استفسار تأخير الحوالات الخارجية

اختي البيانات المطلوبة

1- اسم صاحب الحساب المستلم
2-رقم الحساب
3-swift code
4-الدولة
5-العنوان

عندك سبيد كاش التابع لسامبا وانجاز التابع لبنك البلاد وتحويل الراجحي التابع للبنك الراجحي

بس اتوقع سبيد كاش بيكون احسن في امريكا لان سامبا بنك امريكي😁


( تمت المشاركة باستخدام تطبيق مبتعث )

سبيد كاش يوصل لحسابي البنكي في امريكا ؟ ولا مثل إنجاز لازم احد يستلمه من هناك كاش ؟

اختي لازم تركزي

انجاز عنده نوعين من التحويل

الاول وسترن يونيون وهذي موجودة في كل مكان في امريكا اغلب فروع البنوك موجود فيها بالاضافة الى كروجر وال وال مارت

نظامهم في التحويل الاسم زي الجواز والدولة فقط والاستلام في نفس الوقت يمديك تستلمي عن طريق الرقم mtcn

هذي ماتنفع للمبالغ الكبيرة لان ياخذ عمولة


وعندهم تحويل البنوك الي قلته لك

وللمعلومية انا اولة امس محول لهونغ كونج الى بنك عن طريق انجاز


اتمنى الحين تكون وصلت الفكرة واذا فيه شي مافهمتيه اسالي


( تمت المشاركة باستخدام تطبيق مبتعث )

إنجاز يحول لحسابات بنكيه ؟ توني ادري

كاااااااااان قلتوووو كذااااا من الاول

إنجاز ايش يبي من معلومات عشان احول لحسابي البنكي ؟
معليش تحملني انا اكره البنوك وسوالف البنوك بس لازم افهم كل شي

بس يأخذ رسوم عالي صح ؟ اي اقل رسوم انجاز ولا سبيد كاش ؟

انا ابي احول مبلغ كبير

يا اختي كتبت لك لو بتحولي لبنك اش المطلوب

البيانات كلها عندك بقي swift code

الفرع الي فتحتي فيه حسابك او دقي على الكوستمر سريفس خذيه منهم هذا بديل الايبان كان عندنا في السعودية زمان بس اطورنا وصرتا ايبان وامريكا لسى متخلفين..!

طبعا لمن يروح الي يبغى يحولك انجاز يطلب الورقة حقة التحويل من بنك الى بنك

المعلومات الي في الورقة

1-اسم المحوله له
2- السوفت كود
3-المبلغ ويختار العملة دولار او ريال
4-رقم الحساب حق المحوله في امريكا
5- العنوان حق صاحب الحساب المسجل في النك

امل بالنسبة لاية ارخص والله ما ادري بس الفرق لو كان فيه بيكون اقل من خمسين ريال


وبالنسبة لانجاز لو اول مرة بتحول عن طريقهم يطلبو تعبي ابلكيشن حقهم عشان مايصف سراء عند جقين التحويل وبعدين يرجعوه ويقوله له روح عند خدمة العملاء سجل بياناتك

الورقة حق تسجيل البيانات فيها رقم الهوية ولاسم وكذا






( تمت المشاركة باستخدام تطبيق مبتعث )

آيه ايه فهمت عليك

يبيلي اطبع صفحه المنتدى هذي عشان ما أنسى واجهز البيانات

شكرًا شكرًا جزيلا مدري ليه أحسك طنقرت بس ماعليه اجيبلك عصير ليمون الحين ولا يهمك

يعطيك مليون عافيه

لا ماطنقرت هههه

واذا على العصير ابي ليمون بالنعناع

بس عشان كتبت لك السويفت كود وانتي الله يهديك مع الزعل عشان ماوصلت الفلوس ماتركزي

الموضوع جدا سهل

واذا وصلت الفلوس قولي لنا

عشان نصير جيرانكم ههههه<امزح


( تمت المشاركة باستخدام تطبيق مبتعث )

ههههههههههه طيب طيب ولا يهمممممك

اول ماتوصل بعلمك

اذا عندك بطاقه سعودية خلهم يحولون عليها ( مو شرط فيزا ) وبعدين روح ول مارت وسو money order
يأخذون منك كم سنت بس! بعدين راح يعطونك الشيك تروح البنك حقك وتودعه في حسابك
وتقدر تسحب فلوس كثر ما تبي

والفلوس توصلك بنفس الوقت اللي تم التحويل

السلام عليكم
اخوي luv مجرد رأي ابقوله لك ارجو ماتفهمني غلط "اختلاف الرأي لايفسد للود قضيه"
بوجهة نظري انه مو تخلف ولا كان ماشفنا طلاب كثير سعوديين يدرسون التخصصات الماليه والاقتصاديه في امريكا وتخصصات الجامعات الامريكيه دايم تكون مقفله على التخصصات الماليه والاقتصاديه مع التعليم العالي

الـ IBAN بدأ في نهاية التسعينات وصار فيه مشاكل كثيره لعام 2008 او 2007 ولين الحين عليه تعديلات واصلاحات للمشاكل
الـ SWIFT بدأ استخدامها من نهاية السبعينات ومن ذاك الزمان وهم يعدولن عليها علشان الامان واصلاح المشاكل

ولك الحكم في ايهم امان طريقة تستخدم من ثلاثين سنه ويتم تطويرها او من طريقة تستخدم من عشر سنوات ويتم تطويرها
صحيح ان الايبان اسهل لنا كمستخدمين لكن الافضل امان اللي هو السويفت

غير كذا الايبان مصدره اوروبا وبداً عندهم علشان يربطون بين دولهم بعدين قاموا الدول الثانيه باستخدامه
والدول الاوروبيه طلعوا من نظام السوفت عام 2009

بشكل عام هو اختلاف وجهات نظر من نواحي اقتصاديه مثل ما اقول لك العثيم افضل من التميمي لانه يفتح النفس ودايم عنده تخفيضات وبكل مكان لكن التميمي ينزل لك كل شي جديد بالسوق وعنده بضايع افضل من العثيم
فهي تعتمد على ملاك الشركات بانفسهم وكل شركه لها جمهورها