ماهي افضل الجامعات في تخصص ماجستير TESOL
السلام عليكم ورحمة الله وبركاته
أخواني أنا إن شاء الله ناوي اكمل الماستر تخصص TESOL في أمريكا
وعندي كم جامعة لازم اختار منهم
ابي رايكم في أفضل جامعة بحكم خبرتكم
من ناحية المعهد و الجامعة والصعوبة
والله يجزاء كل واحد يفيدني بالخير و بالتوفيق
الجامعات :
1- BALL STATE UNIVERSITY
2- INDIANA UNIVERSITY OF PENNSYLVANIA
3- THE UNIVERSITY OF FINDLAY
4- UNIVERSITY OF CENTRAL FLORIDA
رد: ماهي افضل الجامعات في تخصص ماجستير TESOL
وعليكم السلام ورحمة الله وبركاته ...
إستخدم البحث الدقيق .. واكتب اسم الجامعه وستجد مرادك بإذن الله ..
رد: ماهي افضل الجامعات في تخصص ماجستير TESOL
هلا فيك ياعزيزي ..
هل عندك قبولات من كل الجامعات ؟ ولا تبي تشوف وحده وتقدم عليها ؟
نصيحة لك من أخ إن تقدم عليهم كلهم واللي يجي منها قبول شوف الافضل فيهم ورح لها .. ولكن انك تسوي مقارنة من البداية وماعندك قبول فأنا ما انصحك ابدا بهالطريقة لأن ترى القبولات صارت صعبة في أمريكا مو زي اول يعني القبول اللي تحصله تمسك فيه
رد: ماهي افضل الجامعات في تخصص ماجستير TESOL
وعليكم آلسلآم ورحمة آلله وبركآته ..
اول شي قــدم وإذآ إنقبلت .. تقدر تقآرن فيهــآ ..
ترى كثير من آلطلآب قبل يطلع لامريكآ يحسب آلجآمعآت الأمريكية مثل جآمعة سعود ولآ طيبة أو آلقصيم !!
ويجي هنآ .. ويمر سنه وهو حتى قبول مشروط مآ أخذ !!
الأفضل لآ تخلي شيء إلآ وقدم عليه ..
وبعدين آلمقآرنة خليهآ آخر شي ..
بآلتوفيق ..
رد: ماهي افضل الجامعات في تخصص ماجستير TESOL
اقتباس:
المشاركة الأصلية كتبت بواسطة حروف .. متناثره ..
وعليكم آلسلآم ورحمة آلله وبركآته ..
اول شي قــدم وإذآ إنقبلت .. تقدر تقآرن فيهــآ ..
ترى كثير من آلطلآب قبل يطلع لامريكآ يحسب آلجآمعآت الأمريكية مثل جآمعة سعود ولآ طيبة أو آلقصيم !!
ويجي هنآ .. ويمر سنه وهو حتى قبول مشروط مآ أخذ !!
الأفضل لآ تخلي شيء إلآ وقدم عليه ..
وبعدين آلمقآرنة خليهآ آخر شي ..
بآلتوفيق ..
ههه خبرك قديم
جامعة الملك سعود حتى هي صارت تطلب توفل وحركات
إي والله هذا الواقع
اليوم أكلم واحد من الشباب، يقول لي شفت جامعة كذا عندهم برنامج ممتاز، وجامعة كذا برنامجهم كويس
قلت له يا حبيبي، ترى كل الجامعات عندها برامج كويسة بس السؤال هل تنقبل أو لا؟
قال لا إن شاء الله القبول هين
مع أنه خريج ماجستير من أمريكا
لكن السبب، هو أنه يوم جاء أمريكا وخلص اللغة، قدّم على جامعة Murray State
وانقبل مباشرة وكانت الجامعة الوحيدة اللي يقدم عليها والجامعة قبلته مباشرة
فما مرت عليه رسائل الرفض اللي تخليك تشك أنك تنقبل حتى لو القبول في يدك هههه
بعض الطلاب يقول: راسلت القسم ورحبوا بي وقالوا قدم أوراقك
أكيد كل قسم بيقول كذا، بس في الأخير هل يقبلونك؟ خصوصا إذا دكتوراه
هنا السؤال.
تحياتي،،