استفسار لدي مخالفة سابقة بأمريكا وأرغب في العوده من جديد، هل هناك عقوبة؟

والله مااعرف شكلك مسويه مشاكل امزح امزح

ابد ياخذونه مباشره على سجن ابو غريب !


مايعملون له شي .. بس أحتمال يلغون فيزته لو عليه مخالفات كثير ولا سددها ..
مثل ماحصل مع اخوي .. رجع السعوديه ولقا فيزته ملغيه !
ولكن مو شرط ..

على حسب حجم المخالفة ونوعيتها ....

إذا كانت خاصة بالشقق والإيجارات الوضع طبيعي إن شاء الله

أما غير كذا ف أتوقع أنه لازم مايقرب

بعدين ليه الواحد يطلع من أمريكا وما يسدد مايدري أنه راح يرجع لها ؟؟؟

أتذكر فاتورة تي موبايل ماسددتها وأزعجوني عليها بالرسايل لين حولوها لمكتب تحصيل وبدأ يهددني بالفيزا ولا عطيته شيء وأرسل بالأخير سدد لنا النص ومسامحينك بالباقي ولا عطيتهم شيء وهذا أنا أطلع وأدخل ولا علي أي ملاحظات .

المخالفات المرورية أتوقع أن عليها علامة إستفهام ؟؟؟

اذا كانت مخالفه قديمه , فـمن الطبيعي انه جت عليه عقوبة عدم حضور المحكمة(field to appear) والقاضي في الغالب يرفعها الى $2000 او اكثر واحياناً توصل 10 و20 الف ,بعدها القاضي يسوي عليه bench warrant وهذا امر القاء القبض وهذا لايمكن انه ينشال الا بحضوره للمحكمه ومقابلته للقاضي , وحتى لو كان عليه warrant يقدر يدخل لأمريكا يعني ماهو سبب يمنعه للدخول , اما بالنسبة للاستخراج الفيزا , هذا الموضوع بيد السفارة اما تستخرج له ام لا.

والله القضاء يخوف بأمريكا
الله يستر
الا أبسألكم فيه تفاتيش بأمريكا واثباتك وهالحركات هذ

ايه فيه ...

لكنه يعتمد على نوع التفتيش ..

فمثلا نقاط التفتيش ماتشوفها الا اذا كان فيه بلاغات ويبحثون عن شخص ..

اما البقيه .. فغالباً مايوقفك الشرطه الا اذا فيه مخالفه او شك فيك ..
يوقفك ويطلب الرخصه والاستماره ... ولو لقا عليك اي مخالفه حررها عليك ..

تفرق اذا كان مخالفات مرورية لو ماسددها خلال مدة معينة غالبا تكون من شهر لثلاث شهور على حسب الولاية تروح للقاضي ويطلب امر تحضير وبكذا يصير عليه بلاغ يشيلوه من مكانه ويخرج بكفالة ويقابل القاضي ويسدد

اما اذا كان هو خارج امريكا اذا كانت المخالفة دوبها صايرة يسدد او يخلي احد من اصحابه يسدد

اما اذا كان لها وقت طويل يدور في النت على محامي بخصوص قضايا المخالفات المرورية ويقوله اش يسوي ممكن يحاسب المحامي بمبلغ ويروح المحامي المحكمة بداله ويسدد ويسوي كل شي عنه

اتمنى اني افدت

وشكرا

الصراحه انا مثلك او ودي اسئلكم وياليت الي عنده خلفيه يفيدنا انا كنت رائح انا او واحد من اخوياي من سانتا باربارا الى سان ديقو رحله تمشيه المهم كمت ماشي 80 ميل مسرع الصراحه والله او ماشي مدري الى شرطي وراي مشغل السفاتي وانوار ودنيا ومشغل المكرفون يقولي stop your vechile والله وقفت على طول وعطاني مخالفه بدون تفاهم ههههه مخالفه سرعه المشكله عندي رحله بعد يومين ولا قدرت أني اسددها و رجعت لسعوديه الحمد الله وقَعَدت سنه و 8 شهور وقررت ارجع لسانتا مع واحد من اخوياي سياحه لمده سبوعين هال فيها اشكالية بالمطار يوقفوني ولا امنع من دخول أمريكا ويرجعونا السعوديه وشكرا