مساعدة أستفسار بخصوص شحن السيارة الى السعودية

استخدم البحث الدقيق ..
فيه مواضيع تكلمت عن شحن السياره من امريكا الى السعوديه والعكس ..
يرجى مراجعتها ..

امر اخر ..
شحن السياره من امريكا للسعوديه .. وشحنها مره اخرى من السعوديه لامريكا ..
راح يطلع عليك اكثر من قيمة السياره !
لو بعتها واشتريت وحده بعد ماترجع لامريكا .. بتوفر على نفسك ..

اخويا انا سيارتي فورد موستنق 2013 قيمتها حوال 30 الف دولار
مو معقولة يكون الشحن غالي لدي الدرجة

 المشاركة الأصلية كتبت بواسطة A.hassanin

اخويا انا سيارتي فورد موستنق 2013 قيمتها حوال 30 الف دولار
مو معقولة يكون الشحن غالي لدي الدرجة

اليوم قابلت لي واحد من الشباب صارله كم يوم شاحن سيارته ويعلمني بتجربته ..

الشحن من أمريكا إلى السعودية غالباً يكون قيمته مابين الـ 1400 و 2000 دولار ..
يتم شحنه عبر الشحن البحري .. ويوصل للسعوديه بعد اربعين يوم ..

اللي تحتاجه في الشحن فقط التايتل الخاص بسيارتك وايضاً اسم الشخص اللي بيستلمها في السعودية ..

الشيء الجديد هنا .. إن السعوديه الان صارت متشدده بمسألة استيراد السيارات من أمريكا ..
على حسب كلام الرجال يوم راح يبي يشحن سيارته ..
يقول ان السعوديه تمنع شحن السيارات اللي كانت لاي قطاع حكومي او خاص " مثل سيارات الشرطه , سيارات الايجار , سيارات الشركات الاخرى .. الخ" ..
حتى لو ان السياره باسم الشخص ..

لابد ان تكون السياره من الاساس شخصيه .. يعني اما انك تشتريها من الوكاله مباشره او انك تشتريها من شخص استخدمها ..

ايضا لو طلع على السياره اي حادث "لو خدش بسيط" .. أو حتى السياره غرقت او من هالقبيل وصلحوها ... برضوه يمنعونها !
حتى لو السياره مسمكره من والى وكانها وكاله .. هم يشيكون على سجلاتها من الكارفاكس ! لو عليها اي شي خلاص يمنعونها مباشره !


وغيرها من القوانين اللي جد تحكر الواحد بزاويه !


انا حبيت اذكر اللي قالي الرجال حتى اضيف المعلومات للعامه ..


بالنسبه لوضعك .. إذا كانت هذي الفتره اشهر بسيطه .. فأنصحك إنك تحطها في Car Storage .. ليما ترد مره ثانيه ..
وماراح تكلفك هذيك الحكايه .. بالعكس القيمه اللي بتدفعها في الكار ستوريج .. ماراح تجي ولا ربع القيمه اللي بتدفعها بالشحن رايح جاي !

تحطها بالستوريج وتغطيها بطربالها وتسكر عليها وخلاص تبقى في الحفظ والصون ليما ترد بالسلامه ان شاء الله ..

هذا والله اعلم ..,

شكرا ليك اخي الكريم
أفدتني جدا . وشكلي حا اشوف موضوع الكار ستوريدج
الله يوفقنا جميعا

وعليكم السلام ورحمة الله وبركاته
شحن السياره من امريكا للسعوديه سهل مايحتاج الا التايتل مثل ماقال الاخ محمد فهد والمده من شهر الى شهرين غير التخليص الجمركي
لكن المشكله الشحن من السعوديه لامريكا حتى لو انها مصنوعه في امريكا وشاريها من امريكا ومادري ايش اذا جيت تشحنها شركة الشحن لازم تطابقها مع موصافات استيراد السيارات في امريكا وبيطلعون لك مية عله وعله
فيه موظف في دبي امريكي شاحن سيارته اكاديا من امريكا ويوم جاء بيرجع لامريكا شركة الشحن قالوا له ادفع لنا 7500 دولار علشان نعدل موصافات السياره وندخلها امريكا
مع انه شاريها من امريكا ولا غير فيها ولا شي
مشاكل شحن السياره الى امريكا كثيره والمده نفس الشي
يعني بتقعد تقريباً شهرين لين توصل للسعوديه واذا شحنتها لامريكا بتقعد شهرين ثانيه
غير رسومات التخليص الجمركي الامريكي

السلام عليكم...
يعطيكم العافية جميعاً وبالاخص الاخوان اللي تفاعلو مع الموضوع و ردو عليه
انا عندي استفسار حول هاًلموضوع ايضاً وياليت اللي عنده فكرة يفيدني
هل مسموح لي اشتري اكثر من سيارة واحدة واشحنها للسعودية؟

اصحابي يقولو يبغو سيارات من هنا من امريكا.. وفيه واحد قريب لي يقول انتبه يمكن مو مسموح لك وبعدين يسحبو فيزتك !!
انا مرافق مع اهلي وادرس بمعهد لغة حالياً وفيزتي إف ون
وشكراً

وعليكم السلام
الموضوع هذا مثل موضوع شحن بعض الاغراض معك بالطياره لامريكا
اغلب الاحيان يمشون الاغراض لكن بعض المرات ونادره يصادرون الاغراض

يعني انت وحظك اذا شكوا فيك راح يلغون فيزتك او يرحلونك او يحققون معك ويمشونك
بشكل عام مو ممنوع اذا شريت اكثر من سياره راح تجيك تحويلات كثيره دوليه بمبالغ ماليه كبيره غير كذا تشتري سيارات وترسلها للسعوديه كثير ناس بتقول لك عادي ولا تخاف وهم مجربين لكن الحكومه الامريكيه لها الحق انها تلغي فيزتك بحكم التجاره او تحقق معك بتهم كثيره "تهريب، غسيل اموال وخرابيط واجد" انا ما اكبر الموضوع بس اعطيك اخطر الاحتمالات حميدان التركي كان مسوي شي كثير من الناس تسوي مثله اللي هو استقدام خادمه واخرتها انقلب الموضوع ضده فاللي يقول لك لاتخاف ولا عليك وماجاني شي ماراح يفيدك اذا طحت في مشكله عويصه