عندي استفسار عن دراسة الصيدلة بامريكا

السلام عليكم
أنا حابه ادرس برا في البداية كنت اقول أبي ادرس طب او صيدلة بالامارات وأهلي شجعوني بس بعدين رفضت أسافر بروحي لكن الحين قررت ادرس صيدلة واصير دكتور صيدلة لان هالمجال احسه ممتع وحلوه مع العلم طلعلي هندسة هني بالكويت لكني رفضت لان الهندسة بالكويت يخرجونك كتابة واحسها دراستها مو ممتعة وصعبة و دكاترتها مزاجيين وحابه ادرس برا لكن ابي اعرف اختبار التوفل امتحنه اول ما اقدم اوراقي ولا بعد ما أسجل أدرس6 شهور لغة بعدين امتحن لأن انجليزيتي جيدة بس خايفة من التوفل عفية ساعدوني علشان أقنع اهلي ادرس برا بامريكا او بالامارات أدري طولت بس شسوي لازم اقول قصتي علشان تتفهمون وضعي وشكرا

وعليكم السلام ورحمة الله وبركاته ..

عفيه بنساعدج لاتحاتين أختي :cool:

بالنسبه لوضع التوفل او الايلتس ...
فأنتي بإمكانج تدرسين لغه في معهد .. ومن ثم تجيبين درجة التوفل او الايلتس .. وتقدمين على الجامعات وييج قبول منها !