مساعدة ياشباااب بالله ابي مساعدتكم انا صار لي ايقاف صرف

ههههههه اشوفك من اليوم ملخبط بقوه الله يكون في عونك يارب معذور يابعد راسي
طيب يابو فهد يعني التواريخ تمام انشاء الله.
تكفى وانا خوك شيك عليهااا مره ثانيه طيب كيف تاريخ نهايه اتأجيل؟..

الله يعين وانا اخوك خلها على ربك بس ..

بالنسبه للتواريخ ,
فتأكد منها من خلال بداية دراستك الفعليه ..
يعني انت الفصل الجاي في أي تاريخ راح تبتدي فيه بالضبط ؟
وفصل الـ Fall 2013 .. اللي مادرسته .. متى كانت بدايته في المعهد ونهايته !؟

هو عادة الـ Fall 2013 .. يبتدي من شهر August وينتهي في شهر ديسمبر !

لكن انت لابد تتأكد من تاريخ بداية فصل الـ Fall 2013 ونهايته من المعهد .. !

اامين يارب
انا ابي ابدا في الفصل الجاي في تاريخ 13/1/2014
وفصل Fall 2013 الي مادرسته كانت بديته 1/9/2013 ونهايته الين يومك هذا الي هو 22/12/2013

أجل تحط فترة التأجيل من 1/9/2013 ونهاية التأجيل 22/12/2013

وتحط في بداية الدراسه المتوقعه 13/1/2014 ..

ياشيخ روح الله يفتحها في وجهك ونور درب امين ويسر امر مثل مايسرت امري اللهم اجعلهاااا في موزين اعمالك....
اللحين ابرفع الطلع انشاء الله واذا رد علي المشرف ابقولك تراني ماني مخليك وراك وراك هههههه
انا طامع في الفروقات حقت المده الي معطونيهااااا ترى لك نصها اذا اعطونيهاااا هههههههههههه

آمين يارب ولك بالمثل ,
ارفع الطلب ونشوف رد المشرف بكره ان شاء الله وقت الدوامات ..
وقول يارب ..
وان شاء الله تتيسر امورك ..

مساء الخير ابوفهد انشاء الله تماام
ياخوك من امس المشرفة ماحركت المعمله ولاشي على قلتهم اقووى سيفوون واليوم الساعه 11ظهر تذكرتنا ومشت عند المدير الاقليمي و واقفه ماتحركت والله ياخوك ذهولي مدري وش يحسون فيه ياخي مايدرون وش المعناه الي إنا فيهاا بس وش تقول والي يقهرك اذا العمليه فيها رفض تلقى المشرف على طول صقع في وجهك عدم قبول حتى لوترسله الف رساله يرد عليك بأسرع شي ويعطيك عدم قبول ولا يتأخر يعني عشان الدعوه فيها رفض واذا المعمله ماشيه يجلس يلطع في الى جابوك طيب مو حرام الي يسونه ليه ماردو امس طيب ياخوك مانقول الى لاحول ولاقوه الى بالله والمشكله بكره اجازه عندهم صح حقت الكريسمس ولا هم ردين الى السنه الجديده. ياخوي والله ماندري وش اسواااه. طيب ابوفهد كذا المعمله ماشيه انشاء الله ماترفض الانها اللحين عند المدير الاقليمي؟

هههههههههه توك ياحبيبي مابعد شفت شي !
اللحين انت تعتبر "تحت التأهيل" .. بعد ماتكمل سنه مع الملحقية .. تصير " طالب مجاهد" ..
تكمل السنه الثانيه .. وتصير " طالب مغامر" ...
السنه الثالثه .. تصير " طالب إنتحاري " ....
السنه الرابعة .. تصير " طالب صنديد" ..
سنة التخرج .. تصير "طالب منتصر" ... هههههههه

هذي المراحل اللي انا اشوفها في الملحقيه هههههههه اصعب مرحلة هي المرحلة الثالثه والرابعه ! لانها هي اللي تجننك بشكل كبير مره !

فلذلك , تصبر ولا عليك توك في بداية الطريق ياحبيلك !

طالما الطلب وصل للمدير الاقليمي .. معناته اوراقك سليمه وكل شي عندك سليم وينتظرون فقط توقيع المدير الاقليمي على المعاملة ...

فيه طريقه انا اسويها اذا جيت ارفع طلبات ..
اذا رفعت الطلبات وانا متأكد من صحة الاوراق وان مافيه شي ناقص ..
ارسل ايميل للمشرفه , واقولها انا رفعت الطلب الفلاني اليوم وارفقت فيه الاوراق الفلانيه .. لاجل الشي الفلاني ..
والايميل يوصل للمشرفه تشوفه وتشيك على الطلبات مباشرة وتخلص الامور ..
هذي الطريقه اللي انا ماشي عليها .. ولا تلفون ولا شي ..

المشرف اللي عندك باين عليه ممتاز من كلامه لك .. خدوم ويساعد مايقصر .. فلذلك حاول انك ماتتصادم معه بشي وتكسبه ..
واتبع نفس طريقتي .. فقط تأكد من اوراق الطلب اللي تبي ترفعه .. واذا شفت كل شي كامل .. ارفع الطلب ..
وارسل ايميل للمشرف .. اكتب له انك رفعت الطلب الفلاني .. علشان كذا وكذا .. وهو يخلصها لك على طول ..
وبهذي الطريقة تخلي المشرف على علم باللي انت مسويه .. حتى مايقعد يشيك على ملفك كامل لاجل يعرف ليش انت رافع الطلب !
خلاص انت تعلمه انا رفعت الطلب الفلاني وارفقت فيه الاوراق الفلانيه .. لاجل الشي الفلاني ..
وبالتالي المشرف يعرف ان هذا الطلب مخصص للشغله الفلانيه .. فيروح مباشرة لهالشغله يشيك عليها ويرجع يشيك على الاوراق بطلبك ويمشي امورك ..
لان المشرف عنده اكثر من 500 طالب ! وين يلحق بينهم ؟!
فلذلك لابد انك تخليه على بينه باللي سويته حتى تسهل عليه شغله ويسهل عليك امورك ..

هذي الطريقة ترى ماستخدمتها الا هالسنه ... السنوات السابقه كنت مثلك اقعد بالايام الطلب معلق عند المشرفة ..
ولما بديت افكر في هالموضوع جات ببالي هالطريقة .. وقلت اطبقها .. وطبقتها ونجحت لله الحمد .. وصارت الطلبات ماتطول عند المشرفه مثل اول .. خلاص يجيها الايميل بعد ساعه الامور مخلصه بإذن الله ..
لان ترى بعض المشرفين اذا ماعرفوا ليش رافع طلبك .. يخلونك تنتظر .. لانهم يأجلون سالفة التشييك على ملفك لوقت ثاني .. وبالتالي تطول السالفه ..

ايضاً نظام الطلبات يكون مستقل عن المشرفين .. يعني مايدري كم طلب جاه اليوم .. مجرد يبتعد عن جهازه .. خلاص مايعرف اذا فيه طلبات جديده او لا ..
فبالتالي الايميل هو الوسيلة السريعة اللي تنبه المشرف بأن الطالب رفع طلب وتعرف تفاصيل الطلب من الرساله نفسها .. وبالتالي بسرعه تخلص اموره ..



حالياً , مالك الا تنتظر حظرة جناب المدير الاقليمي .. ولا اعتقد راح يرد عليك اليوم طالما انه مارد عليك للان ...
يعني السالفه بتطول ليما بعد الاجازه !

هلااا ابوفهد معليش تاخرت في الرد ماكنت موجود.
ههههههههههههههههه تشوف كذا اجل
انا الحين تحت التأجيل بعد مايوافقون اصير مجاااهد. والله انك جبتهاااا صح اجل الحين انت خبره ماشاء الله عارف كل شي عقبال مانصير منتصرين امين.
ابشرك شيكت قبل شوي ولقيت الطلب مقبول الحمد لله بس فيه شي كتبين لي في الملاحظه (الموافقه بناء على راي اللجنه على تاجيل البعثة لمدة اربعة اشهر تقديرا لظروفه المشار اليها اعلاه شريطة عدم الصرف عليه او ترتب اية مستحقات ماليه مثل الرسوم الدراسية وغيرها خلال فترة التاجيل المطلوبة) يعني مايمدي اخذ الفتره الي اجلتها
( الفلوس). اوك ابوفهد اللحين وش اسوى الطلب مقبول؟

الحمدلله ,
الملاحظة اللي جاتك تعني ان الملحقيه بتوقف عليك الصرف بشكل كامل .. لا راتب ولا دراسة .. وبعد نهاية فترة التأجيل مايحق لك تطلب صرف فروقات فيها !

خلاص انت كذا امورك الان تمام مع الملحقية ..

انتظر بس ليما تبتدي دراسه .. وعقبها ترفع طلب "عودة من التأجيل" ..
وترفق فيه القبول واوراق المعهد .. وبقية المتطلبات اللي راح تلاقيها في صفحة الطلب ..

وعلمني انت اللحين وضعك وشلون ؟

يعني اللحين انت بتكمل في معهد ؟ او في جامعه ؟
واذا كان معهد .. هل المعهد اللي بتكمل فيه مسجله عند الملحقية ؟ والا باقي ؟
ونفس الكلام للجامعة .. وهل التخصص نفسه او مختلف لو كنت بتكمل بالجامعه ؟


لان كل حاله لها طلباتها الخاصة !