لدي قبول في تخصص آلـ Engineering Technology Management ومحتار !!

السلام عليكم والرحمه
كل عام وانتو بخير بمناسبة عيد الاضحى وينعاد علينا بصحه وسلامه

طبعا قبل لا احط الموضوع بحثت لين احترت ومالقيت أي اجابة تفيدني
أنا قدمت في جامعة سيقناو في ولاية ميتشقن على قبول في تخصص
(engineering technology management)
والحمد لله ماخذ اسبوعين و وصلني
بس الغلطه الي طحت فيها اني مابحثت عن هالتخصص ب ولا شي قبل لا اقدم عليه
مابحثت عن سهولة وصعوبة, ولا عن مجاله الوظيفي في البلد وهل في له وظايف أو لا, ولا حتى بحثت عن هل هالتخصص من التخصصات اللي تقبلهم الدولة عشان تقبلك في الملحقية أو لا
ف أنا جيتكم الحين وانا شاد الظهر فيكم وأبغى منكم معلومات كافية وادري ماراح تقصرون معي

أسئلتي هي:
هل تخصص الـ (engineering technology management) تقبله الدولة عشان الملحقية أو لا؟
وهل التخصص ناجح وله مستقبل وظيفي أو لا؟
شنو طبيعة هالتخصص؟
شنو الشركات اللي ممكن تقبلني بهالتخصص؟
وآخر سؤال هو : وين أفضل, هالتخصص أو الـ Human Resources أفضل منه ؟

أتمنى ماتطولوا علي بالردود الوافية, وكل الشكر مقدم لكم.

وعليكم السلام والرحمة،
وانت بخير،
بصراحة هي غلطة لكن يمديك تعدلها! اعرف شباب كان يدرسون تخصص Engineering Management Technology - BS بكالوريس، خلال دراستهم السنوات الاولى، منعتهم الملحقية بامريكا من اكمال التخصص واجبارهم على تغير التخصص بسبب عدم توفر وظائف لهذا التخصص، و حسنة تحسب للملحقية، بصراحة هذا اللي كان مفروض يصير، التخصص غير مرغوب به ابدا، واذا ناوي تدرس هندسة، اختار تخصص معين وخذ دورات عن الادارة.

دعك من هذا الكلام كله، واتصل على الملحقية واتآكد بنفسك،
ودمت بخير

وعليكم آلسلآم ورحمة آلله وبركآته ..
وإنت بألف خير .. بخصوص إستفسآرآتكـ كلهآ .. مآعندي فيهآ علم لأن هآلتخصص مو مجآلي ..
لكـــن ..
بحكم إنكـ دخلت آلمنتدى وشرفتنآ .. وتبي تستفيـــد يآليت تفيد غير وتكون آلمنفعه متبآدلة ..
لأن غيركـ محتآس أكثر من وضعكـ ومو عآرف يدبر لـــه قبول !!
بمآ إنكـ وضعت مجموعة أسئلة, أنآ بسألكـ كم سؤآل بمجرد تشوف آلأسئلة يآليت تجآوب عليهآ ..

إنت أي مرحلة درآسية بتدرس .. بكآلوريوس مآستر .؟!
إيش إسم جآمعتكـ ..؟!
قبولكـ نهآئي أو مشروط ..؟!
إيش شروط آلقبول سوآؤ نهآئي أو مشروط ..؟!
كيف تحصلت عليه .. إنت قدمت بنفسكـ ..؟! وإيش طلبوآ منكـ ..؟!
أي شيء تقدر تفيـــد فيه غيركـ قوله .. مثل مآتبي تستفيـــد ..

بآلتوفيق ..

مشكورين شباب بس ماعطيتوني أي معلومات كافية حول التخصصين

وبالنسبة لاسئلتك "حروف متناثرة :

إنت أي مرحلة درآسية بتدرس .. بكآلوريوس مآستر .؟!
بكالريوس
إيش إسم جآمعتكـ ..؟!
saginaw valley state university
قبولكـ نهآئي أو مشروط ..؟!
قبولي غير مشروط
إيش شروط آلقبول سوآؤ نهآئي أو مشروط ..؟!
دامه غير مشروط ف من اعدي اخر سمستر لغة بعدها على طول جامعه بدون التوفل ولا شي
كيف تحصلت عليه .. إنت قدمت بنفسكـ ..؟! وإيش طلبوآ منكـ ..؟!
أنا صاحبي يدرس في هالجامعة, أرسلت له صورة من الشهادة الثانوية "لازم تكون مُصدقة" وصورة من الضمان المالي. وصورة من الباسبورت
وخلال اسبوع ويومين طلع القبول, وفي العادة ماياخذ أكثر من اسبوعين اذا كل أوراقك سليمة


وطبعاً للحين أنتظر منكم ردود وافيه حول هالتخصصين!

للرفع .. .. .. .. .. ..