استفسار ممكن يقبلوني ودرجتي في الآيلتس كذا ؟!

السلام عليكم ورحمة الله وبركاته
الاخت ksa1234 والاخ benefactor
اتوقع انكم قريتوا الموضوع غلط شوي

الاخ صافي اول شي طالع ماجستير وهذا سبب في ان درجة الايلتس تكون مرتفعه الشي الثاني تخصصه ادب انقليزي يعني تكون الدرجه المطلوبه اعلى من التخصصات الثانيه


دام تخصصك ادب انقليزي اتوقع لو تختبر مره ثانيه راح تجيب درجه اعلى لان بوجهة نظري الاختبار الاول للايلتس اختبار تجرييبي
ولا يحتاج دورات او اي شي لانه الاسئله كلها عن المامك باللغه الانقليزي ان شاء الله بتجيب الدرجه بسهوله
انصحك تسجل في معهد انقليزي علشان تعرف طبع الدوله وكيف طريقتهم وتشوف الاجواء قبل لا تدخل الجامعه ويكون عندك فكره ولا تجيب العيد بالدراسه
لان دايم بداية الابتعاث يكون صعب والواحد يبدا يشتاق لاهله وناسه كثير لانه تحول كبيير من لغه لطبع لثقافه لعادات وتقاليد لازم تكون عندك تجربه قبل لاتدخل الجامعه بوجهة نظري

5.5 تدخل بكلوريوس ما عندك مشكلة.
5.5 تدخل ماجستير، راح تتعب شوي بس أيضاً يبقى حسب الجامعة، إذا قبلتك بـ 5.5 معناه أنك راح تمشي فيها؛ لأن الجامعة تضع شروطها حسب وضعها، مستحيل جامعة تطلبك 5.5 وتتفاجأ أن الدكاترة يعاملونك على أنك جايب 7.0، يعني مثل اللي يقول لك تفضل تقهوى عندي وتصل عنده ويضربك على راسك. لكن لما تكون الجامعة مصرة على أنك تجيب 7، معناه لازم تحسب حسابك أن لغتك تكون عالية لأن الدكتور يعاملك على أن لغتك ممتازة.
5.5 وتبي تدخل ماجستير لغة إنجليزية أو أدب أو لسانيات أو ترجمة، هذي أولاً فيها صعوبة قبول جداً، وثانياً ترى 5.5 في مثل هالتخصصات راح تخليك مكتئب طيلة دراستك؛ لأنك راح تدرس مع ناس تعتبر اللغة بالنسبة لهم هي آخر العوائق.

تحياتي

I completely agree with you my brother ..
عالعموم زي ما قلت أنا أساسا ناوي أختبر الآيلتس مرة ثانية بعد ما أتجهز وأعد نفسي كويس له لأنها كانت التجربة الأولى لي ومن جد والله مهو بذاك الصعوبة
كل اللي يبغاه أنك تتدرب أكثر من مرة على طريقة الاختبار وكيفية إدارة الوقت فيه بشكل جيد , بس فكرة المراسلة بهالدرجة جت من زميلي اللي قلي جرب وما راح تخسر
هذا هو السبب اللي خلاني أسأل إذا كنتم تؤيدون كلامه وإلا لا ؟!


دوما سعيد بمرورك يالغالي ..