشكله ..

بس أخوي الله لا يهينك أنا أبغى الطريقة ... دورت أكثر من واحد بس للأسف ما لقيت أحد يساعدني .. ولا هنت كيف الطريقة...

الله لا يهينك أخوي لو سمحت عندي أكثر من رساله هامه في البريد بس مو قادر أشوفها بسبب المشاركات.

لو سامحت ساعدني و أحتسب الأجر

اقتباس:

---

المشاركة الأصلية كتبت بواسطة JUST Dream *

بس أخوي الله لا يهينك أنا أبغى الطريقة ... دورت أكثر من واحد بس للأسف ما لقيت أحد يساعدني .. ولا هنت كيف الطريقة...

الله لا يهينك أخوي لو سمحت عندي أكثر من رساله هامه في البريد بس مو قادر أشوفها بسبب المشاركات.

لو سامحت ساعدني و أحتسب الأجر

---

عادي ياغالي تقدم على الجامعه بشهادة الثانوية وشهادة الدبلوم مع بعض !
وتقدم على البكالريوس بالتخصص اللي تبيه ..
بعد ماتجيب القبول .. تقدم على الفيزا وتخلص اجرائاتها ..
وبعد ماتستلم الفيزا .. تروح وتقدم على طلب الدراسه على الحساب الخاص ..
وبعد ماتاخذ الموافقه .. تطلع على امريكا على حسابك الخاص بوقت دراستك ..
وتدرس وبعدها باربع شهور تقدم على البعثه من هناك ..
وتكمل دراستك بعدها على البعثه ..

هذي طريقه موجزه ..

ابحث بالمنتدى عن هذي المعلومات لكل خطوه وراح تلاقيها ..

صدقني لو قعدت كل يوم ساعه تقرا في مواضيع المنتدى .. راح تعرف كل شي ! وماراح تحتاج تسال احد ..
لان كل الاسئله مكرره .. وكلها مجاوبين عليها اكثر من مره ..

بس استخدم البحث الدقيق .. حتى تكون النتائج اسرع وادق ..

أنا ما أقدر إذا كان على حسابي الخاص لأني ما أملك التكاليف أبغى على حساب الحكومة إذا أحد يقدر يوجهني ...

اللي عنده طريقه لا يبخل علينا وجزاكم الله خير .

اي والله اخواني انا نفس مشكلته نبي طريقة من غير الدراسة عالحساب الخاص


( تمت المشاركة باستخدام تطبيق مبتعث )

انتوا تبون عن طريق المراحل ..

راجعوا قسم المرحلة التاسعة :
برنامج خادم الحرمين الشريفين للإبتعاث الخارجي - المرحلة التاسعة - (9)

راح تلاقون جميع المعلومات اللي تحتاجونها هناك ..