استفسار رايح امريكا لوحدي

October 1st, 2013, 10:55 PM

السلام عليكم

ان شاء الله ان رايح امريكا بعد اسبوعين لاول مره عشان الدراسة, وانا راح اروح لوحدي وماعرف احد في الولاية الا راح اروحها, بس اخوي يبي يجي معاي لمدة اسبوعين عشان يضبط اموري كلها بحكم ان هو درس في امريكا وعارف الوضع هناك.

وانا الصراحة ناوي اروح لوحدي واعتمد على نفسي كليا هناك, انا ولا مره سافرت امريكا لو اوروبا من قبل ولكن الحمد لله لغتي الانجليزية جيدة يعني راح اقدر اتواصل مع الناس هناك بدون اي مشاكل ان شاء الله

فياريت اخواني الا راحول امريكا يفيدوني, هل راح تواجهني اشياء معقدة وراح احتاج يكون معاي واحد لغته الانجليزية ممتازة و درس في امريكا من قبل؟ لو اقدر امشي اموري كلها لوحدي بدون مشاكل؟

سمعت ناس كثير يقولون اصعب شي بتواجهه سالفة البحث عن سكن بس انا الحمدلله سكني جاهز لاني راح اسكن في الجامعة, شنو رايكم شباب يعني اروح لوحدي والامور راح تكون سهله لو اخلي اخوي يجي معاي؟

• نشر عبر تويتر
• نشر عبر فيسبوك
• نشر عبر جوجل