مبتعث جديد New Member
البحرين
ahm50501 , ذكر. مبتعث جديد New Member. من السعودية
, مبتعث فى البحرين
, تخصصى دبلوم
, بجامعة جامعة واشنطن ستيت
- جامعة واشنطن ستيت
- دبلوم
- ذكر
- الدمام, ولاية واشنطن
- السعودية
- Sep 2012
المزيدl September 30th, 2013, 08:24 PM
September 30th, 2013, 08:24 PM
الأخوة والأخوات الأعزاء السلام عليكم ورحمة الله وبركاته
سبق وطرحت موضوع عن سفري انا والوالده لمدينة ساندييقو والحمدلله مشت الأمور كما هو مخطط لها والحين هي في نفس المدينه عند حفيدتها الجديده ( أنمار ) الله يخليها لوالديها وتتربى في عزهم
الاستفسار يا إخوان ان الوالده رجعتها بإذن الله بيكون في الأيام من 22 أكتوبر الى 25 أكتوبر يعني بنحجز لها ع الخطوط السعوديه في يوم خلال الأيام هذي ، طبعا بتكون بروحها وهي كبيره بالسن في بداية الخمسينات وانقليش اكيد ميح والي بيوديها للمطار ما رح يقدر يخش معها الين بوابة السعوديه
فياليت الي معاه رحله بالفتره يقدر يساعدنا ويوجه الوالده لبوابتها مشكورا وجزاه أو جزاها الله خير
أو ايش الطريقه الي نقدر نوصلها للبوابه حقت السفر بدون مرافق
شكرًا مقدما للجميع
( تمت المشاركة باستخدام تطبيق مبتعث )
وعليكم السلام ورحمة الله وبركاته
بالنسبه للسفر .. فإذا كانت الرحله مباشرة الى السعوديه مافيها توقف .. فأمرها هين بإذن الله ..
ماتحتاج حتى احد يروح معها ..
كل اللي عليك تسويه انك لما تروحون المطار .. تكلم أي سيكيورتي او موظف بالمطار وتقوله إنك تبي مساعده للوالده الله يحفظها ..
وتبي واحد يوصلها للبوابه ويدخلها للطياره لانها ماتعرف انجليزي ..
وتعطيه البوردنج وهم يسنعونها ويدخلونها ليما البوابه ويعطي خبر لاحد الموظفين اللي عند البوابه حتى يهتمون فيها ويدخلونها للطياره وقت الرحله !
طبعا اذا حجزت على الخطوط .. فالطياره بيكون فيها مضيفين عرب او سعوديين .. فبالتالي تقدر تقوله إنه يوصي احد داخل الطياره .. يكون معها احد المضيفين بالطياره بحيث ينتبهون لها وقت الرحله ويشوفون اذا احتاجت شي .. واول ماتوصل بالسعوديه راح يسنعونها بإذن الله .. لان المضيفين بيكون فيه عرب منهم فبالتالي راح تفهم عليهم ..
والامور تتسهل ان شاء الله ..
محمد فهد .. September 30th, 2013, 09:08 PM
7 " السلام عليكم
اخوي محمد فهد كفى ووفى
اذا كلمت السكيورتي راح يساعدونك ان شاء الله واذا كلمت الخطوط بنفسهم راح يساعدونك وفي بالعاده يحطون موظفين لنفس الحاله تبع الخطوط يتكلمون عربي
خل معها جوال بشريحه امريكيه علشان وهي داخله تتصل عليك اذا احتاجت اي شي او اذا ضيعت تعطي الجوال لاحد المحلات الموجوده في داخل المطار
فيه احتمال انهم يدخلونك مع امك لحد بوابة الطياره اذا كلمتهم وقلت لهم ان الوالدة ماتعرف انقليزي وتخاف شوي
خل معها ورقه مكتوب فيها رقم جوالك واشرح فيها وضع امك بالانقليزي علشان عند السكيورتي تعطيهم اياها ويمشونها او اذا احد سألها من حقين الخطوط تعطيهم الورقه
hayway September 30th, 2013, 09:29 PM
7 " الأخ ١٠ كي والأخ هاي واي
الله لايهينكم ويعطيكم العافيه وفعلا تعتبر هذي الاقتراحات مفيده في حالة ان حنا مالقينا احد سعودي مسافر يوديها لنفس البوابه ، عجوزي وانا عارفها خوافه ولا الومها ضيعوا اشناب في مطار واشنطن فما بالكم بامرأه في الخمسين حفظها الله ورعاها
ونفسي تقول لي احجز ياولد انت من الدمام وروح جيبها ولايطلع بخاطرها ذرة خوف فديتها
ع العموم منتظر ردود وآراء للي يمقن يسافر بنفس الوقت والله يكتب اجر الجميع
( تمت المشاركة باستخدام تطبيق مبتعث )
ahm50501 September 30th, 2013, 10:22 PM
7 "
آلله يعينكـ .. ويعينهآ ..
لكــن أذكر مرهـ تعرفت على سوآق تآكسي وآلله مآتعرف له يقول عآش بجدهـ وأصله مصري ويتكلم كأنه أثيوبي ..
لكن آلرجل عمومآ صآحب تآكسي ..
آلشآهــد مرهـ طلعت من آلملحقية متأخر ويآدوبكـ بلحق عآلرحلة وتعرف وآشنطن مليآنه من كل الأجنآس وأول مآوقف قدآم بوآبة آلمطآر نآدى على وآحد وجآء بسرعه ..
وآلله وأنآ بآلتآكسي أخذ آلجوآز وأخذ رقم آلحجز وقص لي آلبوردنق وشحن لي شنطة معي ..
طبعآ الأخ أللي كآن جآلس عند بوآبة آلمطآر شغآل مع شركة طيرآن أمريكية .. ويتكلم عربي ..
آلمهم .. أللي بقوله لكـ, إذآ كإقترآح تتصل عآلرجآل وتروح تقآبله أو تخليه يوصي أحــد يوصلهآ ليــن دآخل ..
أو يشوفون طريقة تدخل معهآ رغم إنه صعب ..
رآسلني وبعطيكـ رقمه .. لكــن آلرقـــم بسلمه بدون أدنى مسؤولية يعني لو صآر شي لآ تحط شي برآسي هههههههه
يمكن يطلع نصآب ويمكن ويمكن !!!
لأن هذآ آلشخص يحب آلفلوس فوق مآتتخيل .. يعني مو بكرهـ يسوي شي وتجي تقول كله منكـ ) :
آللهم بلغت آللهم فشهــد ..
وأنآ بكل صرآحه من رأيي من رأي 1OK .. روح للكونتر حق آلخطوط آلسعودية ووصي عليهآ وآحـــد ..
وأعطيه رقم جوآلكـ وكل شي ..
موفق ..
حروف .. متناثره .. October 1st, 2013, 05:37 AM
7 "
September 30th, 2013, 08:24 PM
الأخوة والأخوات الأعزاء السلام عليكم ورحمة الله وبركاتهسبق وطرحت موضوع عن سفري انا والوالده لمدينة ساندييقو والحمدلله مشت الأمور كما هو مخطط لها والحين هي في نفس المدينه عند حفيدتها الجديده ( أنمار ) الله يخليها لوالديها وتتربى في عزهم
الاستفسار يا إخوان ان الوالده رجعتها بإذن الله بيكون في الأيام من 22 أكتوبر الى 25 أكتوبر يعني بنحجز لها ع الخطوط السعوديه في يوم خلال الأيام هذي ، طبعا بتكون بروحها وهي كبيره بالسن في بداية الخمسينات وانقليش اكيد ميح والي بيوديها للمطار ما رح يقدر يخش معها الين بوابة السعوديه
فياليت الي معاه رحله بالفتره يقدر يساعدنا ويوجه الوالده لبوابتها مشكورا وجزاه أو جزاها الله خير
أو ايش الطريقه الي نقدر نوصلها للبوابه حقت السفر بدون مرافق
شكرًا مقدما للجميع
( تمت المشاركة باستخدام تطبيق مبتعث )