-
نصايحكم لي ؟
السلام
ابي اسال تنصحوني بالبعثه ولا ادرس هنا لاني سمعت ان المبتعثين يروحون جامعات سيئه ويروحون ويرجعون ولا يلقون وضايف ؟
عشان ما ودي اضيع عمري لو كنت بروح لجامعه سيئه
وسمعت ان المبتعثين يروحون ويرجعون وياخذون اعلى الدرجات وهم مو فاهمين شي يعني جايبين درجات عاليه بسبب ضعف الجامعه ؟
انتم وش تنصحوني
ولو رجع فيك الزمن تطلع ولا تدرس هنا ؟
-
رد: نصايحكم لي ؟
عن رأيي الشخصي ..
مافيه شي اسمه جامعات سيئه وجامعات ممتازه !
لان المناهج في امريكا موحده .. هذا غير ان الجامعات بشكل عام كلها تكون تحت نظام واحد ..
يعني لو فيه جامعه سيئه فعلاً .. ماكان سمحت فيها الحكومه بإنها تكون موجوده .. وكان تقفلت من زمان !
الأنظمة في إنشاء او بقاء المنشآت التعليمية في أمريكا صارمه في هذا الخصوص ..!
هذا امر ..,
الأمر الآخر .. يعني تبي تقولي إنك ماتقبل تدرس الا في افضل عشر جامعات امريكية ؟ واحنا نجي من مدارس حتى "الفيران" تدرس مع الطلاب!؟
والله انا استغرب يعني هاللحين اللي يشوفنا يقول هذولا شهاداتهم من مدارس تعليمية ممتازه عالمياً .. وفي النهايه لاهي ممتازه لا أكاديمياً ولا معيشياً ولا .... الخ !
ويتخرج منها الطالب "ماهو فاهم" ولا نقطه من اللي درسها ! .. وبالنهايه يقولك انا بادرس بافضل عشر جامعات بالعالم ؟!
يعني تبي تقول انك توك تفكر بنفسك ! .. طيب فكرت بنفسك اللحين كويس ماقلنا شي !
تتوقع انك لو درست فيها راح ترجع وتلاقي الوظيفه اللي راح تناسب "مسمى" شهادتك ؟! او حتى تخصصك ؟!
اذا تعدل نظام التوظيف في السعوديه .. واصبح "نظام المحسوبيات" و "أكشط واربح" ملغيه .. وقتها تعال وتشرط وفكر هذي جامعه وهذي جامعه !
وبعدين هذي الامور ماتفكر فيها الا اذا كنت على رأس عمل فعلياً في أحد الدوائر الأكاديمية .. اما انك رايح تدرس وانت طالب من الاساس .. فماراح ينفع هالتفكير بشيء !
وللمعلومية .. الطالب السعودي يبقى طالب سعودي حتى لو هو يدرس في جامعة هارفارد ..
فاللي تعود على الإتكاليه .. والأخذ بملخصات .. والنقل من أجابات هذا وذاك ..
فراح يبقى يزاول مهنته العمليه وين ماكان ! ولا راح يفكر حتى يغيرها !
هذا رأي شخصي ويبقى خاص فيني .. ولا أقصد أحد بعينه .. وإنما هو كلام يدور بيني وبين نفسي فيما أرى !
وهذا لايعني انني كامل .. فما الكامل الا وجهه سبحانه .. وانا مثلي مثل الباقين ويمكن اردى بعد .. بس "إلى متى؟" !