ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني ؟
السلام عليكم و رحمة الله و بركاته,,
ارسلت جوازي لتمديده الى القنصلية السعودية في لوس انجلوس في كاليفورنيا و بعد ما استفسرت منهم عن الجواز , قال مسؤول القنصلية لازم افتح حساب في فيديكس و ادفع قيمة الارسال للجواز من عنوان القنصلية في لوس انجلوس الى عنواني, استفسرت من فيدكس عن هالخدمة و ما عندهم اي علم عنها . قالوا لي لازم نعرف الوزن الباكيج اللي بترسله حتى تعرف كم سعر الشحن .
الله يجزاكم خير ساعدوني ,, شايل هم الجواز لاني ارسلت الاصل ..
رد: ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني
اللي اعرفة انك تسويها يوم ترسله في البداية
تقول لهم ابي ادفع حق الروحة والرجعة …
لكن في حالتك هذي ان شاء الله يفيدوك اللي مروا بنفس التجربة
او اتصل مرة ثانية على القنصلية وقول لهم كيف اسويها
اكيد عندهم خلفية ..
رد: ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني
السلام عليكم
الصراحه ما اعرف وش اسم الخدمه
لكن تروح لفيديكس وتقول لهم ان فيه بريد بيجيني من العنوان (عنوان السفاره) على عنوانك وانك تبي تدفع تكاليفه
راح يسوون هولد على مبلغ تقريبي على بطاقة الفيزا حقتك واذا وصل البريد راح ياخذون التشارج النهائي
الطريقة الثانيه تدخل على موقع فيديكس وفيه فوق الصفحه مكتوب Ship تحط الماوس عليها وبعدين تختار Create Shipment وبعدها فيه على يمين الصفحه Create a one-time creidt card shipment وتعبي البيانات المطلوبه
طبعا الــ"from" اللي هو عنوان السفاره والـــ"to" اللي هو عنوانك
رد: ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني
الاخوان ماقصروا صراحه ...
بس اللي مستغربه ان القنصليه المفروض انها ترسله سواء دفعت حق الرجعه او مادفعته !
لان بإمكانهم يرسلونه على فيديكس .. ويخلون الدفع وقت التسليم "يدفعها المستلم" ..
مادري ليش مايسوون كذا ويريحون العالم من هالمرمطه !
رد: ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني
اقتباس:
المشاركة الأصلية كتبت بواسطة محمد فهد ..
الاخوان ماقصروا صراحه ...
بس اللي مستغربه ان القنصليه المفروض انها ترسله سواء دفعت حق الرجعه او مادفعته !
لان بإمكانهم يرسلونه على فيديكس .. ويخلون الدفع وقت التسليم "يدفعها المستلم" ..
مادري ليش مايسوون كذا ويريحون العالم من هالمرمطه !
هم يطلبون منك ترسل جوازك مع خدمة الذهاب والعوده لان استلام الجواز يكون عن طريق الفرع او عن طريق الشخص نفسه ويكلف اكثر من البريد العادي
لان البريد الامريكي يحطه بالصندوق وبعض الصناديق تكون من دون اقفال
وشي ثاني اذا السفاره ارسلوا الجواز وما استلم البريد صاحب الجواز لمدة معينه الجواز بيرجع للسفاره مره ثانيه وراح يدفعون التكاليف هم
والخدمه اللي يستخدمونها شركة فيديكس يتصلون على صاحب الجواز ويبلغونه ان البريد رجع ويأكدون عليه بالحضور اذا ما استلم الجواز
رد: ممكن مساعدتكم في توضيح طريقة الدفع المسبق عن طريق فيديكس لارسال الجواز الى عنواني
"كنت احبك ,Hayway , محمد فهد" ما قصرتوا و الله يعطيكم العافية, الله يجزاكم خير و يفرج عنكم و يسهل اموركم ,, رحت لفيديكس و فتحت حساب عندهم مع رقم حساب خاص فيني اعطيه للقنصلية و عن طريقه يرسلون جوازي , طبعا الرقم هذا ارسلته مع بيانات عنوان بريدي على ايميل القنصلية اللي عندهم جوازي .