تثبيت الراتب

سلام عليكم

ياجماعة الخير ساعدوني أنا في حيره من أمري
حالياً أنا موظف في القطاع الخاص وعندي رغبه أدرس بكالريوس في أمريكا
لكن المشكله أني مضطر اطلع على حسابي وماعندي حل غير أطلب قرض من البنك

طلبت قرض من بنك الراجحي وأفادني بالموافقه بشرط أجيب شهادة تعريف راتب وحاجه سموها تثبيت راتب
أنا عارف وش فايدة شهادة الراتب لكن تثبيت الراتب هو الي خوفني للأمانه ..


سألت الموظف وش المغزى من وثيقة تثبيت الراتب , قال عشان لما تجي تسوي مخالصه من الشركه ماراح تقدر تسويها ألا لما تسدد قرضك !

يعني بالعربي الفضيح أنسى أني أستقيل من الشركه وبتمرمط بينهم !

وش الحل ياجماعه
هل اسحب سيفون على الشركه عشان البنك يحطني بالبلاك لست وذا جيت اسوي جدوله ماليه وتمشي الامور ؟
انا لما ارجع للبلد شي طبيعي أني بقدم على وظيفه جديده هل راح يكون فيه مشاكل وقتها من ناحية فتح حسابات وتحويل راتب كموظف جديد ؟

البنك هل له صلاحيه يعطل مصالحي في البنوك الأخرى ؟

اللي اعرفة ان تثبيت الراتب هو نزول راتبك على البنك اللي اخترته
ماتقدر تغيرة لين تصفي حقوقك مع البنك ..

ما اتوقع الشركة يقدرون يسوون لك شئ ابداً
لانك لو استقلت بيوقفون راتبك وبكذا البنك هو اللي بيطالبك

أنا نفس وضعك بالضبط !! على من إني تقريباً خلصت أغلب أموري لكني إلا الآن متردد والله !!

( تمت المشاركة باستخدام تطبيق مبتعث )

تثبت راتبك يعني ما تقدر تغير البنك اللي ينزل عليه راتبك

غالباً الشركة ما تخليك تستقيل استقاله نظاميه و تصفي حقوقك منهم إلا لما تجيب إخلاء طرف من البنك ان ما عليك التزامات ماليه.

أحياناً الشركات ما تنتبه لهذا الشي و تمشي امورك

غير كذا الحل هو والله العالم ما يجوز , انك تفصل فصل من الشركه و البنك ما راح يقدر يسوي لك شي الا انه يزعجك بالتلفون و يحطك في القائمة السوداء في سمه (مؤسسة النقد)..

اذا فصلت من الشركة كن متأكد إن هذا راح يأثر عليك اذا جيت تتوظف مره ثانيه لأن ملفك لدى التأمينات الإجتماعيه يكون سيء ..


أخيراً : يا كثر اللي معي يدرسون سووا نفس الحركة :D و كلهم كانوا موظفين في نفس البنك اللي أخذوا منه قرض <<:D:D:D:D:D
نصيحة: اذا نويت كذا إقطع على نفسك عهد انك راح ترجع فلوس البنك عشان رب العالمين يوفقك بدراستك..

اقتباس:

---

المشاركة الأصلية كتبت بواسطة شهبندر المبتعثين

تثبت راتبك يعني ما تقدر تغير البنك اللي ينزل عليه راتبك

غالباً الشركة ما تخليك تستقيل استقاله نظاميه و تصفي حقوقك منهم إلا لما تجيب إخلاء طرف من البنك ان ما عليك التزامات ماليه.

أحياناً الشركات ما تنتبه لهذا الشي و تمشي امورك

غير كذا الحل هو والله العالم ما يجوز , انك تفصل فصل من الشركه و البنك ما راح يقدر يسوي لك شي الا انه يزعجك بالتلفون و يحطك في القائمة السوداء في سمه (مؤسسة النقد)..

اذا فصلت من الشركة كن متأكد إن هذا راح يأثر عليك اذا جيت تتوظف مره ثانيه لأن ملفك لدى التأمينات الإجتماعيه يكون سيء ..


أخيراً : يا كثر اللي معي يدرسون سووا نفس الحركة :D و كلهم كانوا موظفين في نفس البنك اللي أخذوا منه قرض <<:D:D:D:D:D
نصيحة: اذا نويت كذا إقطع على نفسك عهد انك راح ترجع فلوس البنك عشان رب العالمين يوفقك بدراستك..

---

جزاك الله خير على الرد, أكيد ناوي أرجعه لأن هذا حق والحق ماينزعل منه
أنا لو عندي سيوله نقديه ماضطريت لقرض من أساس ...


حالياً أفكر بتأجيل الأبتعاث شهرين إلى ثلاث شهور لأسباب شخصيه , السؤال هل بيترتب علي ضرر من ناحية القبول وإمكانية تأخير ضمي كمبتعث على حساب الحكومه لأني بكون متأخر عن صدور الميزانيه بفتره بسيطه ؟