الأعضاء الإشتراك و التسجيل

الملتقيات
ADs

استفسار البريد الممتاز وش العنوان الصحيح اللي أعطيه؟

استفسار البريد الممتاز وش العنوان الصحيح اللي أعطيه؟


NOTICE

تنبيه: هذا الموضوع قديم. تم طرحه قبل 1527 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ملكوت الوفاء
    ملكوت الوفاء

    مبتعث جديد New Member

    ملكوت الوفاء الولايات المتحدة الأمريكية

    ملكوت الوفاء , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى Computer Sciences , بجامعة University‏
    • University‏
    • Computer Sciences
    • أنثى
    • CA, CA
    • السعودية
    • Mar 2012
    المزيدl

    October 11th, 2013, 05:51 AM

    السلام عليكم

    ممكن أحد يفيدني ربي يجزيكم الجنة

    عندي أوراق مهمه راح ارسلها من السعوديه ان شاء الله عن طريق البريد الممتاز
    واكيد تعرفوا ان العناوين هنا نوعين

    1/ عنوان للبريد العادي البريد الأمريكي USPS
    2/ عنوان للبريد السريع Express

    وش العنوان الصحيح اللي اعطيه للبريد السعودي
    لأنه راح يعتمد على نوع البريد اللي يوصله داخل امريكا

    يعني هل يتم توصيله عن طريق البريد الامريكي او عن طريق بريد وسيط مثل الفيديكس او دي اتش ال
    لأنو أنا لو عطيتهم العنوان رقم 2 ممكن انهم يوصلونه عن طريق البريد الامريكي وبكذا ما راح يوصل

    اتمنى فهمتوني
    وشكرا لكم
  2. خلي عندك العنوانين، أو الشخص اللي يرسلها من السعودية يروح للبريد وعنده العنوانين، ويسأل موظف البريد من يقوم بإرسالها من المطار الدولي في أمريكا للعنوان؛ لأني ما أتخيل أن البريد السعودي عنده آلية توصيل خاصة به في أمريكا، أكيد أنهم يتعاملون مع شركات معينة.

    ولعل من له تجربة يفيدك أفضل مني.

    تحياتي،،،
    7 "
  3. وعليكم السلام ورحمة الله وبركاته ..

    إذا ارسلت الأوراق عن طريق البريد السعودي .. سيتم إستقبالها في أمريكا على البريد الأمريكي USPS ..

    وإذا ارسلت عن طريق الشركات الخاصه الأخرى مثل FedEX , UPS , DHL .. سيتم إستقبالها وتسليمها عبر نفس الشركه التي تم الإرسال منها !


    هذه هي آلية شركات الشحن بشكل عام ..!


    وأعتقد العناوين اللي تتكلم عنها ليست عناوين واما خدمات ..
    فخدمة البريد العادي تكون مدة التوصيل فيها اسبوع تقريبا ..
    اما خدمة البريد السريع .. فتكون مدة توصيلها خلال ثلاثة ايام !

    فسواء اخذت خدمة البريد العادي او البريد السريع .. العنوان الذي ستستخدمه واحد !

    يعني العنوان اللي اعطوك الجامعه علشان ترسل عليها الاوراق .. تستخدمه سواء استخدمت البريد العادي او السريع او حتى ارسلته عن طريق فيديكس او غيرها من الشركات الخاصه ! العنوان واحد !


    7 "
  4. ^^^
    اللي أعرفه أنه كثير من الجامعات فعلاً تضع عنوانين مختلفين تماما للبريد العادي والبريد السريع، ولو استخدمت العنوان المخصص للبريد السريع، وأنت مرسل الطرد عن طريق البريد العادي، ما راح يوصل. فالعنوان المخصص للبريد السريع هو عنوان مقر وليس عنوان بريد، والعنوان المخصص للبريد العادي هو عنوان بريد وليس بالضرورة يكون عنوان مقر. ومع ذلك، أحيانا قد يتطابق عنوان البريد السريع وعنوان البريد العادي؛ لأن عنوان المقر هو عنوان البريد الأمريكي.

    ولذلك، ما أبي أقول شيء ماني متأكد منه، بس أعتقد أن ما يرسل عن طريق البريد العادي من السعودية يتم توصيله لك عن طريق البريد الأمريكي USPS، وأما ما يرسل عن طريق البريد الممتاز، ففي غالب ظني أن البريد السعودي لديه اتفاقية مع شركة دي إتش إل (إذا صدق الموظف اللي قال لي هالكلام) والشركة هي من تقوم بتوصيلها داخل أمريكا.

    الحاصل: أعتقد أنه فعلاً يجب التأكد ممن يقوم فعلاً بإيصال البريد المستلم عن طريق البريد السعودي لاختيار العناوين المناسبة.

    أذكر أني كنت أراسل الجامعات لما كنت في السعودية، وكنت فعلاً أجد عنوانين أحيانا مختلفين تماما لمراسلة القسم، أحدهما للبريد الذي سيصل بالبريد الأمريكي والثاني بالبريد الذي سيصل عن طريق البريد السريع، ومن الأمثلة جامعة كولورادو، بولدر:

    For standard international mail or mail within the US, including USPS Priority and Express:

    Office of Admissions/International
    University of Colorado Boulder
    3100 Marine St Suite A122
    65 UCB
    Boulder, CO 80309-0065 USA

    Overnight/Express Mailing Address (DHL, UPS, Fedex)

    Office of Admissions/International
    University of Colorado Boulder
    3100 Marine Street - 65 UCB
    Bldg RL3 Suite A122
    Boulder, CO 80303-1058 USA
    303-492-6301

    وأذكر أني مرة أخطأت، أخذت البريد الخاطئ ورحت لفيديكس، وقام يسجل العنوان في الجهاز، وقال لي فيه خطأ في العنوان ما نقدر نرسله لك على هذا العنوان، طبعاً أنا وقتها عنّدت، وقلت له متأكد من العنوان، وأنا طابعه من موقع الجامعة، قال لي ما أقدر أقبله منك، حاولت يمين يسار، والله الفلبيني واضح، وقال لي: ما أٌقدر أتحمل مسؤوليته، ولما رجعت البيت وجدت أني فعلاً أخذت عنوان البريد العادي، ورحت له اليوم الثاني، وعطيته عنوان فيديكس، وقال لي: إيوا هدا كويس
    7 "
  5. حسيت أني ما وصلت المعلومة، لازم أرجع أوضح >>>> أستاذ جامعي عنده ذمة ههههه


    1) البريد السريع:
    تخيل أن مقر عملي في شارع كذا، عمارة كذا، غرفة كذا، هذا عنوان مقري، ويمكن أن أعطيه للبريد السريع؛ لأن الساعي راح يوصل لغرفتي ويسلمني البريد يدا بيد.

    2) البريد العادي:
    ولكن لا بد أن يكون هناك عنوان بريد، يمكن أن يترك ساعي البريد أي مظروف فيه، وقد يكون هذا العنوان هو نفس مقري، لكن قد يكون أيضاً يجمع البريد في مكان آخر، في الإدارة، ومن هناك يقوم بتوزيعه، فساعي البريد لا يأتي لمقري بل يتركه في الإدارة، فأنا أعطيه عنوان الإدارة، مع وجود اسمي.

    مثال بسيط:

    أنا في السعودية أسكن في حي كذا في الرياض، ولكن عندي ثلاثة عناوين بريدية، العنوان الأول عنوان سكني في الحي، وعندي عنوان عمل، وعندي عنوان شخصي للبريد.
    فعندما أطلب شيء يتم إيصاله عن طريق فيدكس، أقوم بوضع عنوان إما عملي أو عنوان سكني؛ لأن ساعي البريد سيأتي إلى مقري حيث أنا، دون الحاجة لترك البريد لي في مكان ما.

    أما ما يرسل من الفواتير والأشياء الأخرى عن طريق البريد العادي، فأضع عنواني الخاص في حي قرب الجامعة، وهو عنوان مركز بريد، فتترك لي المضاريف في مكانها، وآخذها بنفسي.
    7 "
  6. اها اللحين فهمت اللي تقصد ..

    الجامعات متعاقده مع شركات الشحن عموما .. وكل جامعه تلاقي فيها مكتبين شحن واحد حق USPS والثاني تلاقي فيه اما فيديكس او UPS ..

    وكل جامعه لها طريقتها بإستقبال الاوراق ..

    اللي اعرفه ان الاغلب بالجامعات ان عنوان ارسال الاوراق يكون واحد .. بس الجامعات الكبيره مثل كولورادو وغيرها .. تستخدم عنوانين !
    وهذا يعتمد على نظام تعاقدهم مع شركات الشحن عموما !

    بس مثل ماقلت .. لو ارسلها على البريد السعودي .. برضوه توصل على البريد الامريكي .. سواء استخدم البريد السريع او البريد العادي !
    ومادري عن كلام هذا اللي يقول متعاقد مع الدي اتش ال .. بس هذا اللي اعرفه .. ومتأكد منه .. إلا اذا فيه اشياء جديده في انظمة البريد السعودي تغيرت ! فهذا ماعندي علم فيه !

    وعلى كل حال .. مادام الجامعه معطيه عنوانين .. فراح تبين الجامعه اي عنوان يستخدم ..

    فمثلا لو كان يبي يستخدم البريد السعودي .. "سواء البريد العادي او السريع" .. يستخدم العنوان اللي مكتوب عليه standard international mail او USPS ..
    واما اذا كان يبي يستخدم بريد اخر مثل FedEx او UPS وغيرها .. فيستخدم العنوان الثاني واللي راح يكتبون فوقه انه مخصص للشركات الخاصه !

    هههههه اهم شي اني فهمت
    7 "
  7. المشاركة الأصلية كتبت بواسطة ابن بيت آل هليلة
    هنا سواليف عن اتفاقية بين دي إتش إل والبريد الممتاز، ما أدري عن صدقها من عدمه
    تعاون البريد الممتاز مع دي اتش ال بإرخص الأسعار ! - بوابة الإنترنت الرقمية ADSLGATE
    والله مادري عن وضع هالبريد السعودي .. يارجل اي شي ينتهي بـ "السعودي" اعرف ان ماله حل ! ولاراح تعرف له طريق ! وكل يوم جاي بوجهه جديد !

    انا ماحب اتعامل مع البريد السعودي .. ودائما اتعامل مع الفيدكس .. حتى الفيديكس بالسعوديه صاروا يبزوطون ..!
    بس لو تهددهم بالشركه الام ! ههههه والله يخلصون لك امورك بسرعه !

    علشان كذا انا احب اتعامل مع الفيديكس واليو بي اس .. لان اساساها من امريكا .. ولو حصل شي كلها تلفون واحد للشركه الام .. وهم يسنعون امورك !

    بينما البريد السعودي ! لو صار شي واحتجتهم .. كل واحد يقطك على الثاني ... واحتمال بعد مايفيدونك بشي ! ويسكرونها عليك !


    بس انا مستغرب شي واحد !
    شوف هالصفحه : ط§ظ„ط§ظ†ط¬ط§ط²ط§طھ
    هم متأكدين ان هالشهادات "أصليه" ؟
    7 "
  8. شكرا لك من تعاون منعي ورد على سؤالي

    بصراحة ردودكم حيرتني وافادتني كثير ومازلت اتسائل وش العنوان الصحيح اللي المفترض اعطيه للبريد السعودي والظاهر ان اللجوء لفيديكس هو الحل لأن اذا فيه احتماليه ان الشي يضيع ماودي اخاطر

    شكررا للجميع للمرة الثانية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.