مساعدة سياره في أمريكا والديلير

سؤالك غير واضح يالغالي

لقيت سيارة يعني ايش؟؟ بتشتريها كاش ولا اقصاد؟
ياليت توضح اكثر

لان بالعادة مايطلبون سوشل سيكورتي الا اذا كنت تبيها اقصاد

ايه ابيها اقصاد وعدلت الرد وتسلم على الرد والتنبيه

اقصاد للاسف يطلبون سوشل سيكورتي

بس فيه شباب هنا كثير اخذو سيارات من فولكس واجن بس طلبوا دفعة اولى ٣٠٠٠ دولار واقصاد ٣٠٠ شهرياً
طبعا ماطلبوا منهم سوشل سيكورتي …

صحيح شركة فولكس ويجن بكاليفورنيا ماتطلب سوشل ..
قريبي طلع منها سياره اقساط قبل شهر تقريباً ...,

اما بخصوص بقية الشركات .. فهي تشترط سوشل سيكورتي .. مثل ماقال الغالي "كنت أحبك"..

لكن .. تقدر تروح للمعارض "ديلر".. وتاخذ منهم اقساط .. بعض المعارض ماتشترط سوشال ..
بس يبيلك تسأل المعارض وتشوف اي وحده ماتشترط سوشال ..
غالبيتهم "حتى اللي يطلبون سوشال" .. إذا شافوا الرجال بيدفع ماعنده مشكله .. قالوله ادفع 70% من القيمه .. والباقي تقسطه عليهم لمدة سنه او سنتين !
(وهذا ماحصل مع احد الشباب في مدينتي) .. كانت سيارته بـ 12 الف دولار .. دفع لهم 8000 دولار .. بعدها كمل الباقي اقساط ..

أما مسألة انك تبحث عن واحد معه سوشال .. فهذي صعبه .. لان اللي يقسطون بالسوشال .. مو اي سوشال يقبلونه !
يعتمد على حسب النقاط بالسوشال .. إذا كانت نقاطه عاليه اعطوه اقساط .. واذا كانت منخفضه رفضوه !
وغالب الطلبه السعوديين اللي معهم سوشال .. نقاطهم منخفضه ! لان النقاط ماترتفع الا بعد سنوات !
فلذلك ماراح يفيدك الموضوع بشيء !

الاقساط في امريكا بشكل عام مثل طريقة الاقساط في السعوديه الا انهم مشددين فيه اكثر
يعني بالسعوديه ماتقدر تاخذ اقساط من بنك الا اذا كنت موظف ولا تقدر تاخذ اقسط من البنك نفسه اذا كانت عندك مشكله
بامريكا ماتقدر تقسط الا اذا عندك سوشل يعني عندك نقاط نظيفه وحلوه من ناحية الوظيفه ولا مستلزماتك الماليه الاجارات وغيره

مثل السعوديه بعض المعارض يقسطون لك السياره من دون اي شي يضمن انك تدفع لكن يخلونك توقع اوراق كثيره تدخل في داهيه اذا ماسددت