استفسار تأخير الحوالات الخارجية

السلام عليكم
اخوي luv مجرد رأي ابقوله لك ارجو ماتفهمني غلط "اختلاف الرأي لايفسد للود قضيه"
بوجهة نظري انه مو تخلف ولا كان ماشفنا طلاب كثير سعوديين يدرسون التخصصات الماليه والاقتصاديه في امريكا وتخصصات الجامعات الامريكيه دايم تكون مقفله على التخصصات الماليه والاقتصاديه مع التعليم العالي

الـ IBAN بدأ في نهاية التسعينات وصار فيه مشاكل كثيره لعام 2008 او 2007 ولين الحين عليه تعديلات واصلاحات للمشاكل
الـ SWIFT بدأ استخدامها من نهاية السبعينات ومن ذاك الزمان وهم يعدولن عليها علشان الامان واصلاح المشاكل

ولك الحكم في ايهم امان طريقة تستخدم من ثلاثين سنه ويتم تطويرها او من طريقة تستخدم من عشر سنوات ويتم تطويرها
صحيح ان الايبان اسهل لنا كمستخدمين لكن الافضل امان اللي هو السويفت

غير كذا الايبان مصدره اوروبا وبداً عندهم علشان يربطون بين دولهم بعدين قاموا الدول الثانيه باستخدامه
والدول الاوروبيه طلعوا من نظام السوفت عام 2009

بشكل عام هو اختلاف وجهات نظر من نواحي اقتصاديه مثل ما اقول لك العثيم افضل من التميمي لانه يفتح النفس ودايم عنده تخفيضات وبكل مكان لكن التميمي ينزل لك كل شي جديد بالسوق وعنده بضايع افضل من العثيم
فهي تعتمد على ملاك الشركات بانفسهم وكل شركه لها جمهورها

انا معاك ان السوفت كود اسهل خصوصا في العثور على البنك بين الدول

لكن انا عندما قلة متخلفين كنت انظر نظرة شمولية

وراح اشرحها لك

كثير من البنوك الكاستمر سيرفس حقها يقفل ١٠ مو ٢٤ ساعة طبعا فيه ٢٤ ساعة بس واحدة من خمسة تقريبا


بالنسبة للايداع لوتودع عن طريق الصراف في السعودية بسرعة المكينة تقراها وتنزل في حسابك اما في امريكا تنزل لك ١٠٠ دولار او٢٠٠ والباقي ينزل لك بعد يوم تقريبا


بالنسبة لتحويلات الواير ( الحولات الخارجية) عشان بحول للسعودية برقم الايبان ذهبت الى ٣ بنوك وواحد منها قال يمدينا نحول وجلست الفلوس ١٠ ايام ورجعت الحساب بعد خصومات كبيرة


كلامي هذا لايعني ان البنوك الامريكية سيئة لكن فيها عيوب لكن ميزتها الكبيرة ماعمري خشيت بنك في امريكا وقالي سيستم داون


تحياتي


( تمت المشاركة باستخدام تطبيق مبتعث )

انا حاليا بامريكا وبقولكم طريقتي بالتحويل من السعودية لامريكا واعتبرها كرأي شخصي افضل طريقة جربتها لتحويل فلوس الى حسابي الامريكي بدون رسوم حوالة وبنفس اللحظة

اولا/ حسابي في الراجحي ومعي بطاقة مسبقة الدفع (تسوق) فيزا من البنك الراجحي
ثانيا/ حسابي في بنك chace في امريكا.

1- حولت المبلغ من حسابي الراجحي الى البطاقه مسبقة الدفع (فيزا)
2- رحت لبنك chace وقلت لهم ابي اسوي ايداع 100دولار, قالو لي كاش؟ قلت لهم لا عن طريق الكريدت كارد حقتي السعوديه, قالو ok, ثم اخذو بطاقتي ورجعوا قالو لي تم,
3- شيكت بنفس الوقت على حسابي الراجحي لقيتهم خصموا 379 ريال شيكت حسابي chece لقيتهم اضافو 100 دولار (في نفس الوقت!)
يعني الصرف 1$ = 3.79ريال

التشييك عن طريق تطبيق للبنوك موجود بالاجهزة الذكية

نجحت الطريقة مع فيزا مسبقة الدفع الراجحي + الاهلي
ولم تنجح مع الفيزا العادية للراجحي



اتمنى اني افدتكم!
فــــي أمـــــان الله..

اخوي هل جربتها في مبالغ كبيرة ومشيت يعني الف دولار الفين ولا لك حد


وكويس انها تمشي في تشيس


( تمت المشاركة باستخدام تطبيق مبتعث )

اخوي انا الحين في السعوديه ورحلتي قريب ان شاء الله ع امريكا واول مرة اروح امريكا
عندي حساب في البنك الاهلي وبطاقة قطاف من البنك الاهلي
ينفع اسوي فيها نفس طريقتك ؟
انت كاتب حسبولك سعر الدولار 3.79 مو كثير كذا خصوصا اني بحول مبلغ كبير

انتضر ردك بالتوفيق

حسابك بالاهلي طلع فيزا مسبقة الدفع واشحنها فلوس عن طريق النت ترى تاخذ 10 ايام عمل
واشوف لو تصرف من السعودية وتجيب معك دولارات افضل لكن انتبه تزيد عن 10000$ واول ماتوصل افتح حساب في بنكchase او bank of amerca واودعها

بالنسبة بسعر الصرف يعتبر جيد خصوصا انه بدون رسوم حوالة والاهم من ذلك ان التحويل يتم مباشرة بنفس اللحظة

وللعلم انا اخذت هذه الطريقة من مبتعث كتبها في هذا المنتدى وانا جربتها وضبطت معي لو تسوي بحث وتشوف تفاصيل اكثر

انا اتكلم عن تحويل مبالغ كبيره تقريبا ٥٠٠٠ دولار

يضبط ؟ لاني توني اليوم طلعت بطاقه الأهلي مسبقه الدفع !