استفسار مبتعثة ومرافقها لديه بعثه سابقة ولا يوجد لديها محرم غيره .. ما الحل ؟

November 29th, 2013, 07:39 AM

صبـآح الخيــر

ماعليه تحملوني وركزو بموضوعي تكفووون



اختي مبتعثه من المرحله التاسعه لامريكا ...والحمد لله طلعت قبول في احد معاهد تكساس للغه وفيزتها جاهزه ودراستها تبدي في 30 ديسمبر ..تمام ؟

محرمها اخوي ..

اخوي مرافق لزوجته بامريكا ويدرس بكولورادو ..تمام ؟

طبعا لما جينا نطلع لاختي قبول قالو لنا كولورادو موقفه للتكدس اختارو ولايه ثانيه وينقل محرمها معاها للدراسه ...اخترنا تكساس علشان كثير من الاهل هناك ..

الى هنا تمام ..


نجي لاخوي ... اخوي اللي هو محرمها اللي هو مرافق لزوجته ...زوجته زهقت من الدراسه وماتبغى ..مومشكله لان هو بيصير مرافق اختي ..المشكله انه في 30 ديسمبر تنتهي بعثته

يعني لازم يصير محرم لاختي قبل ذا التاريخ يعني اختي لازم تسافر قبل ذا التاريخ ..اختي قبولها بتكساس ...وهو ماحصل جامعه تقبله بتكساس علشان اختبار الايلتس..وعنده قبول بكولورادو


جبنا اقتراحات ..

1- تسافر اول الى كولورادو وتفتح ملف وتلحقه فيها بس علشان ماتنتهي بعثته وبعدين كلهم يروحو تكساس تبدا دراسه هي وهو على الراحه يدور ...السؤال هل يرضون لها تفتح ملف ومرافقها باقي بولايه ثانيه مو نفس ولايتها ؟؟


2 - تسافر لكولورادو و تأجل دراستها بتكساس وتحاول تجيب قبول مشروط من كولورادو ويرفقوه بقبوله هو بالكليه ويرسلوه للملحقيه ...السؤال هل بيرضون الملحقيه ؟؟وكم يطول القبول المشروط ؟؟وهل يرضون لها تفتح ملف ومحرمها باقي بكولورادو ؟؟

3- تسافر لكولورادو وتفتح ملف وينقلو كلهم تكساس يرتب امورها اخوي ويرجع هو يرتب اموره بالسعوديه وهي تظل تدرس هناك ..السؤال برضه هل يصير تفتح ملف وهو مسجل عندهم انه بكولورادو ؟

4- تروح على طول تكساس ويجي هو كاجازه لتكساس ويرتب امورها و يرجع السعوديه يشوف له صرفه بعدين يرجع لها ..بعد رجعنا لسالفة هل يفتحون لها ملف ومسجل عندهم ان مرافقها بكولورادو

ادري دار راسكم تحملوني

بس اختي طموحه مرررره وعلاماتها 100% ماشالله بالثانوي ونفسيتها الحين مررره زفت وبس تبكي ماتدري شتسوي وماعندنا محرم ثاني

قلت اكيد في عندكم اقتراح يمكن مامر علينا او نصيحه

تكففوووون نصيحه اي شي

• نشر عبر تويتر
• نشر عبر فيسبوك
• نشر عبر جوجل