عرض للطباعة
السلام عليكم
هل تغيير التخصص من ادارة اعمال للماجستير الى تخصص في التربية ومعتمد من الوزارة ويعتبر امتداد للبكالوريوس حقي سهل او صعب من الملحقية
على الرغم ان التخصص في نفس الجامعة يعني راح اطلب تغيير تخصص فقط وليس تغيير جامعة وتخصص
وعندي قبول اكاديمي كامل وغير مشروط
ابي اجابة من خبرة في تعامل الملحقية في تغيير التخصص خصوصاً اذا كان امتداد للتخصص السابق
الله يوفقكم جميعاً
إذا كان التخصص معتمد في جامعتك الحاليه وغير متكدس .. فغالبا يقبلون الطلب وماعندك اي مشاكل بإذن الله ..
الآن اللي عليك انك تسويه تكلم المشرف الدراسي وتعلمه بالتخصص اللي تبيه والاسباب حتى يوافق لك على التغيير ..
لو رفعت طلب تغيير تخصص أو غيرت التخصص بدون علم المشرف راح يرفضه وتطول السالفه على مايغيرونه لك ..
لذلك من الافضل انك تكلم المشرف وتاخذ منه الاذن بتغيير التخصص وتعلمه بالاسباب .. وبالتالي راح يقولك ارفع طلب تغيير تخصص ومعه الاوراق المطلوبه وراح يتم تغيير التخصص !
الله يعطيك العافيه اخوي محمد
انا طلبت ضمان مالي بغرض القبول من المشرفة حقتي بتخصص تكنالوجي منجممت ورفضت
قالت مااقدر اعطيك ضمان مالي الا لتخصصك اللي في البوابة اللي هو ادارة اعمال او تخصص امتداد لك البكالوريس وطلبت صورة من الوثيقة
المهم طلبت ضمان مالي بتخصص التدريب التربوي في الجامعة اللي انا فيها وأرسلت لي الضمان اللي هو بغرض القبول فيه اسم الجامعة والتخصص التدريب التربوي
بس كل الكلام هذا قبل فترة سنة
والحين عندي القبول النهائي ودراستي تبدا في ٢٠١٤/١/٨
تنصحني اسوي طلب تغيير تخصص من البوابة والا استنى الى وقت الدراسة واحط الملحقية امام الامر الواقع
انا اخف الملحقية ترفض
استنى ردك
( تمت المشاركة باستخدام تطبيق مبتعث )
اقتباس:
المشاركة الأصلية كتبت بواسطة أبو ثامر 1
مادامها اعطتك الضمان المالي بغرض القبول على تخصص التدريب التربوي .. فمعناته بإذن الله راح يكون طلب تغيير التخصص بيكون مقبول ..
لكن اللي عليك انك تسويه .. إنك ترجع وتكلمها وتعلمها بأنك معك قبول نهائي بالتخصص وكل شي .. حتى تعطيك الموافقه النهائيه .. واذا بديت دراستك .. ترفع طلب تغيير تخصص .. لانهم راح يطلبون منك ورقه تثبت التخصص الجديد من الجامعه .. فبالتالي انت ماراح تقدر تغير التخصص الا بعد بداية الجامعه علشان تكمل بقية الاوراق !
يعنني التخصصات التربوية مسموح الدراسة فيها اخوي محمد
يعني مااقدر اسوي تغيير تخصص الا بعد بداية الدراسة
انا مع الاي توني الحين
( تمت المشاركة باستخدام تطبيق مبتعث )
طالما ألمشرفه أعطتك الضمان المالي بغرض القبول لتخصص التدريب التربوي .. فمعناته امورك تمام .. وحتى لو رفضوا تقدر تحاجهم بالضمان المالي بغرض القبول وان المشرفه ماصرفته لك الا انها موافقه على التخصص .. وبالتالي يتغير غصب عليهم !اقتباس:
المشاركة الأصلية كتبت بواسطة أبو ثامر 1
واكيد ماراح تقدر تغيير التخصص الا بعد بداية الدراسه حتى تكمل الاوراق الجامعيه المطلوبه في الملحقيه ..
ارفع طلب إستفسار للمشرفه وعلمها .. يمكن تغير لك التخصص وتخلص امورك قبل تبتدي الدراسه .. "يعني ممكن تكتفي بالاي توني "..